ارمەنياداعى پارلامەنت سايلاۋىنىڭ قورتىندىسى شىقتى. «ازاماتتىق كەلىسىم» پارتياسى جەڭىسكە جەتتى. «بۇل تاريحي جەڭىس ارمەنيا رەسپۋبليكاسىنىڭ تۇراقتىلىعى مەن دامۋىنا كەپىلدىك بەرەدى. بىزدە مىعىم ينستيتۋتسيونالدى الەم بولادى»، – دەپ مالىمدەدى پارتيا كوشباسشىسى، ەلدىڭ پرەمەر ءمينيسترى پاشينيان.

 ارمەنيانىڭ ورتالىق سايلاۋ كوميسسياسى پارلامەنت سايلاۋىنداعى بارلىق بيۋللەتەندەردى تولىق ساناپ شىققان.  

ناتيجەگە سايكەس، پرەمەر-مينيستر نيكول پاشينيان جەتەكشىلىك ەتەتىن «ازاماتتىق كەلىسىم» پارتياسى 49,8% داۋىس جيناپ، ءبىرىنشى ورىن الدى.

ەكىنشى ورىنعا كاسىپكەر سامۆەل كاراپەتيان قولدايتىن «كۇشتى ارمەنيا» پارتيالار بلوگى شىقتى. ول سايلاۋشىلاردىڭ 23,3% داۋىسىن الدى.

سونداي-اق پارلامەنتكە بۇرىنعى پرەزيدەنت Robert Kocharyan جەتەكشىلىك ەتەتىن «ارمەنيا» پارتياسى (9,9%) جانە «گۇلدەنگەن ارمەنيا» پارتياسى (4%) ءوتتى.

پاشينياننىڭ پارتياسى ەڭ كوپ داۋىس جيناعانىمەن، 50%-دان تومەن ناتيجە كورسەتكەندىكتەن، ۇكىمەتتى جەكە ءوزى قۇرا المايدى. سوعان قاراماستان، ول پارلامەنتتەگى ورىنداردىڭ باسىم بولىگىن يەلەنەدى.

توقاەۆ ارمەنيا پرەمەر-ءمينيسترى نيكول پاشينياندى «ازاماتتىق كەلىسىم» پارتياسىنىڭ پارلامەنتتىك سايلاۋداعى جەڭىسىمەن قۇتتىقتادى.

قاسىم-جومارت توقاەۆ نيكول پاشينياننىڭ ارمەنيا ەلىنىڭ ۇزاقمەرزىمدى ۇلتتىق مۇددەسى جولىنداعى قىزمەتتە تابىسقا جەتە بەرۋىنە تىلەكتەستىك ءبىلدىردى. پرەزيدەنت قازاقستان دوستاس ارمەنيامەن بارلىق سالادا ءوزارا مۇددەگە ساي بەلسەندى ىنتىماقتاستىقتى جالعاستىرۋعا دايىن ەكەنىن اتاپ ءوتتى.

ارمەنياداعى بۇل جولعى پارلامەنت سايلاۋىنىڭ جاھان نازارىندا بولعانى تەگىڭ ەمەس. سەبەبى پاشينيان ۇجىمدىق قاۋىپسىزدىك ۇيىمىنان شىعۋدى، ەۋرووداققا مۇشە بولۋدى دارىپتەپ، بۇرىن كەڭەس قۇرامىندا بولعان ەلدەرگە «جامان» جاقتان ۇلگى كورسەتىپ، رەسەيدىڭ، جۇيەدەن پۋتيننىڭ شامىنا ءتيىپ جۇرگەنى بەلگىلى. تاياۋدا استانادا وتكەن ەۋرازيا ەكونوميكالىق وداعىنىڭ جيىنىنا ارمەنيا ۇكىمەتباسى كەلگەن دە جوق.

بۇل جولعى پارلامەنت سايلاۋى ارمەنيا حالقىنىڭ پاشينيان مەن ونىڭ پارتيسىنا سەنىمى جوعارى ەكەنىن، ونىڭ باستامالارىن قولدايتىنىن كورسەتتى.

Abai.kz