سەنبى, 4 اقپان 2023
46 - ءسوز 1453 6 پىكىر 18 قىركۇيەك, 2022 ساعات 22:37

ۇرپاققا ۇلاعاتتى دۇنيە قالدىرساق...

 

 

كونستيتۋتسياعا وزگەرىس ەنگىزىپ، پرەزيدەنتتىك مانداتتى جەتى جىلعا جانە ءبىر مەرزىمگە عانا سايلايمىز دەپ جاتىر. مەملەكەت باسشىسىنىڭ ءوزى كونستيتۋتسياعا وزگەرىستەر ەنگىزگەن كەزدە «مەملەكەت باسشىسى رەتىندە وزىمنەن باستايمىن» دەگەندى ايتتى. مۇمكىن بۇل دۇرىس تا شىعار. حالىق سولاي دەپ شەشسە، ءبىز دە قوسىلامىز عوي. مەملەكەت باسشىسى بىرقاتار رەفورمالاردى جاريالادى. سول باستامالار جۇزەگە اسسا، حالىقتىڭ دا ءال-اۋقاتى تۇزەلەر دەگەن ويدامىن.

باستىسى، سەنىمگە سەلكەۋ ءتۇسىرىپ المايىق. قوعام ءبىزدىڭ كەرى كەتكەنىمىزدى ەمەس، ىلگەرى باسقانىمىزدى قالاپ وتىر. پرەزيدەنت حالىق ۇنىنە قۇلاق اسامىن دەدى. حالىقتىڭ مۇڭ-مۇقتاجىنا قۇلاق ءتۇرىپ، الەۋمەتتى مازالاعان ماسەلەلەر شەشىمىن تاۋىپ جاتسا، قۇبا-قۇپ. ءبىز وعان قۋانامىز.

مەن اسارىمدى اساپ، جاسارىمدى جاساعان اداممىن. جەكە باسىما كوپ ەشنارسەنىڭ قاجەتى جوق. تالاي نارسەنى باستان كەششتىك. بارىنە دە شىدادىق. مەنىڭ ەندىگى ۋايىمىم – كەلەر ۇرپاقتىڭ قامى. كەلەشەك جاستار قيىندىق كورمەسە، سولاردىڭ جاعدايى جاقسى بولسا دەگەن ءۇمىت عوي.

ءبىز ۇرپاققا ىزگىلىك ءنارىن سەۋىپ، ۇلتىن سۇيەتىن بۋىن تاربيەلەپ قالدىرساق، ەلىمىز قيىندىق كورمەي وسسە دەگەن انالىق اق تىلەگىم بار.

اقۇشتاپ باقتىگەرەەۆا

Abai.kz 

6 پىكىر