مادەنيەت جانە سپورت مينيسترلىگى بيىل 101 ادەبيەت باسىپ شىعارۋدى جوسپارلاپ وتىر. ونىڭ ىشىندە 35 اتالىم قولجازباسى ساتىپ الىنعان. بۇل تۋرالى ارحيۆ ىستەرى جانە قۇجاتتامانى باسقارۋ كوميتەتى باسپا ءىسى باسقارماسىنىڭ باسشىسى الماز مىرزاحمەت مالىمدەدى.

«جەكە جانە زاڭدى تۇلعالاردان تۇسكەن وتىنىمدەردى ساراپتاما كوميسسياسى قارايدى. كوميسسيا ۇسىنىلعان كىتاپتىڭ كوركەمدىك قۇندىلىعىنىڭ بولۋى، سونداي-اق ساتىپ الۋدىڭ وزەكتىلىگى، ورىندىلىعى تۇرعىسىنان زەردەلەپ، قورىتىندى شىعارادى. ساراپشىنىڭ وڭ قورىتىندىسىن العان ادەبيەتتەر ۆەدوموستارالىق كوميسسيا شەشىمىمەن باسىپ شىعارىلاتىن ادەبيەتتەر تىزىمىنە ەنگىزىلەدى. وتىنىمدەر جىل سايىن كوركەم ادەبيەت، بالالار مەن جاسوسپىرىمدەرگە ارنالعان ادەبيەت، مادەنيەت جانە ونەر تۋرالى ادەبيەت، ەنتسيكلوپەديالىق-انىقتامالىق ادەبيەت، عىلىمي-كوپشىلىك ادەبيەت، قوعامدىق-ساياسي ادەبيەت، اۋدارما ادەبيەتى، مەرەيتويلار مەن اتاۋلى كۇندەرگە ارنالعان ادەبيەت تۇرلەرى بويىنشا قابىلدانادى»، - دەدى الماز مىرزاحمەت.

وتكەن جىلى 188 اتالىم 506 مىڭ دانامەن باسىلىپ شىعىپ، بارلىق وڭىردەگى مەملەكەتتىك كىتاپحانالارعا تاراتىلعان.

Abai.kz