اقش مەملەكەتتىك دەپارتامەنتى امەريكالىقتاردى ۋكراينا اۋماعىنان شۇعىل تۇردە كەتۋگە شاقىردى. دەپارتامەنتتىڭ مالىمەتىنشە، اسكەري قيمىلدار كۇشەيە ءتۇسۋى مۇمكىن. بۇل تۋرالى كيەۆتەگى امەريكا ەلشىلىگىنىڭ سايتىنداعى حابارلامادا ايتىلعان.

«مەملەكەتتىك دەپارتامەنتتە رەسەيدىڭ جاقىن كۇندەرى ۋكرايناداعى ازاماتتىق ينفراقۇرىلىم مەن مەملەكەتتىك نىساندارعا سوققى بەرۋ ارەكەتتەرىن كۇشەيتەتىنى تۋرالى اقپارات بار»، - دەلىنگەن حابارلامادا.

سونىمەن قاتار، وندا بەيبىت تۇرعىندار وق جاۋدىرعان جاعدايدا قالاي ارەكەت ەتۋى كەرەك دەگەن نۇسقاۋلىق بويىنشا ۇسىنىستار بار. ديپلوماتيالىق ميسسيا ۋكرايناداعى قاۋىپسىزدىك جاعدايى وتە تۇراقسىز ەكەنىن جانە جاعداي ەسكەرتۋسىز ناشارلاۋى مۇمكىن ەكەنىن ايتتى.

Abai.kz