ەلوردادا «مىرجاقىپ. ويان، قازاق!» تەلەحيكاياسىنىڭ تۇساۋكەسەرى ءوتتى. تۋىندى «Qazaqstan» تەلەارناسىنان 16-17 جەلتوقسان كۇندەرى 18:00-دە ەفيرگە شىقپاق.

6 ءبولىمدى تاريحي تەلەحيكايادا مىرجاقىپ دۋلاتۇلى ءومىرىنىڭ 1909-1935 جىلدارداعى كەزەڭى قامتىلادى.

تەلەحيكايانىڭ رەجيسسەرى - مۇرات ەسجان، پروديۋسەرى - ايساۋلە ابىلداەۆا. ستسەناري اۆتورلارى - مۇرات ەسجان، اقىن، دراماتۋرگ ۇلاربەك نۇرعالىمۇلى جانە الاشتانۋشى عالىم ۇشقىن ءسايدىراحمان.

سەريالدا باس كەيىپكەر مىرجاقىپ دۋلاتوۆتىڭ ءرولىن باقىت قاجىباەۆ، جارى عاينيجامالدىڭ ءرولىن زارينا كارمەن، قىزى گۇلنار دۋلاتوۆانىڭ ءرولىن گۇلجاس اپسەتوۆا وينايدى. احمەت بايتۇرسىنۇلى مەن ءاليحان بوكەيحانوۆ بەينەسىن «Qazaqstan» تەلەارناسى تۇسىرگەن «احمەت. ۇلت ۇستازى» تەلەحيكاياسىنىڭ باستى كەيىپكەرلەرى بايعالي ەسەنالى مەن باۋىرجان قاپتاعاي سومدايدى.

Abai.kz