بەيسەنبى, 28 ناۋرىز 2024
انە، كوردىڭ بە؟ 2932 8 پىكىر 5 قىركۇيەك, 2022 ساعات 14:11

قازاقستان قىرعىز، تاجىك، وزبەكتەن ارتتا جاتىر

2022 جىلعى Global Peace Index بويىنشا رەيتينگكە ەنگەن 163 ەلدىڭ ىشىندە وزبەكستان ورتالىق ازياداعى ەڭ قاۋىپسىز ەل دەپ تانىلدى. ول رەيتينگتە  86-ورىنعا جايعاسىپتى. ال قازاقستان بەس ەلدىڭ ىشىندە ءتورتىنشى بولىپ تۇر. وسىلايشا وا ەلدەرى ىشىندە قازاقستان رەيتينگتىڭ سوڭىندا جاتىر دەسەك تە بولادى. 

ورتالىق ازيانىڭ باسقا ەلدەرى رەيتينگتە:

قىرعىزستان – 91,
تاجىكستان – 92,
قازاقستان – 97,
تۇرىكمەنستان – 104.

رەيتينگتىڭ العاشقى ۇشتىگىن يسلانديا، جاڭا زەلانديا جانە يرلانديا يەلەندى. سوڭعى ورىندا سوعىسى بىتپەيتىن، اتىسى تاۋسىلمايتىن اۋعانستان.

ساراپشىلار قورىتىندى يندەكستى جاساۋ ءۇشىن كەلەسى كورسەتكىشتەردى زەرتتەپ، باسشىلىققا العان:

- ىشكى جانە سىرتقى قاقتىعىستار، ولاردىڭ قارقىندىلىعى جانە قۇربانداردىڭ سانى;

- كورشى ەلدەرمەن قارىم-قاتىناس;

- حالىق اراسىنداعى بوسقىنداردىڭ ۇلەسى;

- ازاماتتار اراسىنداعى سەنىمسىزدىك دارەجەسى;

- ساياسي تۇراقسىزدىق جانە قوعامدىق ءتارتىپ;

- ساياسي تەررور;

- تەرروريستىك شابۋىلداردىڭ جيىلىگى;

- 100 مىڭ ادامعا شاققاندا كىسى ءولتىرۋ سانى;

- تۇتقىنداردىڭ سانى;

- اۋىر قىلمىستاردىڭ ۇلەسى;

- قۇقىق قورعاۋ ورگاندارى قىزمەتكەرلەرىنىڭ سانى;

- ءجىو-دەگى اسكەري شىعىنداردىڭ ۇلەسى;

- قارۋدى اكەلۋ جانە اكەتۋ;

- بۇۇ نەمەسە باسقا كۇشتەردىڭ كونتينگەنتتەرىنە قاتىسۋ;

- اتىس قارۋىنىڭ بولۋى جانە اۋىر قارۋدىڭ سانى;

- قارۋلى كۇشتەردى مودەرنيزاتسيالاۋ.

جاھاندىق بەيبىتشىلىك يندەكسىن جىل سايىن بەيبىتشىلىك ينستيتۋتىنىڭ حالىقارالىق ساراپشىلار توبىنىڭ سوتسيولوگتارى مەن ەكونوميستەرى سيدنەي ۋنيۆەرسيتەتىنىڭ بەيبىتشىلىك جانە جانجالداردى زەرتتەۋ ورتالىعىمەن بىرلەسە وتىرىپ زەرتتەيدى.

2021 جىلى قازاقستان 67 ورىندا بولعان. وا ەلدەرى قازاقستاننان الدەقايدا تومەن پوزيتسيادا ورنالاسقان بولاتىن.

Abai.kz

8 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3505