ارباتتا وتكەن اكتسيا كەزىندە بەلسەندى ۆلادا ەرمولچەۆا "دەموكراتيا", "كونستيتۋتسيا", "سايلاۋ قۇقىعى", "جاڭا قازاقستان" دەگەن جازۋى بار شارلاردى جاردى. ءار شاردى جارعان سايىن "بىزدەن دەموكراتيانى، كونستيتۋتسيانى، سايلاۋ قۇقىعىن، جاڭا قازاقستاندى ۇرلاپ اكەتتى" دەدى.

"سايلاۋدى بۇرمالاپ، وتە كوپ زاڭسىزدىق جاساعان بيلىك كونستيتۋتسيا مەن ازاماتتاردىڭ قۇقىقتارىن بۇزدى، بولاشاعىمىزدى ۇرلاپ، دەموكراتياعا دەگەن ءۇمىتىمىزدى ءوشىرىپ جاتىر. تاڭداۋ قۇقىعىن تارتىپ الدى. بارلىق ءۇمىتىمىز ۇرىلگەن شار سياقتى جارىلىپ، جوق بولدى" دەپ جازىلعان بەلسەندى تاراتقان مالىمدەمەدە.

اكتسيا باستالعانىنا 5 مينۋت وتپەي جاتىپ، پوليتسيا ونى ۇستاپ اكەتتى.

پوليتسيا بەلسەندىنى ۇستاۋ سەبەبىن تۇسىندىرگەن جوق. تەك ء"مان-جايدى انىقتاۋ ءۇشىن" دەدى. بەلسەندىنى المالى اۋداندىق پوليتسيا پۋنكتىنە اپارعان.

19 ناۋرىزداعى ءماجىلىس پەن ءماسليحاتتى سايلاۋدىڭ رەسمي قورىتىندىسى بويىنشا، دەپۋتاتتىق مانداتتىڭ باسىم بولىگىن بيلىكتەگى "امانات" پارتياسى الدى. تاۋەلسىز باقىلاۋشىلار سايلاۋ كۇنى بيۋللەتەندى توپتاپ تاستاۋ، "كارۋسەل" ادىسىمەن داۋىس بەرۋ، باقىلاۋشىلاردى داۋىس ساناۋعا قاتىستىرماۋ سياقتى زاڭ بۇزۋ فاكتىلەرى بولدى دەگەن. داۋىس ساناۋ كەزىندە زاڭبۇزۋشىلىقتار بولعانىن ەقىۇ-نىڭ دەموكراتيالىق ينستيتۋتتار جانە ادام قۇقىقتارى بيۋروسىنىڭ (دياقب) سايلاۋدى باقىلاۋ ميسسياسىنىڭ وكىلدەرى دە ايتتى.

سايلاۋعا ءوز-ءوزىن ۇسىنعان، بىراق ءماجىلىس پەن ماسليحاتقا وتپەي قالعان كانديداتتاردىڭ باسىم بولىگى دە ناتيجەگە كەلىسپەي، بيلىكتەن داۋىس بەرۋدى قايتا وتكىزۋدى تالاپ ەتكەن.

21 ناۋرىزدا قازاقستان پرەزيدەنتى قاسىم-جومارت توقاەۆ استاناداعى ناۋرىز مەرەكەسىندە سايلاۋدى "اۋقىمدى وزگەرىستەردىڭ لايىقتى جالعاسى" دەپ اتادى.

Abai.kz