الماتىداعى №4 سايلاۋ وكرۋگىنەن ءماجىلىس دەپۋتاتتىعىنا ۇسىنىلعان قوعام قايراتكەرى، كاسىپكەر سانجار بوقاەۆ سايلاۋ ناتيجەسىن سىناپ، سوتقا بەرمەكشى. بۇل تۋرالى Ulysmedia.kz حابارلايدى.

بوقاەۆ باقىلاۋشىلار №4 سايلاۋ وكرۋگى بويىنشا سايلاۋ ۋچاسكەلەرىنەن 101 حاتتامانى جيناقتاپ قويعانىن ايتتى. وسى قۇجاتتاردىڭ نەگىزىندە ناتيجەلەر تومەندەگىدەي بولعان:

1 ورىن – بوقاەۆ سانجار (4459 داۋىس)

2 ورىن - مالينوۆسكي كونستانتين (3426)

3 ورىن – ەرلان ستامبەكوۆ (2825)

بوقاەۆ بەسىنشى سايلاۋ وكرۋگىندە رەسمي تۇردە جەڭىسكە جەتكەن ەرلان ستامبەكوۆتىڭ داۋىس بەرۋ قورىتىندىسىندا ءتىپتى ەكىنشى ورىندا دا بولماعانىن اتاپ ءوتتى.

"ولار ونى قالاي شىعاردى؟ جاقىندا ءبىز بارلىق حاتتامالاردى جيناقتاپ، سوتقا بەرەمىز. مەن وڭ پىكىردەمىن، كەلىسەر ەدىم. بىراق قولداۋعا كەلگەن ادامداردىڭ داۋىسى ءۇشىن كۇرەسۋىم كەرەك.

ەرلان ستامبەكوۆ، وتىرىك جەڭىستىڭ ءدامى قانداي ەكەنىن ايتا الاسىز با؟ كىمنىڭ جەڭگەنىن بۇكىل قالا بىلەدى. ۋاقىت وتەر، دەپۋتاتتىق ماندات بىتەدى، ارام جەڭىس پەن زاڭسىزدىقتىڭ ءدامى ەشقايدا كەتپەيدى»، – دەپ جازدى بوقاەۆ.

ەسكە سالايىق، 19 ناۋرىزدا بوقاەۆ 86 حاتتامانى كورسەتىپ، ونىڭ 79-ىندا №4 وكرۋگتە جەڭىمپاز اتانعان ۆيدەونى جاريالاعان بولاتىن.

19 ناۋرىزدا قازاقستان رەسپۋبليكاسىندا ءماجىلىس پەن ءماسليحاتتاردىڭ كەزەكتەن تىس سايلاۋى ءوتتى. رەسمي مالىمەت بويىنشا، سايلاۋشىلاردىڭ 54,19% قاتىسۋى تاۋەلسىز قازاقستاننىڭ تاريحىنداعى ەڭ تومەنگى كورسەتكىش بولدى.

Abai.kz