ۇكىمەتتىڭ كەڭەيتىلگەن وتىرىسىندا پرەزيدەنت قاسىم-جومارت توقاەۆ تاعى ءبىر ماڭىزدى ماسەلەگە توقتالىپتى.

«ماڭىزدى مالىمەتتەر ازاماتتارعا قولجەتىمدى بولۋعا ءتيىس جانە ونى سەنىمدى اقپارات كوزدەرىنەن الۋى قاجەت. ەلدى الاڭداتىپ، دۇربەلەڭ تۋعىزباۋ ءۇشىن ۇكىمەت مۇنىڭ ءبارىن تۇراقتى تۇردە حالىققا قاراپايىم تىلمەن ءتۇسىندىرىپ وتىرۋى كەرەك» - دەپتى، قاسىم-جومارت كەمەلۇلى.

وتە-وتە وزەكتى ماسەلە! ءدال ۇستىنەن ءتۇسىپ، ءدوپ باسىپ وتىر مەملەكەت باسشىسى. مەملەكەتتىك ورعاندارعا حات جازىپ، جارىتىمدى جاۋاپ الا الماي كەلە جاتقان پاقىردىڭ بىرەۋى مەنمىن.

مەن پرەزيدەنت اكىمشىلىگىنە، ۇكىمەت باسشىسى ءاليحان سمايلوۆقا، مەملەكەتتىك كەڭەسشىگە، سەنات پەن ءماجىلىس توراعالارىنا، باس پروكۋرورعا جازعان حاتتارىما تىكە وزدەرىنەن جاۋاپ الىپ كورگەن ەمەسپىن!

ءبارى ەڭبەك جانە حالىقتى الەۋمەتتىك قورعاۋ مينيسترلىگىنە لاقتىرادى. ودان قالسا، سىرتقى جانە ىشكى ىستەر مينيسترلىگىنە سىلتەيدى.

ولار دا قىزىق، «بۇل ءسىزدىڭ اتىڭىزعا جازىپ وتىر عوي، ءوزىڭىز جاۋاپ بەردىڭىز!»، - دەپ وزدەرىنە قايتارىپ جىبەرۋدى بىلمەيدى. بىلمەيدى ەمەس، بىلەدى. بىراق، دارمەنسىز، قۇلمىنەز!

سوسىن، باتىپ-شۇتىپ وتىرىك جاۋاپ بەرەدى.

ال، پرەزيدەنتىمىزدىڭ وزىنە جازعان حاتىم ايدا بالاەۆادان ارى اتتاعان ەمەس.

پرەزيدەنت قاسىم-جومارت كەمەلۇلىن سايلاۋداعى جەڭىسىمەن قۇتتىقتاعان حاتىما اقپارات جانە قوعامدىق دامۋ مينيسترلىگى جاۋاپ بەرىپتى.

ءاليحان سمايلوۆقا جازعان حاتتارىم ەڭبەك جانە حالىقتى الەۋمەتتىك قورعاۋ مينيسترلىگىنە لاقتىرىلا بەرگەن سوڭ، ۇكىمەت كەڭسەسىنىڭ باسشىسى عالىمجان تەلمانۇلىنىڭ ءوز اتىنا حات جازىپ، حاتتارىمدى يەسىنە جەتكىزۋدى ءوتىندىم. ودان دا تۇك شىقپادى.

سوڭىندا احمادي سارباسوۆ پەن داستان ايتقۇلوۆتى اياپ كەتتىم.

ەڭبەك جانە حالىقتى الەۋمەتتىك قورعاۋ مينيسترلىگىنە تۇسكەن سول قاڭعىرعان حاتتارىما وسى ەكى جىگىت جاۋاپ بەرۋمەن كەلەدى.

ۇيات بولدى بۇل ازاماتتاردان دا...

مىنە، جاۋاپسىزدىق!

مىنە، نەمقۇرايدىلىق!

مىنە، ساۋاتسىزدىق!

مىنە، بيۋروكراتتىق!

مىنە، ناداندىق!..

ءبارى اسقىنىپ، شەگىنە جەتتى!

اتتەڭ، ءبىر...

وسىدان بارىپ، حالىقتىڭ نارازىلىعى اسقىنادى. بيلىككە دەگەن سەنىمى سەتىنەيدى...

سوڭىندا، جۇرت بار كىنانى پرەزيدەنت قاسىم-جومارت توقاەۆقا ارتىپ، قوعامدىق ءتارتىپ بۇزىلادى.

