دۇيسەنبى, 30 ناۋرىز 2020
جاڭالىقتار 1888 0 پىكىر 25 ءساۋىر, 2013 ساعات 00:32

اسكەرحان اقتاي. سارىارقانىڭ سەلەۋى تەربەلەدى، ساۋكەلەنىڭ ۇكىسى سەكىلدەنىپ...

قۇلازۋ

 

جار جاعالاي،

جەلەدى جەتىم ەلىك.

جارتىكەش

اي جۇزەدى شەتى كەمىك.

سارىارقانىڭ

سەلەۋى تەربەلەدى،

ساۋكەلەنىڭ

ۇكىسى سەكىلدەنىپ.

 

جىلى شۋاق

جاساعان جاراتار ما از.

قىركۇيەكتە

بازارىن تاراتار جاز.

وسكەن جەرىن

قيا الماي كول بەتىنە،

قايتا اينالىپ

قونادى بالاپان قاز.

 

جۇرەگىندە

جازىلماس جارا بار ما،

دالا جاتىر

شىلانىپ شاراناعا.

...قارشا ءۇيدىڭ

ەسىگىن اشىپ قويىپ،

قارا جولعا

قارايدى قارا بالا.

 

قارا جەلگە

توسادى ءتوسىن قىران،

سارى بەلدەن

سىزىلار توسىن ءبىر ءان.

مەنىڭ شالقار

سەزىمىم سياقتانىپ،

جاردان اسىپ

تاسيدى ەسىل، نۇرا.

 

جالعىز تەرەك

جابىرقار قويناۋدا ءوسىپ.

كولەڭكەلەر

جوڭكىلەر سايلار كەشىپ.

...ەرەيمەننەن

اساتىن بۇلتتار قۇساپ،

بارا جاتىر

باسىمنان ويلار كوشىپ...

 

ارعى جاعى التايدىڭ، بەرگى جاعى

 

ارعى جاعى التايدىڭ قوبدا ما ەكەن،

بالا كۇننىڭ ىزدەرى سوندا ما ەكەن..

اتاجۇرتتان الىستا قالعان باۋىر،

ءبىزدى ەسىڭە الا ءجۇر، بولما بوتەن.

 

ارعى بەتى التايدىڭ بۇلعىن با ەكەن،

قۇلىن داۋرەن سەندەگى مىڭ كۇنگە تەڭ.

قۇلازۋ

 

جار جاعالاي،

جەلەدى جەتىم ەلىك.

جارتىكەش

اي جۇزەدى شەتى كەمىك.

سارىارقانىڭ

سەلەۋى تەربەلەدى،

ساۋكەلەنىڭ

ۇكىسى سەكىلدەنىپ.

 

جىلى شۋاق

جاساعان جاراتار ما از.

قىركۇيەكتە

بازارىن تاراتار جاز.

وسكەن جەرىن

قيا الماي كول بەتىنە،

قايتا اينالىپ

قونادى بالاپان قاز.

 

جۇرەگىندە

جازىلماس جارا بار ما،

دالا جاتىر

شىلانىپ شاراناعا.

...قارشا ءۇيدىڭ

ەسىگىن اشىپ قويىپ،

قارا جولعا

قارايدى قارا بالا.

 

قارا جەلگە

توسادى ءتوسىن قىران،

سارى بەلدەن

سىزىلار توسىن ءبىر ءان.

مەنىڭ شالقار

سەزىمىم سياقتانىپ،

جاردان اسىپ

تاسيدى ەسىل، نۇرا.

 

جالعىز تەرەك

جابىرقار قويناۋدا ءوسىپ.

كولەڭكەلەر

جوڭكىلەر سايلار كەشىپ.

...ەرەيمەننەن

اساتىن بۇلتتار قۇساپ،

بارا جاتىر

باسىمنان ويلار كوشىپ...

 

ارعى جاعى التايدىڭ، بەرگى جاعى

 

ارعى جاعى التايدىڭ قوبدا ما ەكەن،

بالا كۇننىڭ ىزدەرى سوندا ما ەكەن..

اتاجۇرتتان الىستا قالعان باۋىر،

ءبىزدى ەسىڭە الا ءجۇر، بولما بوتەن.

 

ارعى بەتى التايدىڭ بۇلعىن با ەكەن،

قۇلىن داۋرەن سەندەگى مىڭ كۇنگە تەڭ.

