Brent ماركالى مۇناي باعاسى 71 دوللاردان تومەندەدى. بۇل - 2021 جىلدىڭ سوڭىنان بەرگى ەڭ تومەن باعا، دەپ حابارلايدى Ulysmedia.kz.

ICE بيرجاسى مالىمەتىنشە، استانا ۋاقىتىمەن ساعات 13:04 -تە Brent ماركالى مۇنايدىڭ مامىرداعى فيۋچەرستەرىنىڭ باررەلى $70,65 بولدى. ال WTI ماركاسىنىڭ مامىرداعى فيۋچەرستەرىنىڭ باررەلى 3,14% ارزانداپ 64,83 دوللاردى قۇرادى.

سوڭعى رەت مۇنداي كورسەتكىش 2021 جىلى 20 جەلتوقساندا بولعان ەدى.

ەسكە سالا كەتەيىك، ۋكرايناداعى سوعىسقا بايلانىستى ەۋروپا ەلدەرى رەسەي مۇنايىنا ەمبارگو جاريالاعان. اقپان ايىندا قازاقستاننان گەرمانياعا 20 مىڭ توننا مۇناي جەتكىزىلدى. ناۋرىزدا دا بۇل ەلگە ءدال وسىنداي كولەمدە قارا التىن ەكسپورتتالماق.

Abai.kz