(اڭگىمە)

بوكەمنىڭ ەسكى دوسى اق ساماۋىردىڭ ەكى قۇلاعى دەلديىپ داستارقان باسىنا كەلگەلى ءبىراز ۋاقىت ءوتتى. بوكەم ءتوردىڭ قاق باسىندا مالداسىن قۇرىپ الىپ قويۋ شايدى سوراپتاپ وتىر. مۇحتاردىڭ كەلىنشەگى اققۇمانعا شايدى قايتا-قايتا ەسەلەپ، ابىگەر بوپ ءجۇر. قولدارىنا ماي جاققان ءبىر-ءبىر ءۇزىم نان ۇستاپ كەتكەن بالالار دا كۇركەگە قايتالاپ ەكى-ءۇش رەتتەن كىرىپ شىقتى.

قيۋباي كەسەسىن باياعىدا توڭكەرىپ، ەسىك جاقتاعى ەرتوقىمنىڭ ۇستىنە شىعىپ اپ تىم-تىرىس وتىر. مۇحتار ىرگەدەن كوك شىنىنىڭ قىلقيعان موينىنان قىلعىڭدىرا سۇيرەپ شىعىپ، داستارقانعا دۇڭك ەتكىزىپ قويىپ قالدى. قيۋبايدىڭ قاس-قاباعى دا ەندى-ەندى جازىلىپ، جادىرايىن دەدى.

- مەن وتىرعان جەردە انداعى پالەڭدى كورسەتپە - دەدى بوكەم، ول اق ساماۋىردان كوزىن تايدىرىپ اكەتتى دە، اشىق ەسىكتەن تاعى دا دالاعا ءسۇزىلىپ وتىرىپ قالدى. تەك جايپاق شىنى ۇستاعان وڭ قولىنىڭ ساۋساقتارى مەن شاي ۇرتتاعان ەرنى عانا بولار-بولماس انتەك جىبىرلايدى. بۇل بوكەمنىڭ ءبىر نارسەگە اشۋلانايىن دەگەنى. مۇحتار "موسكۆانىڭ ايرىقشا" كوكمويىنىنىڭ اق قاڭىلتىر سالدەسىن سىپىرا بەرىپ، قولى بوتەلكەنىڭ اۋزىندا قاتىپ قالدى.

- بوكە-اۋ، ونى ءسىز ىشپەيسىز عوي، - دەپ قيۋباي قالجىڭ ايتقىسى كەلدى.

- سەن ءىشىپ جەتىستىرىپ ءجۇر ەدىڭ؟! - بوكەمنىڭ قوڭىر قوي كوزدەرى شاقىرايىپ كەتتى. -باسقا - باسقا، وسى سەن اراق ىشكەندى دوعارساڭ قايتەدى!

-  ىشپەسەك، ەپتەپ تاتامىز دا، - دەدى قيۋباي.

(اڭگىمە)

بوكەمنىڭ ەسكى دوسى اق ساماۋىردىڭ ەكى قۇلاعى دەلديىپ داستارقان باسىنا كەلگەلى ءبىراز ۋاقىت ءوتتى. بوكەم ءتوردىڭ قاق باسىندا مالداسىن قۇرىپ الىپ قويۋ شايدى سوراپتاپ وتىر. مۇحتاردىڭ كەلىنشەگى اققۇمانعا شايدى قايتا-قايتا ەسەلەپ، ابىگەر بوپ ءجۇر. قولدارىنا ماي جاققان ءبىر-ءبىر ءۇزىم نان ۇستاپ كەتكەن بالالار دا كۇركەگە قايتالاپ ەكى-ءۇش رەتتەن كىرىپ شىقتى.

