رەسمي كرەمل پۋتيننءىڭ اتالمىش سوعىسىنان كەيىن ەنەرگيا كوزدەرىنە مۇقتاج ەلدەرگە «مۇناي مەن ۋكراينانىڭ بىرەۋىن تاڭدا» دەپ قاتاڭ تالاپ قويىپ كەلگەنى بەلگىلى. باسىندا ۋكراينا ماسەلەسىندە بەيتاراپ پوزيتسيا ۇستانىپ كەلگەن مەملەكەتتەردىڭ قاتارىندا پاكىستان دا بولىپ كەلدى. ەكى تاراپ قۇبىردى جاڭالاپ، ءساۋىردىڭ باسىندا ىسكە قوسۋعا كەلىسىم-شارت جاساسقان.

جاڭا جىل كىرگەلى بەرى پاكىستان ۋكرايناعا بولىسا باستادى. اسكەري كومەكتى كۇرت كوبەيتتى. العاشىندا وق-ءدارى بەرگەنىن ايتىپ، ناقتى سانىن كورسەتۋدەن باس تارتسا، ەندى اشىعىنا كوشىپ، سانامالاپ مالىمەت بەرە باستادى. اقپان باستالعالى بەرى پولشا شەكاراسى ارقىلى ون مىڭ سنارياد بەرگەنىن جەتكىزدى. ونىمەن عانا شەكتەلمەي رەسەيدىڭ ارىپتەستەرى قاتىساتىن اۋعان ماسەلەسىن تالقىلاۋ كەڭەسىنە قاتىسۋدان باس تارتتى. سونىڭ الدىندا عانا رەسەي سىرتقى ىستەرى اۋعانستان مەن پاكىستاندا ورىن العان جىرىلىستاردى باتىستىڭ ارانداتۋ ارەكەتى، سول ارقىلى قىتايدىڭ «ءبىر جول، ءبىر بەلدەۋ» جوباسىن توقتاتۋدى كوزدەيدى دەپ مالىمدەمە جاساعان ەدى. پاكىستان تارابى كەڭەسكە قاتىسۋدان باس تارتۋ سەبەبىن اۋعان ماسەلەسىندە ءوز الدىنا جوباسى بار ەكەنىمەن، بۇرىننان اۋماق تىنىشتىعىنا ات سالىسىپ كەلە جاتقانىمەن ءتۇسىندىردى. الەمدىك اقپارات قۇرالدارى ۋكرايناداعى وق-ءدارى تاپشىلىعىن جويۋعا امەريكانىڭ ۇسىنىسىمەن وڭتۇستىك كورەيا مەن پاكىستان ات سالىسىپ وتىرعانىن جازادى.

پاكىستاننىڭ ۋكراينا مەن مۇنايدى قاتار تاڭداۋى ساياسي تاكتيكا ەكەنى بەلگىلى. سول ارقىلى ەكى الىپ، بيگە شىقپاق. ءبىر جاعىنان ۋكراينانى قولداۋ ارقىلى ۇندىستانمەن ىشتەسىپ بارا جاتقان كرەملگە قىر كورسەتىپ، ورىس مۇنايىن ارزان باعادا ساتىپ الۋعا كوزىر ازىرلەمەك. ەندى ءبىر جاعىنان ترامپ كەزىندە توقتاپ قالعان امەريكامەن اراداعى اسكەري ارىپتەستىكتى كۇشەيتپەك.

سوعىستا جەڭىلىپ، ەكونوميكاسى قۇلدىراپ، بارعان سايىن ىرىقسىز ورىنعا ءتۇسىپ بارا جاتقان ورىس بيلىگىنىڭ ونىڭ تاڭداۋىنا كونبەستەن باسقا شاراسى جوق بولىپ تۇر.

Abai.kz