اۋىلىڭنىڭ تۇسىنان وتكەنىمدە،

ەلەڭ ەتىپ، موينىڭدى بۇردىڭ با ەركەم.

 

ارعى بەتى التايدىڭ قابا ما ەكەن،

جاسىل قىردان كۇمىس سۋ اعادى ەكەن.

...ەنەسىنەن اداسىپ قالعان قۇلىن،

قايتا اينالىپ ءۇيىرىن تابا ما ەكەن.

 

ارعى بەتى التايدىڭ جەمەنەي مە.

اق جاۋىنى التايدىڭ سەبەلەي مە.

ارعى بەتتەن ۇكىلى قىز ءان سالعاندا،

قۇلازيدى كوڭىلىم نەگە كەيدە.

 

ارعى بەتى التايدىڭ قوساعاش پا،

بىرلىك! ەلدىك! كەرەگى وسى، الاشقا!

بۇلدىر - بۇلدىر بۇعىلى كورىنگەندە،

كوڭىل شىركىن ءبىر ساتتە بوساماس پا.

 

بەرگى بەتى التايدىڭ بەرەل مە ەكەن،

قىرمىزى قىز گۇلىڭدى تەرەر مە ەكەن.

الماعايىپ ار جاقتا قالعان اۋىل،

مەكەنىنە اينالىپ كەلەر مە ەكەن.

 

بەرگى بەتى التايدىڭ مارقا ما ەكەن،

يىعىندا جايىلعان ارقار ما ەكەن.

الىستاعى اعايىن قايتا ورالىپ،

كوڭىلدەگى ساعىنىش تارقار ما ەكەن.

 

بەرگى بەتى التايدىڭ زايسان با ەكەن،

ولەڭمەنەن سىرىمدى جايسام با ەكەن.

ايدىنىنا اي جۇزگەن اينا كولىم،

ساۋمال بۇلاق، سامالدى جايساڭ مەكەن.

 

ارعى بەتى التايدىڭ بەرگى بەتى،

جازىلعانداي ۇلتىمنىڭ شەرلى دەرتى.

ارمانداعان ازات كۇن كەلدى مىنە،

كوك بايراعىن قازاقتىڭ جەلبىرەدى!

 

ەشكىمگە ارنالماعان جىر

 

بۇل ولەڭدەر

ەشكىمگە ارنالماعان.

عاشىقتارداي

سىر ايتار تاڭدار ماعان.

سەرى سەزىم

كەي-كەيدە سىلكىنەدى،

قاڭتارداعى

تۇلكىدەي قارعا اۋناعان.

 

ارنالماعان

ول جىرلار ەشكىمگە دە.

الايدا

ءبىر ءانى بار ەستىلمەگەن.

جۇرەگىڭدە

ىزگىلىك بولماسا ەگەر،

ماحابباتتىڭ

تەڭىزىن كەشتىم دەمە...

 

سولاي قالقام...

سەزىمدى بەكەر دەمە.

مۇحيت

شەكسىز بولعانمەن وتەر كەمە.

ءتاپ - ءتاتتى بوپ

تاڭدايعا تاتىعانمەن،

بىراق،

قاتتى بولادى شەكەر نەگە؟...

 

تارالعاندا

تاۋلارعا تاڭ شۋاعى.

كولەڭكەسى

كوڭىلدىڭ ارشىلادى.

سەزىم جايلى

جازىلعان ءار ولەڭىم،

اق قايىڭنىڭ

ءموپ - ءمولدىر تامشىلارى.

 

قوڭىر بەلدەر

كۇي شەرتكەن كۇمبىر دالام.

بۇلاق كۇلىپ

اعادى سىردى ۇرلاعان.

قۇلاعىڭنان

كەتپەسىن مەنىڭ جىرىم،

سىرعاسىنداي

سۇلۋدىڭ سىڭعىرلاعان.

 

سۇيگەندەر ايىپتى ەمەس!

 

جاستىق كوكتەم. جاپىراعىن جايىپ تال،

سۇيسەڭ ونى سەندە قانداي ايىپ بار؟

كوڭىلىڭنىڭ ايدىنىندا جۇزەدى،

جەلكەندەرىن جەلكىلدەتىپ قايىقتار.

 

بولساڭدا ەگەر، بولماساڭدا بايىپتى،

سۇيگەن ءۇشىن ەمەسسىڭ عوي ايىپتى!.

