فرانتسيا استاناسىندا 1 ملن. 400 مىڭعا جۋىق ادام ءبىر جىنىستىلاردىڭ نەكەسىن زاڭداستىرۋعا قارسى نارازىلىق شاراسىن وتكىزدى.

بۇل جايىندا يتار-تاسس حابار تاراتتى. ەلدىڭ نارازىلىعىن تۋدىرعان زاڭ جوباسى ولاردىڭ نەكە قيۋىنا عانا رۇقسات بەرىپ قويماي، بالا اسىراپ الۋىنا دا مۇمكىندىك بەرەدى.

muslim.kz سايتىنىڭ جازۋىنشا، شەرۋگە شىققاندار ەل پرەزيدەنتى فرانسۋا وللاندتان قوعامدى ىشتەن ىرىتەتىن زاڭ جوباسىنا تىيىم سالۋدى تالاپ ەتتى. نارازىلىق شاراسىنا وپپوزيتسيانىڭ جانە قوعامدىق ۇيىمداردىڭ كورنەكتى وكىلدەرى دە قاتىستى. ولار ءداستۇرلى وتباسىن جاقتاپ، ءوز پىكىرلەرىن ءبىلدىردى. بەلسەندىلەر بۇل ماسەلەنى رەفەرەندۋم ارقىلى شەشۋدى العا تارتىپ وتىر.

فرانتسيادا ءبىر جىنىستىلاردىڭ نەكەسىنە قارسى مۇنداي نارازىلىق شاراسى ءبىرىنشى رەت ءوتىپ وتىرعان جوق. وسىنىڭ الدىندا، 13 قاڭتار كۇنى ەيفەل مۇناراسىنىڭ تۇبىندە وتكەن اتالمىش زاڭ جوباسىنا قاتىستى نارازىلىق اكتسياسىنا 1 ميلليونعا جۋىق ادام قاتىسقان بولاتىن.

جۇرتتىڭ ءبىر ەمەس، بىرنەشە رەت شەرۋگە شىققانىنا، نارازىلىق تانىتقانىنا قاراماستان ەل بيلىگى ويلاعانىن ىسكە اسىرماي تىنبايتىن سەكىلدى. ولاي دەيتىنىمىز، فرانتسيانىڭ ادىلەت ءمينيسترى كريستيان توبيرا اتالمىش زاڭ جوباسىنىڭ جاز مەزگىلىندە كۇشىنە ەنەتىنىن مالىمدەدى.

12 اقپان كۇنى بۇل زاڭ جوباسىن ۇلتتىق جينالىستىڭ تومەنگى پالاتاسى كوپشىلىك داۋىسپەن ماقۇلداعان ەدى. ەندىگى كەزەك - سەناتتا.

دەرەككوز: قازاقپارات

فرانتسيا استاناسىندا 1 ملن. 400 مىڭعا جۋىق ادام ءبىر جىنىستىلاردىڭ نەكەسىن زاڭداستىرۋعا قارسى نارازىلىق شاراسىن وتكىزدى.

بۇل جايىندا يتار-تاسس حابار تاراتتى. ەلدىڭ نارازىلىعىن تۋدىرعان زاڭ جوباسى ولاردىڭ نەكە قيۋىنا عانا رۇقسات بەرىپ قويماي، بالا اسىراپ الۋىنا دا مۇمكىندىك بەرەدى.

muslim.kz سايتىنىڭ جازۋىنشا، شەرۋگە شىققاندار ەل پرەزيدەنتى فرانسۋا وللاندتان قوعامدى ىشتەن ىرىتەتىن زاڭ جوباسىنا تىيىم سالۋدى تالاپ ەتتى. نارازىلىق شاراسىنا وپپوزيتسيانىڭ جانە قوعامدىق ۇيىمداردىڭ كورنەكتى وكىلدەرى دە قاتىستى. ولار ءداستۇرلى وتباسىن جاقتاپ، ءوز پىكىرلەرىن ءبىلدىردى. بەلسەندىلەر بۇل ماسەلەنى رەفەرەندۋم ارقىلى شەشۋدى العا تارتىپ وتىر.

فرانتسيادا ءبىر جىنىستىلاردىڭ نەكەسىنە قارسى مۇنداي نارازىلىق شاراسى ءبىرىنشى رەت ءوتىپ وتىرعان جوق. وسىنىڭ الدىندا، 13 قاڭتار كۇنى ەيفەل مۇناراسىنىڭ تۇبىندە وتكەن اتالمىش زاڭ جوباسىنا قاتىستى نارازىلىق اكتسياسىنا 1 ميلليونعا جۋىق ادام قاتىسقان بولاتىن.

جۇرتتىڭ ءبىر ەمەس، بىرنەشە رەت شەرۋگە شىققانىنا، نارازىلىق تانىتقانىنا قاراماستان ەل بيلىگى ويلاعانىن ىسكە اسىرماي تىنبايتىن سەكىلدى. ولاي دەيتىنىمىز، فرانتسيانىڭ ادىلەت ءمينيسترى كريستيان توبيرا اتالمىش زاڭ جوباسىنىڭ جاز مەزگىلىندە كۇشىنە ەنەتىنىن مالىمدەدى.

12 اقپان كۇنى بۇل زاڭ جوباسىن ۇلتتىق جينالىستىڭ تومەنگى پالاتاسى كوپشىلىك داۋىسپەن ماقۇلداعان ەدى. ەندىگى كەزەك - سەناتتا.

دەرەككوز: قازاقپارات