قيۋباي كەسەسىن باياعىدا توڭكەرىپ، ەسىك جاقتاعى ەرتوقىمنىڭ ۇستىنە شىعىپ اپ تىم-تىرىس وتىر. مۇحتار ىرگەدەن كوك شىنىنىڭ قىلقيعان موينىنان قىلعىڭدىرا سۇيرەپ شىعىپ، داستارقانعا دۇڭك ەتكىزىپ قويىپ قالدى. قيۋبايدىڭ قاس-قاباعى دا ەندى-ەندى جازىلىپ، جادىرايىن دەدى.

- مەن وتىرعان جەردە انداعى پالەڭدى كورسەتپە - دەدى بوكەم، ول اق ساماۋىردان كوزىن تايدىرىپ اكەتتى دە، اشىق ەسىكتەن تاعى دا دالاعا ءسۇزىلىپ وتىرىپ قالدى. تەك جايپاق شىنى ۇستاعان وڭ قولىنىڭ ساۋساقتارى مەن شاي ۇرتتاعان ەرنى عانا بولار-بولماس انتەك جىبىرلايدى. بۇل بوكەمنىڭ ءبىر نارسەگە اشۋلانايىن دەگەنى. مۇحتار "موسكۆانىڭ ايرىقشا" كوكمويىنىنىڭ اق قاڭىلتىر سالدەسىن سىپىرا بەرىپ، قولى بوتەلكەنىڭ اۋزىندا قاتىپ قالدى.

- بوكە-اۋ، ونى ءسىز ىشپەيسىز عوي، - دەپ قيۋباي قالجىڭ ايتقىسى كەلدى.

- سەن ءىشىپ جەتىستىرىپ ءجۇر ەدىڭ؟! - بوكەمنىڭ قوڭىر قوي كوزدەرى شاقىرايىپ كەتتى. -باسقا - باسقا، وسى سەن اراق ىشكەندى دوعارساڭ قايتەدى!

-  ىشپەسەك، ەپتەپ تاتامىز دا، - دەدى قيۋباي.

-  سويتىڭدەر، سولارىڭ ءجون! ادام بولاسىڭدار! ۇلكەنىڭ دە، كىشىڭ دە قىلقيىپ، وسى كوك سۋعا تەلمىرىپ كەپ وتىرعاندارىڭ. بىرەۋىڭ ايدىڭ-كۇننىڭ امانىندا جۇتاپ، سەميانى دا جۇتاتىپ. بىرەۋىڭ ءتاپ-ءتاۋىر ابىرويدان ايرىلىپ!.. شارۋا دەيدى عوي!..

- شارۋا ىستەگەن ءبىر ادام مەندەي-اق بولسىن! مەنەن باسقانىڭ ءبارى اراق ىشپەيدى. مەنەن باسقانىڭ ءبارى ابىرويلى! ءبارى ءاپ-ادەمى، ءبارى جىپ-جىلماعاي! ولار وسەتىندەر عوي، ادام بولاتىندار عوي!..

اياداي كۇركەنىڭ ءىشى ابىر-كۇبىر بوپ بارىپ تىنا قالدى. بوكەم شىناياعىن توڭكەرىپ تاستادى، كەلىنى اق ساماۋىردى تىسقا كوتەرە جونەلدى. مۇحتار بوتەلكەش الدى دا، "وسى پالەنى قايدان كورسەتىپ ەدىم" دەگەندەي، كوڭىلسىز سىلق ەتكىزىل ىرگەگە تاستاي سالدى. سوسىن داستارقانداعى ىرىمشىك-قۇرتتى، ناننىڭ تىلىكتەرىن سىپىرىپ جيناي باستادى. شال ءسوزىنىڭ تىكەلەي قيۋباي مەن مۇحتارعا قاتىسى بولماسا دا، ءبىر شىڭدىعى بار ەدى. قالجىڭ-شىنىن ارالاستىرىپ وتىرسا دا، قيۋبايدىڭ قاعىتپاسىندا الدەبىر ىشتەي ەرەگىستىڭ نىشانى جاتقانداي. ول ەرەگىس ءوزىنىڭ پروفەسسور دەگەن ەكىنشى مازاق ەسىمىمەن ساباقتالاتىن ءتارىزدى...

