بەيسەنبى, 28 ناۋرىز 2024
الاساپىران 2944 2 پىكىر 16 قىركۇيەك, 2022 ساعات 15:19

Cوۆەتتىڭ ميناسى تاعى جارىلدى

قىرعىزستان مەن تاجىكستان اراسىندا تاعى قاقتىعىس. بۇل جولى ءتىپتى ۋشىعا ءتۇسىپ، تاراپتار مينومەت، پۋلەمەت، تانك جانە زىمىران كەشەندەرىن قولدانۋدا. جۇزدەگەن ادام قاۋىپسىز ايماققا ەۆاكۋاتسيالاندى. ەكى ەل شەكاراسىنىڭ تۇتاس اۋماعىندا اتىس-شابىس بولىپ جاتىر. 

2021 جىلى قىرعىزستان مەن تاجىكستان اراسىندا شەكارا ماڭىنداعى كەلىسپەۋشىلىك قاقتىعىسقا اكەلىپ، سوڭى قانتوگىسكە ۇلاسقان بولاتىن. قىرعىزستان قاقتىعىستا 36, ال تاجىكستان 19 ادامىنان ايىرىلعان ەدى. بۇل ەكى ەل اراسىنداعى ەڭ ءىرى قاقتىعىس بولدى.

14 قىركۇيەك كۇنى تاجىكستان مەن قىرعىزستان اراسىندا تاعى دا داۋ شىقتى. شەكاراشىلار اراسىندا اتىس بولىپ، بىرنەشە ادام جاراقات الدى. ال 16 قىركۇيەكتە قاقتىعىس ۋشىعا ءتۇستى. تاراپتار تانك پەن زىمىران كەشەندەرىن قولدانۋدا. تاجىكستان باتكەن ورتالىعىن زىمىرانمەن اتقىلاپ جاتىر. دوستىق اۋىلىن باسىپ الىپ، تاجىكستاننىڭ تۋىن تىكتى. ال قىرعىزستان بىرنەشە تاجىك بەكەتىنە سوققى جاسادى. ءبىر تانكتىڭ جويىلعانى ناقتىلاندى.

تاجىك پەن قىرعىزدىڭ قىرقىسى سوناۋ كسرو قويىپ كەتكەن "مينادان" باستاۋىن الادى. مينا تاعى جارىلدى. ەكى ەل اراسىندا شەكارا ماسەلەسى شەشىلمەگەن، شەگەندەلمەگەن. تاجىكستان 1924-1939 جىلعى كارتا بويىنشا ماسەلەنى شەشەيىك دەيدى، ال قىرعىزستان 1958-1959 جىلعى كارتاعا سۇيەنەدى. وسىلايشا شەكارانى شەگەندەۋ وڭاي بولماي تۇر. 900 شاقىرىمعا سوزىلعان شەكارانىڭ ناقتى شەشىلمەۋى ماسكەۋگە دە ءتيىمدى. سەبەبى ءبولىپ ال دا، بيلەي بەردى ىسكە اسىرادى. ورتالىق ازيا ەلدەرىنىڭ ءوزارا كەلىسىمى ماسكەۋدىڭ ايماقتاعى ىقپالىن ازايتۋى مۇمكىن.

قىرعىزستاننىڭ ىشىندە وزبەك جانە تاجىك انكلاۆتارى بار. انكلاۆتار ماسەلەسى شەشىلمەي، قاقتىعىس توقتاماق ەمەس. شەكارا شەگەندەلمەگەندىكتەن تاراپتار ماڭىزدى رەسپۋبليكالىق جولداردى، سۋ كوزدەرىن "وزىنىكى" سانايدى. بۇل ماسەلە سۋارۋ، ەگىن ەگۋ ماۋسىمىندا ەكى ەل اراسىنداعى قاقتىعىستى ارتتىرا تۇسەدى.

اسحات قاسەنعالي

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3531