الەۋمەتتىك جەلىدە «قازاقستاننىڭ مەملەكەتتىگى جوق» دەگەن جازبا قالدىرعان قازاقستاندىق تاەكۆونديست گلەب لىمار ءوز سوزىنە تۇسىنىك بەردى.

قازاقستان حالقىنا بەينەۇندەۋ جولداعان سپورتشىنىڭ ايتۋىنشا، ونىڭ الەۋمەتتىك جەلىدەگى پاراقشاسىن الدەبىرەۋلەر بۇزىپ، ونىڭ اتىنان پىكىر قالدىرىپتى.

اتالمىش پىكىردىڭ الەۋمەتتىك جەلىدە سكرينشوتى تارالدى.

«مەنىڭ اتىم – گلەب. جاقىندا مەنىڭ ومىرىمدە ەلىمىزدىڭ بۇكىل ازاماتى الدىندا كەشىرىم سۇراۋعا ءتيىس جاعداي بولدى. مەنىڭ الەۋمەتتىك جەلىدەگى اككاۋنتىم بۇزىلىپ، بۇعاتتالعان. سول جەردە جازىلعان پىكىر مەنىڭ ازامات ءارى سپورتشى رەتىندەگى بەدەلىمە قاتتى نۇقسان كەلتىردى»،-دەدى ول ۇندەۋىندە.

ايتا كەتەيىك، قازاقستاندىق تاەكۆونديست گلەب لىمار 2016 جىل يتاليادا الەم چەمپيونى اتانعان، الماتىدا وتكەن ازيا چەمپيوناتىنىڭ چەمپيونى جانە كۇمىس جۇلدەگەرى، موڭعوليادا وتكەن ازيا چەمپيوناتىنىڭ كۇمىس جۇلدەگەرى.

Abai.kz