ءار وقۋشىنىڭ تسيفرلىق ءپروفيلى ەنگىزىلەدى. بۇل تۋرالى ۇكىمەت وتىرىسىندا ەلىمىزدەگى ءبىلىم بەرۋدى دامىتۋدىڭ 2026 جىلعا دەيىنگى تۇجىرىمداماسىن تالقىلاۋ كەزىندە وقۋ-اعارتۋ ءمينيسترى اسحات ايماعامبەتوۆ ايتتى.

«مەكتەپتەردەگى وقۋلىقتاردى تاڭداۋ مەن مونيتورينگىلەۋ تسيفرلى فورماتقا كوشىرىلەدى. اتتەستاتتار مەن ديپلومدار QR-كودپەن تسيفرلىق فورماتتا بەرىلەدى. ءار وقۋشىنىڭ تسيفرلىق ءپروفيلى ەنگىزىلەدى. وندا وقۋشىنىڭ بالاباقشادان باستاپ مەكتەپ نەمەسە كوللەدج بىتىرگەنگە دەيىنگى اكادەميالىق، الەۋمەتتىك جەتىستىكتەرى، باعالارى، قۇزىرەتتەر كارتاسى قالىپتاستىرىلادى»، - دەدى ا.ايماعامبەتوۆ.

وسى ورايدا مينيستر ەڭ قاجەت دەگەن قىزمەتتەر تولىعىمەن eGov پەن ءىرى بانكتەردىڭ ءموبيلدى قوسىمشالارىندا قامتىلاتىنىن ايتتى.

Abai.kz