استانا مەن چەليابينسك اراسىندا اۋە رەيسى اشىلادى، دەپ حابارلايدى يندۋستريا جانە ينفراقۇرىلىمدىق دامۋ مينيسترلىگى.

«ازاماتتىق اۆياتسيا كوميتەتى حالىقارالىق قاتىناستى ودان ءارى جاڭعىرتىپ، اشۋ جونىندەگى جۇمىس شەڭبەرىندە رەسەي فەدەراتسياسىنىڭ اۆياتسيالىق بيلىك ورىندارىمەن بىرلەسىپ، استانا – چەليابينسك باعىتى بويىنشا تۇراقتى تىكەلەي رەيستەردى اشۋ ماسەلەسىن قاراستىردى.

بۇل قولعا الىنعان جۇمىستىڭ ناتيجەسىندە قازاقستاندىق Qazaq Air اۋە كومپانياسى بيىل 13 اقپاننان باستاپ De-Havilland Dash 8-Q400 ۇشاعىمەن اپتاسىنا جيىلىگى 3 رەيسپەن جالعاساتىن استانا – چەليابينسك مارشرۋتىمەن تۇراقتى جولاۋشىلار رەيستەرىن ىسكە اسىرۋدى جوسپارلاپ وتىر»، - دەپ جازدى ۆەدومستۆودان.

Abai.kz