قيۋبايدىڭ وسى سوۆحوزعا كەلگەن بەتىندە الدەكىمدەرگە جاقپاي قالعانى دا راس. بىراق اراق ىشكەنى ءۇشىن ەمەس، تىنىش جاتقان الدەكىمدەردىڭ شىرقىن بۇزىپ، سونان كۇنى بۇگىنگە دەيىن شەتقاقپاي كەرگەنى دە بار. ...ول الىستاعى ۇلكەن ءبىر مال سوۆحوزىندا باس مال دارىگەر بوپ ىستەپ جۇرگەن جەرىنەن اۋلىم دەپ، اعايىڭدارىم دەپ اڭساپ كەلدى. ول ەشكىمنەن اتاق تا، ابىروي دا قارىزعا سۇراعان جوق، لاۋازىم دا، ۇلكەن قىزمەت تە تىلەگەن ەمەس، شاعىن بولىمشەگە قاتارداعى مال دارىگەرى بوپ ورنالاستى. بىراق ارتىنان كەلگەنىنە قاتتى وكىنىپ، ءتىلىن تىستەدى. وپىرىپ جەپ، سۇعىنىپ كىرىپ كەتەتىن الدەبىر "ابىرويلى" باسشىسىماق بار، ونىڭ ماڭىندا اينالىپ-ءۇيىرىلىپ جاتىپ جاستىق، ءيىلىپ توسەك بولۋعا ءازىر تۇراتىن جاندايشاپتار دا از ەمەس. بىرەۋىنە مال كەرەك، بىرەۋىنە اس كەرەك، سونداعى مايلى كەمىكشە جۇلقىلايتىنى ورتانىڭ مۇلكى.

- ءاي، قيۋباي، اعايىڭدى ادامبىز عوي، پالەن شوپاننىڭ وتارىنان ءتورت-بەس باسقا اكت جاساي سالشى، ەسەبىن كەلتىرە سالارمىز كەيىن. بۇعان ول اۋەلدە تاڭ قالدى، كەيىن باقسا ەزىنىڭ قۇرداستارى، ارىپتەستەرىنىڭ ۇيرەتكەن، سولاردىڭ داندەتكەن اۋرۋى ەكەن. بۇعان دا عاجاپ قالىپ قويدى. بىراق باستىق تۇگىل قۇداي بول، تىسىنە سىزدىق سالمادى.

- ءاي، قيۋباي، ءوزىمسىڭ عوي، قويمادان ءبىر قويدىڭ ەتىن الدىم، سونىڭ سالماعىن بەس قاداق دەپ جازعىزا سالشى، كەيىن ەسەبىن تابارمىز.

- He دەپ؟!