سوڭعى كەزدە مەن سەنات توراعاسى ماۋلەن اشىمباەۆتى كوپ سىناپ ءجۇرمىن. بۇگىن دە اتىن اتاپ، Facebookتەگى جازبامدى بولىسەيىن دەسەم، مەنى قارا تىزىمگە تىعىپ جىبەرىپتى.

ءيا، ماۋلەن ساعاتحانۇلى ەلىمىزدەگى ەكىنشى تۇلعا. مۇمكىندىگىن پايدالانىپ، قانداستارىمىزدىڭ ءبىراز ماسەلەسىن شەشۋگە ىقپال ەتسەك دەيمىز. كەيدە، اقىل سۇراپ، كەڭەس العىمىز كەلەدى.

جولاتپايدى!

ءبىر ۋاق ويلانىپ، «وسى اۋىت مۇقيبەك ماعان نەگە تيىسە بەردى، قابىلداپ سويلەسەيىنشى!»، - دەپ شاقىرۋىنا بولادى عوي.

جوق، ءبىزدىڭ بيلىكتەگى زامانداستاردا ونداي كىسىلىك پەن كىشىلىك جوق! مۇمكىن، شەتتەن كەلگەن دەپ، مەنسىنبەيتىن شىعار.

ءبىز دە ازاماتپىز. جەكە باستىڭ ەمەس، ۇلتتىڭ تاعدىرىنا قاتىستى شارۋامەن، ماۋكەڭدەر قيسىق قابىلداپ جىبەرگەن زاڭداردى تۇزەتۋمەن ارپالىسىپ كەلەمىز. سوزگە توقتايمىز، جۇيەگە جىعىلامىز...

2013 جىلى قانداستارىمىزعا ءتورت جىلسىز ازاماتتىق بەرىلمەيتىن قاتاڭ زاڭ قابىلدانعان كەزدە، تۇڭعىش پرەزيدەنت نۇرسۇلتان نازارباەۆقا «ناعاشىما حات» دەگەن اتپەن وتە اششى اشىق حات جازدىم.

سول حاتتى پرەزيدەنت كەڭسەسىنىڭ باسشىسى ماحمۇد قاسىمبەكوۆ اعامىز نۇرسۇلتان ءابىشۇلىنا جەتكىزىپ، ارتىنان ءوزىمدى اقورداعا شاقىرىپ، سويلەستى. قاتاڭ زاڭنىڭ قالپىنا كەلەتىنىن جەتكىزدى. مەن بىردەن توقتادىم. كەيىن، كەز-كەلگەن ۋاقىتتا سۇرانسام، ماحمۇد بازارقۇلۇلى قابىلداپ تۇردى.

كوشى-قوننىڭ كوپ ماسەلەسى پرەزيدەنتتىڭ دەڭگەيىندە شەشتىم تاپتى.

مەن سول ماحمۇد اعانىڭ جاقسىلىعىن اڭىز قىپ ايتۋدان جالىقپايمىن!

امان بولسىن، ارداقتى ماحمۇد اعا!

«پارلامەنت ءۇيى بۇرحاندار مۇلگىپ وتىراتىن بۇتحانا ەمەس!» دەگەن ماقالامدى «جاس الاشتان» وقىپ، سەناتور مۇرات باقتيارۇلى اعامىز دا ءوزى شاقىرىپ، اڭگىمەلەسكەن بولاتىن.

ول كىسى دە ۇسىنىستارىمىزدى قابىلداپ، كوشى-قون ۇدەرىسىن رەتتەيتىن زاڭدارعا تۇزەتۋلەر ەنگىزۋگە زور ۇلەسىن قوستى.

بۇگىندە اعا-باۋىر بولىپ كەتتىك، مۇرات اعامەن دە...

اۋەلگى سوزگە ورالساق، پرەزيدەنتىمىز ءبارىن ءبىلىپ وتىر ەكەن. سوعان ريزا بولدىم. جۇرت بولىپ قولداساق، ادىلەتتى قازاقستاندى، ءسوز جوق، قۇرامىز.

سول ءۇشىن، «حالىق ۇنىنە قۇلاق اساتىن مەملەكەت» تۇجىرىمداماسى ءوز دەڭگەيىندە ورىندالسىن دەسە، حالىقتى قويا تۇرىپ، الدىمەن پرەزيدەنت اكىمشىلىگى، ۇكىمەت جانە مينيسترلىكتەر الدىمەن وزدەرى پرەزيدەنتتىڭ سوزىنە قۇلاق ساۋدى ۇيرەنۋلەرى كەرەك بولىپ تۇر!

اۋىت مۇقيبەك

Abai.kz