تۇركمەنستاندا 2022 جىلعى ەسەپ بويىنشا 524,3 مىڭ زەينەتكەر بار ەكەن، ولاردىڭ زەينەتاقىسى 703,1 ماناتقا تەڭ. بۇل قازىرگى اقش  دوللورى كۋرسىمەن ساناعاندا 37 دوللوردى قۇرايدى. 2018 جىلعى جاعدايمەن سالىستىرعاندا زەينەتكەرلەر سانى دا، زەينەتاقى كولەمى دە ءسال ارتقان.

بۇل تۋرالى مالىمەت شىلدە ايىندا تۇركمەنستان بۇۇ-نىڭ «ايەلدەرگە قاتىستى ديسكريميناتسيانى جويۋ كوميتەتىنىڭ» التىنشى مەرزىمدى بايانداماداسىندا بەرىلگەن.

مىسالى تۇركمەنستاندا ءتورت جىل بۇرىن 457,4 مىڭ زەينەتكەر بار ەدى جانە ولار ورتاشا ەسەپپەن اي سايىن ورتا ەسەپپەن 477,1 مانات، سول كەزدەگى باعام بويىنشا 34 دوللار الاتىن. تۇركمەنستاندا زەينەت جاسىنداعى ايەلدەر ەرلەرگە قاراعاندا 62,3% - عا كوپ. سوعان قاراماستان ايەلدەر زەينەتاقىسىنىڭ ورتاشا مولشەرى از: 599,3 مانات، ياعني 31,5 دوللارعا تەڭ.

تۇركمەنستانداعى جالاقىنىڭ ورتاشا دەڭگەيى – 2 مىڭ مانات، بىراق تابىس ءومىر سۇرۋگە جەتپەيتىن بولعاندىقتان، حالىق ازىق-تۇلىكتى ۇنەمدەپ الۋعا ءماجبۇر. جەرگىلىكتى ازاماتتاردىڭ ايتۋىنشا، اي سايىن 3-4 مىڭ مانات تابىس تاباتىن ادام عانا تۇرمىستىڭ تاپشىلىعانان ازدى-كوپتى ارىلا الادى. ال، زەينەتكەرلەر الاتىن 703 ماناتقا ءومىر ءسۇرۋ مۇمكىن ەمەس.

وزبەكستانداعى 2022 جىلعى ەڭ تومەنگى زەينەتاقى مولشەرى 633 مىڭ سۋمعا تەڭ، بۇل 58 اقش دوللارىن قۇرايدى. ياعني، دوللارمەن ەسەپتەگەندە وزبەكستانداعى ەڭ تومەنگى زەينەتاقى تۇركمەن قارتتارىنىڭ ورتاشا زەينەتاقىسىنان الدەقايدا كوپ. وزبەكستانداعى ورتاشا زەينەتاقى مولشەرى 700-800 مىڭ سۋمعا، 64-73 دوللارعا، تەڭ.

ال، قازاقستانداعى جاعداي بۇدان الدەقايدا ءتاۋىر. ەلىمىزدە زەينەتكەرلەر ورتا ەسەپپەن 105 مىڭ تەڭگە الادى، ياعني 221 اقش دوللارىنا تەڭ. ال ەڭ تومەنگى زەينەتاقى 48 مىڭ تەڭگەنى، 101 اقش دوللارىن قۇرايدى.

قىرعىزستانداعى زەينەتاقىنىڭ ورتاشا مولشەرى – 6300 سوم، 78 اقش دوللارى، تۇركمەندەردىڭ زەينەتاقىسىنان ارتىق. قىزعىز ەلىندەگى زەينەتاقى – 1500 سوم، 18,5 اقش دوللارىنا تەڭ ەكەن.

تاجىكستانداعى جاعداي تۇركمەنستاننان دا تومەن. مۇنداعى 2022 جىلعى ورتاشا زەينەتاقى مولشەرى – 320 سومونيع ياعني 31 دوللاردى قۇراعان. تاجىكستان قاريالارى تۇركمەنستاندىقتاردان ورتاشا ەسەپپەن 6 دوللارعا از الادى.

Abai.kz