سارسەنبى, 30 قاراشا 2022
كورشىنىڭ كولەڭكەسى 1829 10 پىكىر 5 قازان, 2022 ساعات 14:07

پۋتين الاسۇرىپ جاتىر

ۋكراينا اسكەرى سوڭعى ءۇش كۇندە قارسىلاس شەبىنە قىسىمدى ارتتىرىپ، حەرسون باعىتىندا شابۋىلدى ۇدەتتى. رەسەي اسكەرىنىڭ قورعانىس شەبىن ۋكراينا ءۇش باعىتتا بۇزا ءبىلدى. 

ۋكراينا اسكەرىنىڭ شابۋىلى جايلى رەسەي قورعانىس مينيسترلىگى دە، شەنەۋنىكتەرى مەن ماسكەۋ دە ءتىس جارماۋدا. بۇل حاركوۆ ماڭىنداعى جەڭىلىس پەن ليمان ماڭىنداعى شەگىنىستەن كەيىن، قوعامنىڭ رەسەي اسكەرىنە قاتىستى كوزقاراسىن تۇبەگەيلى وزگەرتۋى مۇمكىن دەپ سەسكەنسە كەرەك. الايدا ۇرىس دالاسىنداعى قيىندىق جايلى رەسەي قولباسشىلارى شۋلاپ جاتىر. ولار قورعانىس مينيسترلىگى تاراپىنان ەشقانداي كومەك جوق، اۆياتسيا سوققى بەرۋدى ازايتتى، ال ارتيللەرياعا سنارياد جەتىسپەۋدە دەپ دابىل قاعۋدا.

رەسەي اسكەرىنىڭ موتيۆاتسيالىق كوڭىل-كۇيىنە ۇرىس دالاسىنداعى جەڭىلىستەن بولەك، رەسەي قورعانىس مينيسترلىگىندەگى بىلىق تا كەرى اسەرىن تيگىزۋدە. مىسالى رەسەي دەپۋتاتتارى قازىرگى ۋاقىتتى ساربازدارعا ارنالعان 1.5 ملن دانا فورمانىڭ قايدا جوعالعانىن ىزدەستىرىپ، باس قاتىرۋدا. ازىرگە ەكى نۇسقا ايتىلۋدا، ولار: اسكەري فورمالار قۇجات جۇزىندجە عانا بولعان، ال شىن مانىندە وعان بولىنگەن قارجىنى رەسەي گەنەرالدارى قالتاسىنا باسقان. ال ەكىنشى نۇسقا اسكەري فورمانى قويمادان ساتىپ جىبەرگەن.

قاي نۇسقا بولسا دا، بۇل رەسەي اسكەرىندەگى جەمقورلىق كورىنىسىن ناقتى كورسەتەدى. رەسەي قورعانىس مينيسترلىگى ۋكراينا ازات ەتكەن ايماقتى "ۋاقىتشا وككۋپاتسياداعى ايماق" دەپ اتايتىن بولىپتى.

ۋكرايناعا پەنتاگون سوققى جاساۋ مۇمكىندىكتەرىن ارتتىرۋ ءۇشىن 625 ملن دوللار كولەمىندەگى قوسىمشا اسكەري كومەك بەردى. ونىڭ ىشىندە 4 دانا HIMARS زىمىران كەشەنى، 155 مم بولاتىن 16 دانا ارتيللەريا، 1058 مم بولاتىن 16 دانا ارتيللەريا، 200 بروندى كولىك جانە تاعى باسقا قارۋ ءتۇرىن بەرەتىن بولدى. پەنتاگون "ۋكراينا اسكەرى قىرىمدى، دونباسس پەن حەروسندى، زاپوروجە مەن وزگە دە وككۋپاتسياداعى ايماقتاعى رەسەيدىڭ اسكەري نىسانىن سوققى استىنا الۋعا تولىق قۇقىلى، ويتكەنى بۇل ۋكراينا جەرى" دەپ مالىمدەدى.

ۋكراينا بيلىگى، انىعى زەلەنسكي پۋتينمەن قانداي دا ءبىر كەلىسسوز جۇرگىزۋگە تىيىم سالاتىن جارلىققا قول قويدى. بۇل كيەۆ پەن ماسكەۋ اراسىندا كەلىسسوز جۇرگىزۋ مۇمكىندىگىن تولىق جويدى. انىعى كەلىسسوزدەردىڭ ەسىگىن ماسكەۋ جالعان رەفەرەندۋم ارقىلى تارس جاپقان بولاتىن.

باتىستىق ساراپشىلار پۋتين قازىرگى ۋاقىتتا الاسۇرىپ، سوعىستى اياقتاۋ مۇمكىندىگىن ىزدەپ جاتقانىن ايتادى. ونىڭ ىشىندە تاكتيكالىق يادرولىق قارۋ قولدانۋ نۇسقاسى قارالىپ جاتقانىن دا ايتادى. الايدا كرەملدىڭ شەشىم قابىلدار شەندىلەرى بۇل نۇسقانى تالقىلاۋدىڭ ءوزى قاۋىپتى ەكەنىن ءبىلىپ وتىر دەيدى ساراپشىلار.

Abai.kz

10 پىكىر

ۇزدىك ماتەريالدار

انە، كوردىڭ بە؟

ورىس ءپاتريوتيزمى جانە ياحتا

ەسبول ۇسەنۇلى 1531
قازاقتىڭ ءتىلى

قازاقتىڭ ءتىلى ولمەسىن دەسەك...

كامشات تاسبولاتوۆا 1623
سوعىستا جۇرگەن سۇلۋلار

مايدانداعى ۋكراينا ارۋلارى: مارگاريتا ريۆچاچەنكو

ايجان تەمىرحان 1784