جۇما, 29 ناۋرىز 2024
انىق 4721 15 پىكىر 13 قازان, 2022 ساعات 11:06

رەسەي ەندى سۋپەردەرجاۆا ەمەس!

رەسەيدىڭ ۋكراينا اۋماعىنا تولىق ماسشتابتا سوعىس اشىپ، قالالارىنا باسىپ كىرۋ ارەكەتى رەسەي بيلىگىنىڭ ءوز اسكەري مۇمكىندىكتەرىن دۇرىس باعالاماۋى جانە ەل باسشىلىعىنىڭ، سونىڭ ىشىندە اسكەري باسشىلىقتىڭ قاتە «ستراتەگيالىق جورامالدارى» سالدارىنان ۇلكەن ساتسىزدىككە ۇشىراۋدا.

بۇل ۇلىبريتانيا قورعانىس ءمينيسترى بەن ۋوللەستىڭ پىكىرى. 12 قازان كۇنى بەن ۋوللەس بريتاندىق «Evening Standard» باسىلىمىنا سۇحبات بەرىپ، ۋكراينا مايدانىنداعى رەسەي اسكەرىنىڭ جاي-كۇيى مەن كرەملدىڭ قاتە ستراتەگيالارى جايلى ايتقان.

«رەسەي باستاعان ۋكراينا سوعىسى قالاي اياقتالادى»، دەگەن سۇراققا بەن ۋولەس: «بىلمەيمىن»، - دەپ جاۋاپ بەرگەن.

«مەنىڭ ايتپاعىم مىناۋ: الپاۋىت دەپ اسپەتتەلىپ كەلگەن دەرجاۆالار بۇرىن سوعىستاردا جەڭىلگەندەر. مىسالى، كەڭەس وداعى اۋعانىستاندا، اقش ۆەتنامدا... ۇلى دەرجاۆالار دا جەڭىلەدى. جەڭىلىسكە شىداۋعا ءماجبۇر بولادى»، - دەپتى بەن ۋوللەس.

«سۋپەردەرجاۆا تاعى دا جەڭىلەدى دەپ ويلايسىز با»، - دەگەن سۇراققا ۇلىبريتانيا قورعانىس ءمينيسترى رەسەيدىڭ «سۋپەردەرجاۆا» دەگەن ستاتۋسىنا كۇمان كەلتىرەتىنىن ايتقان.

«پۋتين رەسەيدىڭ سۋپەردەرجاۆا ەمەس ەكەنىن ەندى عانا ءتۇسىندى. ول ءوز تانكتەرىنە، تانكتەردى ەسەپ-قيساپ جاسايتىن اسكەري شەرۋلەرىنە سەندى. رەسەي تانكتەرى الدىنداعى جايپاپ وتەتىن، قول سۇعىلمايتىن كۇش دەپ ويلادى. شىن مانىندە ولاي ەمەس ەدى»، - دەيدى ۋوللەس.

ۋوللەس ءپۋتيننىڭ كۇشتەرى «اسكەري الەۋەتى» مەن باسشىلىعىنىڭ قاتە «ستراتەگيالىق جورامالدارى» سالدارىنان ۋكراينادا جەڭىلىپ جاتىر دەپ سانايدى.

«وسىعان دەيىن حالىقارالىق ساراپشىلار ۋكراينانىڭ كۇشىن تومەندەتىپ، رەسەيدى اسىرا باعالاپ كەلدى. بۇل قاتە ەكەنىنە كوز جەتكىزدىك. بىراق، ءپۋتيننىڭ قورجىنىندا ءالى ميلليونداعان ادامدار بار. ول (پۋتين) سول ادامداردىڭ، ونىڭ ىشىندە بەيبىت حالىقتىڭ ءومىرىن ەسەپكە الماي، ەش ەرەجەسىز-اق، ءماجبۇرلى تۇردە سوعىسقا جۇمىلدىرىپ، ەت تارتقىشقا تاستاي الادى»، - دەدى بەن ۋوللەس.

كەرىمسال جۇباتقانوۆ

Abai.kz

15 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3553