«ورىس ءتىلى – تمد اۋماعىنداعى ۇلتارالىق قارىم-قاتىناستىڭ باستى قۇرالى»، دەپ مالىمدەدى تمد باس حاتشىسىنىڭ ورىنباسارى داۋرەن اباەۆ مينسكىدە ءوتىپ جاتقان "قازىرگى ەكىتىلدى كەڭىستىكتەگى ورىس ءتىلى" اتتى حالىقارالىق عىلىمي كونفەرەنتسيادا.

ونىڭ ايتۋىنشا، ورىس ءتىلى تمد كولەمىندە ادامداردىڭ بەيرەسمي بايلانىس ورناتۋىنا، مادەنيەتىن تاراتۋعا مۇمكىندىك بەرىپ وتىر. قازىرگى كۇنى ورىس ءتىلى قارقىندى دامۋ ۇستىندە.

«ەلدەر اراسىنداعى سەرىكتەستىككە تمد-نىڭ قولداۋىمەن ورىس ءتىلىن قولداۋ جانە ىلگەرىلەتۋ جونىندەگى حالىقارالىق ۇيىمنىڭ قۇرىلۋى قوسىمشا سەرپىن بەرەدى. قازاقستان پرەزيدەنتى قاسىم-جومارت توقاەۆ ۇسىنعان بۇل باستامانى تمد ەلدەرىنىڭ بارلىق كوشباسشىلارى قولدادى»، - دەدى اباەۆ.

ەسكە سالايىق، 2023 جىل تمد-دا ۇلتارالىق قاتىناس ءتىلى رەتىندە ورىس ءتىلى جىلى بولىپ جاريالانعان. وسىعان وراي گۋمانيتارلىق، عىلىمي، ءبىلىم بەرۋ جانە اعارتۋشىلىق ماڭىزى بار 150 ءىس-شارا جوسپارلانعان.

Abai.kz