ءسۇيدىڭ بە ەگەر، سەزىمىڭدى قۇرمەتتە،

ال ماحاببات، قۇرمەتتەۋگە لايىقتى!

 

سولاي قالقام، ءومىر دەگەن كۇردەلى،

ەلىكتىرىپ، ەلىتەدى دۇرمەگى.

سەزىم دەگەن سيقىرلى ءبىر سىرلى الەم،

شەشىلمەيدى شەگەندەلىپ كۇرمەۋى.

 

مىنە، تاعى اق قايىڭدار بۇرلەدى،

جەتەلەيدى عۇمىر- ساپار سۇرلەۋى.

ۇزاتىپ ساپ تىرنالاردىڭ تىزبەگىن،

ءسىرا، اڭساپ وتىر ەكەن كىم مەنى؟

 

***

كۇمىس بۇلتتان سىعالاپ كۇن شۋاعى،

كۇندە جولعا قاراۋمەن ءجۇرسىڭ بە، ءالى؟

ءمولدىر تامشى ءىلىنىپ كىرپىگىڭە،

كوزدەرىڭدە ايتىلماي ءبىر سىر قالدى.

 

مەن اڭسايمىن ءوزىڭدى ارۋ ايىم،

سەرپىلەر مە ساعىنىش سارى ۋايىم.

قۇسى قايتقان كولدەيىن كۇرسىنۋمەن،

مەن ءوزىڭدى ءدال سولاي ساعىنايىن.

 

اق ەرتىستىڭ ار جاعى التاي ما ەكەن؟،

ساعان دەگەن ساعىنىش تارقاي ما ەكەن؟،

كوڭىلىمنىڭ كوك قانات كوگەرشىنى،

ساعان قاراي اسىعىپ سامعايدى ەكەن.

 

قىر سۋرەتى

ءبىرىنشى ولەڭ

 

تورعىن بەلدەن

تەڭىزدەي تولقىپ قۇراق.

شىڭنان قۇلاپ

اعادى شورشىپ بۇلاق.

شاربى بۇلتتىڭ

شاشىراپ پۇشپاعىنان،

شۇبار قىردى

شيىرلاپ شارپىپ شۋاق.

 

بايشەشەك قىر

بيلەگەن دالا كىلەم.

قۋرايلى ساي

قۇلاعان قارا كۇرەڭ.

...كوكالا ۇيرەك،

كولبەڭدەي كوتەرىلدى،

كولدىڭ بەتىن

سابالاپ قاناتىمەن.

 

اق بۇرشاعىن

الا بۇلت جاۋدى قىرعا.

بۇتا، بۇرگەن

ارالاس جارلى جىلعا،

قارا تاسقا

قونىپ اپ قومداپ قانات،

قىران كوزىن

قادايدى قارا ادىرعا.

 

جولاق قارمەن

قۇز جاتىر سىرعالانىپ.

شولپ-شولپ ەتىپ،

شورشيدى سۋدا بالىق.

قۇبا بەلدە

جۇيرىكتەر جارىسقاندا،

شۋماق-شۋماق

شاڭ قالدى شۋدالانىپ.

 

عاشىقتاردىڭ بارلىعى قوسىلمايدى...

 

كۇلە المايسىڭ

تۇرعاندا باستا قايعى.

ادال دوستار

ءبىر-ءبىرىن تاستامايدى.

قىزىل -جاسىل

ءبىر الەم شاقىرعانمەن،

...جولدىڭ ءبارى

باقىتقا باستامايدى.

 

تاپ بولادى

توسىن مۇڭ، توسىن قايعى.

تالاي كوردىم

ومىردە وسىندايدى.

اي استىندا

تۇرسا دا ايمالاسىپ،

...عاشىقتاردىڭ

بارلىعى قوسىلمايدى.

 

اققۋ قانشا

ايدىنعا قونا الماعان.

كولدەر قانشا

كەمەرى تولا الماعان.

اق ۇمىتپەن

اق جولعا اتتانعانمەن،

جاندار قانشا

ساپاردان ورالماعان.

 

قازان كەلسە

ەڭلىكگۇل قالار سولىپ.

 

 

ءتۇبى كەلەر

ءبىر باقىت سەن ىزدەمە.

قوس اققۋلار...

قوس تاعدىر ەگىز نەگە،

...جولدىڭ ءبارى

ءبىر جەردە توعىسپايدى،

بار وزەندەر

قۇيمايتىن تەڭىزدەرگە.

Abai.kz

0 پىكىر