اعىلشىن ەليتاسى دا، قارا حالقى دا يمپەرشىلدىك كوزقاراستان باس تارتىپ، وركەنيەتتى قوعام قۇرا العان ەكەن. سونىڭ ءبىر دالەلى كەشە پرەمەر-مينيستر لاۋازىمىنا 42 جاسار ريشي سۋناك سايلاندى. ءتۇپ-تۇقيانى ۇندىستاندىق، ءدىني كوزقاراسى - يندۋيزم! وسى جىگىت ۇلىبريتانيانىڭ ىشكى-سىرتقى، ساياسي-ەكونوميكالىق ماسەلەلەرىنە جاۋاپ بەرەدى. عاجاپ پا؟ عاجاپ!

ءۇندىستان 350 جىلعا جۋىق اعىلشىن وتارى بولعان ەل. وتار ەلدىڭ ۇلىنا، سەنىپ بيلىك بەردى اعىلشىندار! "اعىلشىن قوعامى نەگە قارسى بولمادى",-دەگەن پىكىرلەردى دە وقىدىم. ونىڭ جاۋابى قاراپايىم عانا. ول زاڭ ۇستەمدىگى ورناعان قوعام. وركەنيتەتتى ەلدەردە بيلىك ءبىر قولعا شوعىرلانبايدى. بيلىك تارماقتارى مۇلتىكسىز جۇمىس جاسايدى، قيا باسسا قوعام دا، زاڭ دا ايامايدى.

ءبىزدىڭ مەملەكەتتىك ساياساتىمىزدا، باياندامالاردا ءجيى ايتىلاتىن تولەرانتتىلىق دەگەن جۇمىس ىستەمەيتىن ۇستانىم بار. جۇمىس ىستەمەيدى دەيتىنىم، مىنبەردە وسى ءسوزدى ايتقان ادامدار، قابىلداۋىندا رۋىڭدى سۇرايدى. قر پرەزيدەنتىنىڭ سوزدەرىن تۇسىنبەۋى مۇمكىن، بىراق، ءوز رۋىنىڭ "پرەزيدەنتى" ءۇشىن بىرازعا شابادى...

بوريس نەمتسوۆ پەن ءىى ەليزاۆەتا كەزدەسۋىندە حانشايىم بوريستان سۇراپتى:
- رەسەي مەن بريتانيانىڭ ايىرماشىلىعى نەدە؟
- ايىرماشىلىق كوپ ەمەس، ەكەۋى دە يمپەريا
- يا، يمپەريا بولدى. بىراق، بىزدەر ءوز يمپەريالىق امبيتسيامىزدان باس تارتىپ، وتار ەلدەرگە الدىمەن مانداتتىق، ودان دومينانت، سوڭىنان ازاتتىق بەردىك. ال، رەسەي ءالى سول يمپەريالىق امبيتسياسىنان باس تارتپادى،-دەپ تاماشا سالىستىرۋ كەلتىرگەن ەكەن.

جالپى بايقاعانىم، رەسەيمەن جاقىنداسقان ەلدەردىڭ نە ۇلتتىق ساياساتىندا، نە ەكونوميكاسىندا ىلگەرىلەۋ بولمايدى ەكەن...

جانىبەك ەلشىباەۆ

Abai.kz