سارسەنبى, 30 قاراشا 2022
قاۋىپ ەتكەننەن ايتامىن 2089 23 پىكىر 23 قىركۇيەك, 2022 ساعات 11:41

قازاقستان قاشقىندارعا پانا بولمايدى!

قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتى قازاقستان-رەسەي شەكاراسىنداعى احۋال تۋرالى مالىمەت بەردى.

«بۇگىنگى تاڭدا قازاقستان-رەسەي شەكاراسىندا قازاقستان رەسپۋبليكاسىنا كىرىپ جاتقان شەتەل ازاماتتارىنىڭ سانى ارتقان. ورناتىلعان 30 اۆتوموبيلدىك وتكىزۋ پۋنكتى شتاتتىق رەجيمدە جۇمىس ىستەۋدە. ادامدار مەن كولىك قۇرالدارى اعىنىنىڭ ۇلعايۋىنا بايلانىستى، ونىڭ تورتەۋىندە كەپتەلىس بايقالۋدا. احۋال ەرەكشە باقىلاۋدا.

شەكارا قىزمەتى مەملەكەتتىك قۇزىرەتتى ورگاندارمەن بىرلەسىپ، شەكارا ارقىلى ءوتۋ ورىندارىندا قاۋىپسىزدىك پەن قۇقىقتىق ءتارتىپتىڭ ساقتالۋىن قامتاماسىز ەتۋدە.

رەسەي شەكارا ۆەدومستۆوسىمەن ءوزارا بىرلەسكەن ءىس-قيمىل ۇيىمداستىرىلدى.
ۇقك شەكارا قىزمەتى ءوزىنىڭ ءىس-ارەكەتىندە حالىقارالىق شارتتاردى جانە قر ىشكى زاڭناما نورمالارىن باسشىلىققا الادى»،-دەپ جازىلدى حابارلامادا.

ايتا كەتەيىك، 21 قىركۇيەك كۇنى رەسەي پرەزيدەنتى ۆلاديمير پۋتين ەلدە جارتىلاي موبيليزاتسيا جاريالادى. ول اسكەر قاتارىنا 300 مىڭ ازاماتتىڭ شاقىرىلاتىنىن ايتتى.

ناتيجەسىندە رەسەي حالقى جاقىن-جۋىق شەتەلدەرگە جاپپاي قاشا باستاعان. العاشقى ساعاتتاردا-اق كورشى ەلدەرگە اۋە بيلەتتەرى تولىقتاي ساتىلىپ كەتتى. رەسەيدىڭ ءىرى قالالارىندا مىڭداعان حالىق «سوعىسقا قارسى ەكەندەرىن» ايتىپ نارازىلىققا شىقتى.

قازاقستاننىڭ مەملەكەتتىك ورگاندارى ەلگە كەلۋشى رەسەيلىكتەردىڭ كۇرت وتكەنىنەن حاباردار ەكەنىن جەتكىزدى.

پارلامەنت سپيكەرى ماۋلەن اشىمباەۆ «رەسەي ازاماتى ءوز ەلىنىڭ مەملەكەتتىك ورگانى قازاقستانعا كوشۋىنە قارسى ەمەس دەگەن قۇجات ۇسىنبايتىن بولسا، وعان قازاقستاندا تۇرۋعا ىقتيار حاتتىڭ بەرىلمەيتىنىن» ايتتى.

«قازاقستان رەسپۋبليكاسىندا تۇراقتى تۇرۋعا رۇقسات ەتەتىن قۇجات ەلىمىزدە قانداي دا ءبىر مۇمكىندىكتەر ۇسىناتىنى انىق. بۇل قۇجاتتى الۋ ءۇشىن كەز كەلگەن باسقا ەلدىڭ ازاماتى ءوز مەملەكەتىنەن رۇقسات الۋى كەرەك. بۇل تالاپ ەلىمىزدىڭ زاڭناماسىندا ناقتى بەلگىلەنگەن. ياعني شەتەل ازاماتى ءوز ەلىنەن كەتەتىنى تۋرالى ارنايى پاراقشا مەن باسقا دا قۇجاتتاردى ۇسىنۋى ءتيىس. ال ساياسي باسپانا بەرۋ، بوسقىن دەپ تانۋ مەن بوسقىن مارتەبەسىن بەرۋ – ول ءوز الدىنا باسقا ماسەلە. بۇل جاعداي حالىقارالىق شارتتارمەن، بۇۇ جەلىسى بويىنشا ماقۇلدانعان ءتيىستى قۇجاتتارمەن رەتتەلەدى. قازىر بۇل تۇرعىدا ماسەلە كوتەرەلىپ جاتقان جوق»، – دەدى ماۋلەن اشىمباەۆ.

ول، سونداي-اق قازاقستاننىڭ قۇقىق قورعاۋ جانە كوشى-قون ورگاندارى شەتەلدىك ازاماتتاردىڭ، سونىڭ ىشىندە رەسەيلىكتەردىڭ ەلدە تۇراقتى تۇرۋ ءۇشىن وتىنىشتەرىن ەسكەرە وتىرىپ، زاڭعا سايكەس جۇمىس ىستەيتىنىن اتاپ ءوتتى.

Abai.kz

23 پىكىر

ۇزدىك ماتەريالدار

انە، كوردىڭ بە؟

ورىس ءپاتريوتيزمى جانە ياحتا

ەسبول ۇسەنۇلى 1538
قازاقتىڭ ءتىلى

قازاقتىڭ ءتىلى ولمەسىن دەسەك...

كامشات تاسبولاتوۆا 1635
سوعىستا جۇرگەن سۇلۋلار

مايدانداعى ۋكراينا ارۋلارى: مارگاريتا ريۆچاچەنكو

ايجان تەمىرحان 1812