6 ناۋرىزدا استانادا «AMANAT»-تىڭ پارتيالىق ءتىزىمى بويىنشا قالالىق ءماسليحات دەپۋتاتتىعىنا كانديداتتار «قازپوشتا» ۇجىمىنا پارتيانىڭ سايلاۋالدى باعدارلاماسىن تانىستىردى. كەزدەسۋگە مەملەكەتتىك اكادەميالىق فيلارمونيانىڭ باس ديرەكتورى ەرلان داكەنوۆ پەن №5 قالالىق ەمحانا ديرەكتورى التىنشاش تابۋلدينا قاتىستى.

«بۇگىنگى تاڭدا پارتيا جۇمىسىنىڭ باعدارلانعان ماقساتى: ەل مەن قوعامدى ساياسي، ەكونوميكالىق، مادەني، تەحنولوگيالىق جانە رۋحاني تۇرعىدا قايتا قۇرۋ. ءبىز سىزدەردى دۇرىس تاڭداۋ جاساۋعا جانە قالالىق ماسليحاتتاعى سايلاۋدا «AMANAT» پارتياسىن قولداۋعا شاقىرامىز! بۇگىن قازپوشتا قىزمەتكەرلەرىمەن كەزدەسىپ، بىرقاتار ماسەلەنى كوتەردىك. اتاپ ايتقاندا، جۇمىسشىلاردىڭ جالاقىسىن ارتتىرۋ كەرەك. باسپانا ماسەلەسى دە وتە وزەكتى. مۇقتاج ازاماتتاردى باسپانامەن قامتاماسىز ەتۋ ءۇشىن 6 مىڭ پاتەر سالۋ جوسپاردا بار. كوپبالالى جانە از قامتىلعان وتباسىلار مەن 2027 جىلى 3,3 مىڭ اتاۋلى الەۋمەتتىك كومەك الۋشىنى قولداۋعا باعىتتالعان «باقىتتى وتباسى» جانە «ارداگەرلەردى ارداقتايىق» پارتيا جوبالارى جۇزەگە اسادى»،  – دەدى ەرلان داكەنوۆ.

التىنشاش تابۋلدينا پارتيا وتباسىلىق دەنساۋلىق ورتالىقتارىن، دارىگەرلىك امبۋلاتوريالاردى اشۋ ەسەبىنەن ەمحانالاردىڭ قادامدىق قولجەتىمدىلىگىن قامتاماسىز ەتەتىنىن ايتتى.

«سارىارقا» اۋدانى ش. قوسشىعۇلۇلى كوشەسىندە 250 توسەكتىك اكۋشەرلىك بلوك، دارىگەرلەر مەن ورتا مەديتسينا جۇمىسكەرلەرىنە ارنالعان 2 جاتاقحانا، 2025 جىلى مەديتسينا جۇمىسكەرلەرى ءۇشىن 100 ورىندىق شاعىن وتباسىلىق ۇلگىدەگى تۇرعىن ءۇي سالۋ كوزدەلىپ وتىر.

جىل سايىن 300 جاس ماماندى قالانىڭ مەديتسينالىق ۇيىمدارىنا جۇمىسقا ورنالاستىرۋ، سونداي-اق ەلىمىزدىڭ جانە شەت ەلدەردىڭ جەتەكشى عىلىمي ورتالىقتارىندا 13 مەديتسينا قىزمەتكەرىنىڭ بىلىكتىلىگىن ارتتىرۋ ماقسات ەتىلگەن»، –  دەدى ا.تابۋلدينا.

شارادا كانديداتتار سايلاۋشىلاردىڭ ءاربىر ماسەلەسىن نازارعا الىپ، الداعى سايلاۋعا قاتىسۋعا شاقىردى.

استانا قالاسى ءماسليحاتىنىڭ دەپۋتاتتارىن سايلاۋدا پارتيالىق ءتىزىمدى ۇسىنعان «AMANAT» پارتياسىنىڭ سايلاۋ قورىنىڭ قاراجاتىنان تولەندى.

Abai.kz