«بايتەرەك» ۇلتتىق باسقارۋشى حولدينگى» اق باسشىلارىنا 2021 جىلى 292,4 ميلليون تەڭگە تولەنگەن. بۇل اقپارات قازاقستان قور نارىعىنىڭ سايتىنا جاريالاندى.

سايت مالىمەتىنشە، بۇل سوما سالىق تولەگەنگە دەيىن كورسەتىلگەن جانە وعان 2021 جىلدىڭ قورىتىندىسى بويىنشا لاۋازىمدىق جالاقى مەن سىياقى، سونداي-اق قازاقستاننىڭ مەملەكەتتىك مەرەكەسىنە ارنالعان سىيلىقاقىلار كىرەدى.

«بايتەرەك» حولدينگىنىڭ رەسمي سايتىندا باسقارما مۇشەلەرى رەتىندە ءتورت ادام كورسەتىلگەن. ولار: باسقارما توراعاسى قانات شارلاپاەۆ، توراعانىڭ ءبىرىنشى ورىنباسارى نۇربولات ايداپكەلوۆ، توراعانىڭ تاعى ەكى ورىنباسارى ءادىل مۇحامەدجانوۆ پەن ەرسايىن حاميتوۆ.

Abai.kz