- ە، پالەن شوپاننان ءبىر توقتى ءولىپ كەپتى عوي، سونىڭ سالماعىن 30-40 قاداققا كوتەر دە، جۇمىسشىلاردىڭ ورتاق قازانىنا جىبەرگىزە سال. باستىق جەگەن قۇنان قويدىڭ سالماعى بەس قاداق تا، اۋىرىپ ولگەن ارىق توقتى 30-40 قاداق جانە ونىڭ شاندىرىن بەل تالدىرىپ، بىلەك سىزداتقان جۇمىسشىلاردىڭ سوزعىلاۋى كەرەك. جەگىزگەنى بىلاي تۇرسىن، باسشىسىماقتاردىڭ وڭەشىنەن ءوتىپ كەتكەن تالاي-تالاي مايلى قۇيرىقتاردى قايتا قۇستىرىپ، ءتىپتى اناۋ مىناۋ توقتى-تورىم ەمەس، ون شاقتى جىلقىنى تۇگىمەن اساپ قويعان الپاۋىتتاردىڭ جەلكەسىنەن قىسىپ وتىرىپ، سۋىرىپ الۋعا تۋرا كەلدى. سوسىن-اق قيۋباي "الدەكىمدەرگە" جاقپاي قالدى، وعان دەگەن اتاق-ابىروي دا تۋ سىرتىن بەرىپ، اينالىپ وتەتىن بولدى. قايداعى قيىن جۇمىسقا قيۋباي بارادى، قايداعى پالە-جالاسى شاش-ەتەكتەن شىم-شىتىرىقتا شىرعالانداپ قيۋباي جۇرەدى. ال "الدەكىمدەر" تاپ-تازا، باستىققا دا شىرايلى، باسقاعا دا ءاپ-ادەمى. ءتىپتى بولماي بارا جاتقان سوڭ ءبىر كۇنى توي-تومالاقتى پايدالانىپ، اعايىن سۇرەي بولعانسىپ، وعان قاساقانا اراق بەرىپ، "ويباي، قيۋباي اراققۇمار" دەگەن اڭگىمە تاراتتى. سونىڭ كەسىرىنەن ول ءتورت-بەس اي جۇمىسسىز ءجۇردى. ىزالانعان جاس جىگىت باسقا جاققا كەتىپ قالسام با دەپ تە ويلادى. بىراق كىر جۋىپ، كىندىك كەسكەن تۋعان ەلدى، تۋعان جەردى تاستاپ كەتۋ وڭاي ما؟

ونىڭ ۇستىنە قايتسەم دە ادىلدىككە جەتەم دەپ ۇمىتتەندى. قۋالاپ ءجۇرىپ قىزمەتىنە قايتا ورنالاستى. تاعى دا جايىنا جۇرمەي، "الدەكىمدەردى" تۇرتپەكتەي ءجۇردى. ۇساق مالدى تارتتىرۋدا ارمەنيانىڭ اتاقتى پروفەسسورى بايبۋرتسياننىڭ ءادىسىن كىرگىزدى. مال شارۋاشىلىعىندا ۇلان-قايىر پايداسى بارلىعىن كورگەن سوڭ قولداندى. بۇل قوزىلاردىڭ تەز جەتىلۋىنە، بۇرىنعى ادىسپەن تارتىلعان مالدانايىنا بەس كيلوگرامم سالماقتى ارتىق قوسۋىنا سەبەبىن تيگىزە، ونىڭ ۇستىنە ۆەتەرينارلاردىڭ ەڭبەگىن دە جەڭىلدەتتى. الايدا الدەبىر سالاقتاردىڭ كەسىرىنەن مال ىشىندە ارامزا كەتىپ، وعان دا قيۋباي "كۇناقار" بوپ شىعا كەلدى. قولما-قول بايبۋرتسياننىڭ ءادىسى تىيشىپ تاستالدى دا، قيۋبايدىڭ "پروفەسسور" دەگەن كەكەسىن اتاعى عانا قالدى. جاس جىگىت سوندا دا كۋنى بۇگىنگە دەيىن باس تارتپاي، قايسارلىقپەن ءوز ءىسىن قوش كورىپ، كۇندەلىكتى تاجىريبەسىندە ىسكە اسىرىپ كەلەدى. جۇمىر باستى پەندەگە جۇقپايتىن ادەت بار ما، اۋمالى-توكپەلى كوڭىل كۇيدىڭ ساتىندە، بىرەۋدەن ءسوز ەستىپ، "الدەكىمنەن" قيانات شەككەن شاقتاردا "كوكمويىنعا" كورشى قونعان ساتتەرى دە بولىپتى. بوكەمنىڭ الگى ءبىر اشۋلى ءسوزىنىڭ توركىنى وسى ءبىر وڭگىمەدەن ساباقتالعان ەدى...

