ۋكراينا قاۋىپسىزدىك قىزمەتىنىڭ وتستاۆكاداعى پولكوۆنيگى، اسكەري ساراپشى ميحايل پريتۋلا «قىتاي رەسەيدى جاۋلاپ الۋ وپەراتسياسىن باستاپ كەتتى»،-دەيدى YouTube-تەگى News Factory ارناسىنا بەرگەن سۇحباتىندا.

ونىڭ ايتۋىنشا، قىتاي قازىردىڭ وزىندە رەسەي فەدەراتسياسىنىڭ اۋماعىندا قىتايلاردى قونىستاندارۋ ارقىلى بەيبىت ەكسپانتسياسىن جۇرگىزىپ وتىر. ال رەسەي ءوز ىشىندە ىدىراي باستادى.

رەسەي ءوزىنىڭ اۋماقتىق تۇتاستىعىن ساقتاي المايدى، ويتكەنى قىتاي كوممۋنيستىك پارتيانىڭ 17-ءشى سەزىندە قابىلدانعان ستراتەگيالىق شەشىم ورىندالىپ جاتىر. قىتاي رەسەيدىڭ قيىر شىعىسى تەرريتورياسىنا قىتايلاردى كوپتەپ ورنالاستىرىپ جاتىر.

ء"بىز قازىر ءپۋتيننىڭ بارلىق اسكەردى قيىر شىعىستان شىعارىپ جاتقانىن كورىپ وتىرمىز. ولاردىڭ ءبارىن ۋكرايناعا جىبەرىپ جاتىر. ولار ۋكراين جەرىندە ءولىپ جاتىر. وسىلايشا، ءىس جۇزىندە قيىر شىعىستىڭ اۋماعى بوساپ، قىتايلار ورنىن باسىپ جاتىر. شىندىعىندا قيىر شىعىس جەرىن قىتاي ۋىسىندا ۇستاپ تۇر.  اتاپ ايتقاندا، «قارا ايۋ» ارالى قىتايعا 50 جىلعا جالعا بەرىلگەن، ياعني ماڭگىلىككە. بۇل اۋماقتىڭ ۇلكەن بولىگىن الىپ جاتىر»،- دەيدى ميحايل پريتۋلا.

سونىمەن قاتار، سپۋتنيك سۋرەتتەرىنەن حاباروۆسكىگە قىتاي جولدارى  سالىنعانىن كورۋگە بولادى، دەپ اتاپ ءوتتى ساراپشى.

ميحايل پريتۋلا قىتايداعى دەموگرافيالىق قىسىم تۋرالى ايتتى.

"رەسەيدىڭ امۋر اۋماعى ماڭىندا ءبىر شارشى شاقىرىمعا ءبىر جارىم ادامنان كەلەدى. ال قىتايدا ءبىر شارشى شاقىرىمعا 150 ادامنان كەلەدى. قىسىم 100 ەسە كوپ. بۇل قىتايلىقتاردىڭ رەسەي اۋماعىنا كوشۋىنە، ورىستاردىڭ  اسسيميلياتسياعا ۇشىراۋىنا اكەلەدى. قىتايلار وزدەرى اسسيميلياتسياعا تۇسپەيدى، ولار ءوز مادەنيەتىن وزگەگە سىڭدىرە الادى»،-دەيدى ساراپشى.

كەرىمسال جۇباتقانوۆ

 Abai.kz