اۆياتسيا سالاسىندا مەملەكەتتىك باقىلاۋ جوق!
قر ۇكىمەتىنىڭ باسشىسى
س.ن.احمەتوۆتىڭ نازارىنا!
بىرەر ايدىڭ ىشىندە ەكى بىردەي ۇشاق قۇلادى. ايدىڭ-كۇننىڭ امانىندا 48 ادام وپات بولدى.
ەكى ۇشاقتىڭ دا قارا جاشىگىن رەسەي استاناسىنا ورنالاسقان مەملەكەتارالىق اۆياتسيا كوميتەتىنە جىبەرىپ، ورىس ماماندارى نە ايتار ەكەن دەپ ماسكەۋگە قاراپ وتىرمىز.
سوندا بىزدە قارا جاشىكتى قارايتىن مامان دا، ورتالىق تا بولماعانى ما دەگەن ساۋال كولدەنەڭدەي بەردى. ءسويتىپ، اۆياتسيا سالاسىنىڭ مامانىن ىزدەپ تاۋىپ، سويلەستىك.
بىزدە ءبارى بار ەكەن. تەك مەملەكەت بار مۇمكىندىكتى ەسكەرمەي وتىرعانعا ۇقسايدى.
باقاتاي نارىشەۆ، الماتى اۆياتسيالىق-تەحنيكالىق ورتالىعى ديرەكتورىنىڭ ورىنباسارى:
- بىزدە قارا جاشىكتى «اشاتىن»، وقيتىن ماماندار بار. الماتىدا ۇشاقتاردى تەحنيكالىق جوندەۋدەن وتكىزەتىن ءۇش بىردەي تۋ ۇشاعى سياتىن انگارلى كومپلەكس بار. بۇل كومپلەكستىڭ ءۇش قاباتتى وندىرىستىك-تەحنيكالىق ورتالىعىمەن بىرگە اكىمشىلىك عيماراتى دا بار. ءدال وسى جەردە قارا جاشىكتى اشىپ، وقۋعا بولادى. جانە ءاربىر وبلىستا ۇشاق جوندەيتىن ءوز ورتالىقتارى بار ەدى.
قر ۇكىمەتىنىڭ باسشىسى
س.ن.احمەتوۆتىڭ نازارىنا!
بىرەر ايدىڭ ىشىندە ەكى بىردەي ۇشاق قۇلادى. ايدىڭ-كۇننىڭ امانىندا 48 ادام وپات بولدى.
ەكى ۇشاقتىڭ دا قارا جاشىگىن رەسەي استاناسىنا ورنالاسقان مەملەكەتارالىق اۆياتسيا كوميتەتىنە جىبەرىپ، ورىس ماماندارى نە ايتار ەكەن دەپ ماسكەۋگە قاراپ وتىرمىز.
سوندا بىزدە قارا جاشىكتى قارايتىن مامان دا، ورتالىق تا بولماعانى ما دەگەن ساۋال كولدەنەڭدەي بەردى. ءسويتىپ، اۆياتسيا سالاسىنىڭ مامانىن ىزدەپ تاۋىپ، سويلەستىك.
بىزدە ءبارى بار ەكەن. تەك مەملەكەت بار مۇمكىندىكتى ەسكەرمەي وتىرعانعا ۇقسايدى.
باقاتاي نارىشەۆ، الماتى اۆياتسيالىق-تەحنيكالىق ورتالىعى ديرەكتورىنىڭ ورىنباسارى:
- بىزدە قارا جاشىكتى «اشاتىن»، وقيتىن ماماندار بار. الماتىدا ۇشاقتاردى تەحنيكالىق جوندەۋدەن وتكىزەتىن ءۇش بىردەي تۋ ۇشاعى سياتىن انگارلى كومپلەكس بار. بۇل كومپلەكستىڭ ءۇش قاباتتى وندىرىستىك-تەحنيكالىق ورتالىعىمەن بىرگە اكىمشىلىك عيماراتى دا بار. ءدال وسى جەردە قارا جاشىكتى اشىپ، وقۋعا بولادى. جانە ءاربىر وبلىستا ۇشاق جوندەيتىن ءوز ورتالىقتارى بار ەدى.
الماتىداعى انگارلى كومپلەكس قازىر جۇمىس ىستەمەيدى. ونى ىسكە قوسۋ ءۇشىن قاراجات كەرەك. بۇل شارۋانى مەملەكەت قولىنا الۋى ءتيىس. الايدا، قازىرگە كەزدە اۆياتسيا سالاسىندا مەملەكەتتىك باقىلاۋ جوق. ءتىپتى، جۇمىستى ۇيلەستىرۋشى ورگان دا جوق.
مۇنىڭ ءبارى 90-جىلدارى باستالدى. سول كەزدە اۆياتسيا سالاسىن تاراتتى. تاراتۋدىڭ سالدارىنان اۋە جولىن، اۋا-رايىن، ۇشاقپەن بايلانىستى قامتاماسىز ەتەتىن ورتالىق ءبىر بولەك، اۋەجاي ءوز الدىنا ءبىر بولەك، اۆياكومپانيالار جەكە-جەكە ءوز الدىنا، قىزمەت كورسەتۋ سالاسى دا ءوز بەتىمەن كەتتى. كۇنى بۇگىنگە دەيىن اۆياتسيا سالاسى وسى بولىنگەن قالپىندا اركىم ءوز بىلگەنىمەن جۇمىس ىستەپ كەلەدى.
ءاربىر اۆياكومپانيا ءوز ۇشاقتارىن وزدەرى جوندەپ، ءوز ماسەلەلەرىن وزدەرى شەشەدى.
ءبىر سوزبەن ايتقاندا، اۆياتسيا سالاسىنىڭ جاعدايى قيىن.
مەملەكەت بۇل سالانى ءبىر ورتالىققا قايتا جيناپ، انگارلى كومپلەكستى ونىڭ وندىرىستىك جانە اكىمشىلىك بازاسىن قالپىنا كەلتىرىپ، ماماندار دايارلاۋى قاجەت.
مامان دايارلاۋدا مىناداي ماسەلە بار: ءبىز ۇشاقتى ەۋروپادان الساق، سول جاققا ماماندار جىبەرىپ، ەۋروپادان الىناتىن ۇشاقتاردى وزىمىزدە جوندەۋ ءۇشىن وقىتۋىمىز كەرەك. ول ءۇشىن اعىلشىن ءتىلىن ءبىلۋ مىندەت. قازىر اۆاتسيا سالاسىندا اعىلشىن ءتىلىن ءبارى مەڭگەرگەن دەپ ايتۋعا كەلمەيدى. ايتەۋىر، قاعاز تولتىرساڭ بولدى.
تاعى ءبىر نارسە رەسەيدىڭ، ەۋروپا ۇشاقتارىنىڭ وزىندىك نورماتيۆتەرى بار. شىنىمدى ايتسام، ءبىزدىڭ ۇشاقتار قانداي نورماتيۆپەن ۇشىپ جۇرگەنىن بىلمەيمىن. ءار اۆياكومپانيا بىلگەنىن جاساپ ءجۇر - قالاسا جۇمىس جۇرگىزەدى، قالاماسا كەتىپ قالادى.
مىنە، جاعداي وسىنداي.
ABAI.KZ