- قۇي مىناعان انا پالەڭنەن، بۇل ۇيدەن شىعاتىن ءتۇرى جوق قوي، - دەدى بوكەم مۇحتارعا. مۇحتار بوتەلكەگە قول سوزا قويمادى. قيۋباي ءالى سول ەردىڭ ۇستىندە، بىردەمەنى ءبۇلدىرىپ العان تەنتەك بالاداي جەر شۇقىلاپ، تاناۋدى اندا-ساندا ءبىر تارتىپ، بوساعادا وتىر. بوكەمنىڭ قاس-قاباعىن بايقاپ قالدى ما، كەلىنى دە، بالا-شاعا دا ۇيگە كىرۋگە جاسقانشاقتاپ تىستا ءجۇر. كۇركە ءىشى تىم-تىرىس، ءبارى دە اۋىزدارىنا سۋ تولتىرىپ العانداي ۇرتتارى تورسيا قاپتى.

قاس قارايىپ، كوز بايلانۋعا اينالدى. ەسىك الدىنداعى جەر وشاقتىڭ وتى ولەۋسىرەپ بارادى. قارا سيىر ءيتىنىپ تۇگىنگە كىرىپ كەتىپتى، تاناۋىن پىش-پىش تارتىپ قويىپ، بىلش-بىلش كۇيسەپ تۇر. قوي الدەقاشان جۋساپ قالعان.

- وسى ەرتەڭ دە جۇمىس بار شىعار-اۋ، - دەپ بوكەم ءۇي ىشىندەگى ۇنسىزدىكتى ءوزى بۇزدى. بۇل ونىڭ "جولعا شىقپايمىز با" دەگەنى ەدى. قيۋباي ونى ەمىرەۋىننەن ءسيوزىپ، تىسقا شىعا

جونەلدى.

.. .التايدىڭ پىشاقتاي قىرىنان ءسۇزىلىپ اي شىقتى. مۇجىلعان كۇلشەدەي ءبىر شەتى كەتيىڭكىرەپ قاپتى، بەتىنە ايعىزدانىپ نوقتا ءتۇسىپتى. اعاش پەن بۇتا-قاراعاننىڭ كالەڭكەسى زورايىپ، جەر بەتى الا-قۇلا بوپ، ويلى-شۇڭقىر كوبەيىپ كەتكەن ءتارىزدى. الگىندە عانا ءتۇن قاراڭعىلىعىن قاق جارىپ، قارا جولدىڭ ۇستىندە ۇزدىك-سوزدىق زىرقىراپ جاتقان ماشينالاردىڭ قوس جانارى سولعىن تارتىپ، اي نۇرىنان جاسقانعانداي جىپىلىق-جىپىلىق ەتىپ، كىرپىكتەرىن دامىلسىز قاعىپ بارادى. تاۋ جاقتان ەسكەن سامال تەنتەك وزەننىڭ سارىلىن دار ەتكىزىپ بىردە قۇلاعىڭنىڭ تۇبىنە اپ كەلەدى دە، بىردە الىسقا قۋالاپ، قۇمىقتىرىپ اپارىپ تاستايدى. ءشوپ دىم تارتىپ، جاڭعىرىق ازايا باستاعان. داراقى تارگاقتاردىڭ دارقىلى، قاراسۋ بويىنداعى باقالاردىڭ شۇرىلى، ءشوپ اراسىنداعى شىلدەكتىڭ شىرىلى، بۇعان ات تۇياعىنىڭ ءدۇسىرى مەن جۇگەننىڭ سىلدىرى قوسىلدى، وسىنىڭ ءبارى ءتۇن تىرلىگىنىڭ عاجاپ ءبىر تىنىسى سەكىلدى.

بىرقىدىرۋ ارتتا قالعان قوتاننان گۋرس ەتىپ مىلتىق اتىلدى. مۇحتاردىڭ قارا بەردەنكەسىنىڭ داۋسى، ءىڭىر قاراڭعىلىعىندا اۋىل تورىعان يت-قۇستى قۇر دارىمەن ءبىر جاسقاپ الاتىن شوپانداردىڭ ادەتى. بۇل دا ءتۇن بالاسىنىڭ ادەپكى تىرلىگى. قاراعايلى قۇبا بەلدىڭ جون-ارقاسى ءدىر ەتكەندەي بولدى. ءبىر ساتكە تارعاقتىڭ دارقىلى دا، شىلدەلىكتىڭ شىرىلى، باقانىڭ شۇرىلى دا تىنا قالعانداي، تىم-تىرىس. تەك قيۋبايدىڭ تورى ازبانى عانا جول جيەگىندەگى بيدايىق باسىن شالۋلاپ كەلەدى.

