رەسەيدىڭ بۇرىنعى پرەزيدەنتى دميتري مەدۆەدەۆ «گااگاداعى سوت عيماراتىنا سولتۇستىك تەڭىزدەن رەسەيلىك «ونيكس» گيپەر دىبىستىق زىمىرانىن تۋرا تيگىزۋگە بولادى» دەپ مالىمدەدى، دەپ حابارلايدى Ulysmedia.kz.

ول ءوزىنىڭ تەلەگرام-كانالىندا «حالىقارالىق قۇقىق جۇيەسى تۇپكىلىكتى كۇيرەدى» دەپ پىكىر ءبىلدىرىپ، «حالىقارالىق جاريا قۇقىق جۇيەسىنىڭ باستى كەمشىلىگى ونىڭ تيىمسىزدىگى» ەكەنىنە نازار اۋداردى. سوندىقتان مەدۆەدەۆ: «مەملەكەتتەر بۇۇ باس اسسامبلەياسىنىڭ بەيتاراپ اكتىلەرىن، بۇۇ قاۋىپسىزدىك كەڭەسىنىڭ ۆەتو شەشىمدەرىن ورىنداعىسى كەلمەيدى، بۇۇ-نىڭ ءارتۇرلى ينستيتۋتتارىنان شىعىپ كەتىپ جاتىر» دەيدى.

«ەڭ ءىرى مەملەكەتتەر قوسىلماعان ريم ستاتۋتىنىڭ نەگىزىندە قۇرىلعان مىنا ءبىر بوسقا، پايداسىز حالىقارالىق قىلمىستىق سوتتى الايىق. ول كىمدى جاۋاپقا تارتتى؟ ەشكىم تانىمايتىن وتىز شاقتى ادامدى. سۋدان پرەزيدەنتى بۇل ايىپتاۋلارعا تۇكىردى. باسقاشا ايتقاندا، ولاردىڭ تيىمدىلىگى نولگە تەڭ. بۇلار ارنايى قۇرىلعان نيۋرنبەرگ جانە توكيو تريبۋنالدارى ەمەس. نەمەسە ءتىپتى يۋگوسلاۆيا ءۇشىن كۇماندى تريبۋنال. تۇسىنىكتى»، - دەيدى ول.

ەسكە سالا كەتسەك، وسىدان بىرنەشە كۇن بۇرىن گااگاداعى حالىقارالىق قىلمىستىق سوت رەسەي پرەزيدەنتى ۆلاديمير پۋتين مەن رەسەيدىڭ بالالار قۇقىعى جونىندەگى ۋاكىلى ماريا لۆوۆا-بەلوۆانى قاماۋعا الۋعا وردەر بەرگەن ەدى.

Abai.kz