بۇل تۋرالى بۇگىن «جاستار ءۇنى» جاس كانديداتتاردى قولداۋ بلوگىنىڭ وكىلدەرى ەسەپ بەرۋ ءباسپاسوز بريفينگىندە مالىمدەدى، وعان جۋرناليستەر ەرقانات كوپجاسارۇلى، اقبوپە تاڭىربەرگەن، نۇرسۇلتان قۇرمان جانە جاس دەپۋتات داۋلەت مۇقاەۆ قاتىستى.

«بلوك 20 اقپاندا الماتى قالاسىندا قۇرىلدى. جاستاردىڭ ءماجىلىس پەن ماسليحاتتارداعى وكىلدىگى 30% كۆوتانى جابۋ ءۇشىن عانا ەمەس، جاس كانديداتتارعا قولداۋ كورسەتۋ يدەياسى ءبىزدى العا تارتتى. بۇگىنگى تاڭدا 100-دەن استام جاستارعا قولداۋ كورسەتىلدى. ەڭ باستىسى، ءبىز ولاردى پارتيالار نەمەسە سالالار بويىنشا بولمەي، بارلىق جۇگىنگەن كانديداتتارعا كومەكتەستىك. ارينە، ءبىزدىڭ اۋديتوريامىز بار بولعاندىقتان، نەگىزىنەن الەۋمەتتىك جەلىلەردە اقپاراتتىق قولداۋ كورسەتىلدى. جۇمىسىمىزدىڭ ماڭىزدى كورسەتكىشتەرىنىڭ ءبىرى - جاس كانديدات، قوعامدىق پىكىر كوشباسشىسى داۋلەت مۇقاەۆتىڭ جەڭىسى»، - دەپ اتاپ ءوتتى جۋرناليست ەرقانات كوپجاسارۇلى.

«جاستار ءۇنى» باستاماشىلارىنىڭ ءبىرى اقبوپە تاڭىربەرگەن پارتيالىق تىزىمدەردە جاس كانديداتتاردىڭ وكىلدىگى تۋرالى ستاتيستيكانى كەلتىرىپ، بلوكتىڭ جۇمىسى جالعاساتىنىن اتاپ ءوتتى:

«كەشە ءبىز دە بارلىعىمەن بىرگە الاڭداپ، اتقارىلعان جۇمىستىڭ كورىنىسى بولادى ما ەكەن دەپ، ناتيجەلەردى كۇتتىك. «جاستار ءۇنى» پارتياعا قاتىستىلىعىنا قاراماستان ءوتىنىش بىلدىرگەندەردىڭ بارلىعىنا قولداۋ كورسەتتى. الايدا، ءبىز ءوزىمىز ءۇشىن پارتيالىق تىزىمدەردە جاس كانديداتتاردىڭ ۇسىنىلۋى بويىنشا ستاتيستيكا جاسادىق. مىسالى، 19 ادامنىڭ ىشىنەن 1 جاس كانديدات جالپىحالىقتىق سوتسيال-دەموكراتيالىق پارتيا تىزىمىندە، «اق جول» - 54 ادامنىڭ 6 - سى، «بايتاق» - 18 - دەن 1-ءى، «رەسپۋبليكا» - 25-تەن 5-ءى، «AMANAT» - 90-نان 17-ءسى، «حالىق پارتياسى» 52-دەن 3-ءىن ۇسىندى، «اۋىل» پارتياسى - 25-تەن 9-ى. كورسەتكىشتەر بار، ەندى ءبىز بۇل جاس ۇمىتكەرلەردىڭ ەكزيت پۋللدىڭ سوڭعى ناتيجەلەرىنە سايكەس تىزىمگە ەنگىزىلۋى بويىنشا باقىلايمىز»، - دەيدى ول.

سونداي-اق، بلوك وكىلدەرى قازىرگى ۋاقىتتا قانداي جۇمىس جۇرگىزىلىپ جاتقاندىعى تۋرالى ايتىپ بەردى:

«قازىر ءبىز حاتتامالاردى تەكسەرىپ، پارتيالىق تىزىمدەردىڭ جاريالانۋىن كۇتۋدەمىز. جاس دەپۋتاتتارعا ۇلكەن جاۋاپكەرشىلىك جۇكتەلگەنىن اتاپ وتكىم كەلەدى، ويتكەنى ولاردى جاس سايلاۋشىلار، قوعامدىق پىكىر كوشباسشىلارى قولدايدى. ولار شىنىمەن دە پارلامەنتكە جاڭاشىلدىق اكەلەتىنىنە جانە زاڭ شىعارۋشى ورگانداردى «وياتا الاتىنىنا» سەنىمدىمىز»، - دەيدى نۇرسۇلتان قۇرمان.

ايتا كەتەيىك، «جاستار ءۇنى» بلوگىنىڭ ءبىر ايلىق قىزمەتى كەزەڭىندە جاس كانديداتتاردى اقپاراتتىق قولداۋ بويىنشا جۇمىستار جۇرگىزىلدى. مىسالى، پودكاستتار ءتۇسىرىلدى، بلوگتار شىقتى، پوستتار جاريالاندى جانە تاعى باسقالار. بۇكىل ەل بويىنشا 100-دەن استام ادام قامتىلدى.

Abai.kz