- نەمەنە، ۇيىقتاپ كەلەمىسىڭ؟ اتتىڭ باسىن تەجەپ وتىرمايسىڭبا، بىلاي، - دەپ، بوكەم جاقتىرماي قالدى.

- ءوزى دە ءبىر اشقاراق نەمە، - دەدى دە، قيۋباي تورى ازباندى شاۋجايلاي باستادى. العا ءتۇسىپ كەتكەن بوكەمنىڭ قۇلا جورعاسى جالعىز اياق سۇرلەۋمەن جىلانشا سۋماڭداپ ىلەستىرەر ەمەس. اۋدەم جەر ۇزاپ بارىپ تىزگىنىن تارتتى دا،بوكەم قيۋبايعا بۇرىلدى:

- الگى مۇحتارعا قوزىلاردى جاتقىزباي، بالا-شاعاعا قۋالاتا بەر دەپ ايتىپ كەتپەگەنىمىزدى قاراشى، جاس ءتول، ۇماسىنا قان ۇيىپ، كوتەرىلمەي قالماسا جارار ەدى.

- ءوزى دە بىلەتىن شىعار، ءسابي ەمەس قوي.

- بىلسە ءجون-اۋ. سەۆدەردىڭ سابيدەن قايبىر وزعاندارىڭ بار. باكەم الدىنا بۇرىلىپ، اتتىڭ باسىن ەمىن-ەركىن قويا بەردى. تالتاق قۇلا جورعا ارتقى ەكى اياعىمەن سۇرلەۋ جيەگىندەگى

قالىڭ جۋساندى سىرپ-سىرپ ەتكىزىپ مايپانداي جونەلدى. الپىستان اسسا دا، ات ۇستىندە قازديش ءتىپ-تىك وتىراتىن بوكەمنىڭ ىقشامدى دەنەسى ءتىپتى شايقالمايتىن ءتارىزدى. تورى ازباننىڭ بەل ورتاسىنا وتىرىپ الىپ، بىردە اياڭداپ، بىردە ىرق-ىرق جەلدىرىپ، قيۋباي كەلەدى سالپاقتاپ. دامىلسىز ەربەڭدەگەن ءبىر تۇتام اياقتارى بولماسا، تورعايداي دەنەسى الاكەۋىم اي جارىعىندا ءتىپتى كىشىرەيىپ، مىجىرايعان كەپكاسىنىڭ توبەسى اتتىڭ قوس قۇلاعىنىڭ اراسىلان قىلت ەتىپ بىردە كورىنىپ، بىردە كورىنبەي كەتەدى. اي تۋعاسىن اسپان اق شاعىرماقتانىپ، جۇلدىزدار كوك تۇڭعيىعىنا كۆتەرىلىپ، الىستاپ كەتتى. التايدىڭ اك باس شىڭدارى دا دوڭكيىپ-دوڭكيىپ زورايىپ بارادى. تەرىستەن سوققان سالقىن جەل قويناۋدان قونالقى تاپپاعان اق ۇلپەك بۇلتتاردى شوپاننىڭ جۇرتىڭدا قالعان ءجۇن-جۇرقانىڭ جۇرىنتىعىنداي شىڭ باسىنان ارلى-بەرلى قۋالاپ ءجۇر.

- كوشكە ەرگەن كۇشىك قۇساماي قاتارعا ىلەسسەي، - دەدى بوكەم كۇرە جولعا تۇسكەن سوڭ قيۋبايعا. ول تورى ازباندى بوربايلاپ-بوربايلاپ جىبەرىپ، ىرقىلداتىپ قۋىپ جەتتى.

