رۋح رەينكارناتسياسى
جەلكىلدەگەن جەڭىمپاز تۋلارداي بوپ،
جەلتوقساندا ءبىر انا تۋعانداي بوپ -
تۋرا وسى الاڭدا تۇرعان ەدىك،
تاعى تاسقا سوعىلدى قۋ ماڭداي كەپ!
تاعى الماتى.
تاعى دا سول الاڭدا
اتىس-شابىس، جارىلىس، زوبالاڭدا،
تۋ كوتەرگەن كىم ەكەن، - نامىس تۋىن
سوعۋ كەرەك ەسكەرتكىش سول ادامعا!
بويىنداعى اساۋ كۇش بەرمەي تىنىم
بولسا، شىركىن وسىنداي ەر دەيتىنىڭ.
ول قازاقتىڭ رۋحى - مىڭ سان تۇلەپ
وقتان، وتتان كەيىن دە ولمەيتۇعىن!
قانعا بوكتى وسىناۋ الاڭ قانشا،
بيلىككە اقىل كىرمەدى، امال قانشا.
ازاتتىقتىڭ اق تاڭى تۋادى ءالى،
تۋ ۇستايتىن جىگىتتەر امان بولسا!
ابۋباكىر سمايىلوۆ
Abai.kz
