قر ۇلتتىق بانكىنىڭ توراعاسى عالىمجان ءپىرماتوۆ حالىقارالىق ۆاليۋتا قورىنىڭ جاھاندىق ينفلياتسياعا قاتىستى بولجامىن جەتكىزدى.

«بولجام گەوساياسي جاعدايدىڭ ناشارلاۋىنا بايلانىستى الەمدىك قارجى جانە تاۋار نارىقتارىندا بولعان جوعارى قۇبىلمالىلىق كەزىندە قالىپتاسىپ وتىر. گەوساياسي داعدارىسقا بايلانىستى الەمدىك تاۋار نارىعىنداعى تەڭگەرىمسىزدىك جاھاندىق ينفلياتسيا جاعدايىن ودان ءارى قيىنداتتى»، - دەدى ع. ءپىرماتوۆ ءماجىلىستىڭ بۇگىنگى وتىرىسىندا.

لوگيستيكالىق جانە وندىرىستىك جولداردىڭ وزگەرۋىنەن ىشكى نارىقتارداعى تەڭگەرىمسىزدىك كۇشەيىپ، ازىق-تۇلىك پەن شيكىزاتتىڭ الەمدىك باعاسىنىڭ وسۋىنەن قازاقستاندا دا ينفلياتسيا وسكەن.

«جىلدىق ماندە ينفلياتسيا 17,7% جەتتى. بۇعان ازىق-تۇلىك ونىمدەرى باعاسىنىڭ 22,2% ءوسۋى ايتارلىقتاي ىقپال ەتتى. ازىق-تۇلىككە جاتپايتىن ينفلياتسيا دا يمپورتتىق تاۋارلاردىڭ قىمباتتاۋىنان جانە ولارعا سۇرانىستىڭ جوعارى بولۋىنان 17%-عا دەيىن قارقىن الدى. اقىلى قىزمەت ينفلياتسياسى 12,3% بولدى. كىركۇيەك ايىنداعى سىرتقى شوكتاردى ەسكەرسەك، 2022 جىلدىڭ سوڭىنا قاراي ينفلياتسيا ءبىزدىڭ تامىز ايىنداعى بولجامىمىزدان اسىپ تۇسەدى.قازىر ىسكە اسىرىلىپ جاتقان اقشا-كرەديت ساياساتى اياسىندا 2023 جىلى ينفلياتسيا بىرتىندەپ 7,5-9,5% دەيىن باياۋلايدى. الەمدەگى ازىق-تۇلىكتىڭ قىمباتتاۋىنىڭ باياۋلاۋى، نەگىزگى ساۋدا ارىپتەس ەلدەردەگى ينفلياتسيانىڭ باياۋلاۋى دا ينفلياتسيانى تەجەيتىن بولادى»، - دەدى سپيكەر.

Abai.kz