- بوكە، جارىساسىز با؟ - دەدى.

- مەنىمەن جارىسىپ قايتەسىڭ. ءبىز شال بولدىق، قاتارىڭنان قالماساڭ بوپتى دا. تەگى، ادام مىنەر اتىن دا ءوز مىنەزىنە قاراي تاڭدايتىن بولۋى كەرەك. بوكەم كوش سوڭىنا سالاقتال ەرگەندى جاقتىرمايتىن ادام، ءوز تۇسىنىڭ، زامانىنىڭ الدىڭعى ساپىنسا، ەل-جۇرتقا باس-كوز بوپ، قاشاندا وق بويى الدا كەلە جاتقان كىسى. ونىڭ اشەيىنگى ءسوز اراسى قىپ ايتقان "قاتارىڭنان قالماساڭ بوپتى دا" دەگەن ءازىل-شىنى ارالاس ءبىر ەسكەرتپەسىندە دە ۇعا بىلگەن پاقىرعا باسالقالىق اقى2 بار. "قارتايعاندا كارى بوز جورعا شىعا بەرسە" قانداي جاقسى. مەنىڭ كوز الدىما سوناۋ ءبىر شاقتا بالا-شاعانى، قاسپاقمۇرىن ىنىلەرىن وگىزگە مىنگىزىپ اپ، الدىنا ساپ تومپىلداتىپ قۋالاپ كەلە جاتاتىن بوكەم ەلەستەدى. جاناشىر جارقىن مىنەزى، ۇلكەنگە دە، كىتتتىگە دە قامقور بولعان ادال كوڭىلى، ەل ءۇشىن، كوپ ءۇشىن جارعاق قۇلاعى جاستىققا تيمەي، ءتۇن قاتىپ جۇرەتىن تىنىشسىز قارەكەتى بۇگىن دە ءدال باياعىسىنداي. ول بۇگىن دە شارۋانىڭ تورىسىنداي بىردە ەلپەك، بىردە اياڭداي بەرەتىن ءبىر ءىنىسىن "قاتارىڭنان قالما" دەپ تومپىلداتىپ قۋالاپ كەلەدى...

...يرەلەندەگەن قارا جولدىڭ ۇستىندە قاتار سىزىپ ەكى ادام كەلەدى. ءبىرىنىڭ باسىن قىراۋ شالىپ، يەگى اقجاعال بولعانمەن، ءبىرىنىڭ ساقال-مۇرتى جاڭا تەبىندەپ، تۇبىتيەك اتانعانىمەن ارقايسىسىنىڭ وسىناۋ قارا جولدىڭ ۇستىندە ارقالاپ بارا جاتقان جۇگى بار; اۋىر بولسىن، جەڭىل بولسىن، ايتەۋىر شاماسىنشا ءبولىپ-جارىسىپ كەلەدى. جاسىنا دا قاراماي، ۋاقىتىنا دا قاراماي، ەجەلدەن زامانداس بوپ كەلە جاتقان ادامدار. مۇمكىن، ءومىردىڭ وسىناۋ ءبىر ۇزاق سوقپاعىندا ءبىرىنىڭ مەزگىل ارقالاتقان اۋىر جۇكتەن قابىرعاسى قايىسقان شىعار، بىراق ارتىڭدا تىنىس بەرەر ءىنىسى بار عوي; مۇمكىن، ءبىرىنىڭ تار سوقپاقتا بۇلتالاقتاي بەرەتىن شالدۋارلىعى، جەلوكپەلىگى دە بولعان شىعار، بىراق الدىندا اقىل ايگار، ايعايشىعا جۇرەر اعاسى بار عوي. "بالام باسىما شىقتى، ءىنىم وزەككە تەپتى" دەگەن پەڭدەنىڭ وزەگىن ءورت جالاسىن...

1963 جىل.