پرەمەر-مينيستر ءاليحان سمايىلوۆ اۋىز سۋ جوبالارىنىڭ ۋاقىتىندا اياقتالماۋىنىڭ كەسىرىنەن 220 مىڭعا جۋىق ادامنىڭ ساپالى سۋعا قولى جەتپەي وتىرعانىن ايتتى.

«مۇنىڭ ايقىن مىسالى رەتىندە ۇلىتاۋ وبلىسىنداعى ەسقۇلا سۋ قۇبىرىن، قىزىلوردا وبلىسىنداعى تالاپ سۋ قۇبىرىن، سولتۇستىك قازاقستان وبلىسىنداعى پرەسنوۆ سۋ قۇبىرى مەن سوكولوۆ سۋ قۇبىرىنىڭ 2-ءشى كەزەڭىن ايتۋعا بولادى»،-دەدى ول.

سونداي-اق سمايىلوۆ اقمولا وبلىسى سۋ تازارتۋ قۇرىلىستارىن 10 جىلدان بەرى اياقتالماي، سوزبالاڭعا سالىپ كەلە جاتقانىن اتاپ ءوتتى.

«كەي وڭىرلەردە سۋ تازارتۋ قۇرىلىستارىن سالۋ جۇمىستارى سوزىلىپ كەتتى. اقمولا وبلىسىندا بۇل جۇمىس 10 جىلدان بەرى بىتپەي كەلەدى. ىزدەستىرۋ-بارلاۋ جۇمىستارى دا ۋاقىتىندا باستالعان جوق. قاراعاندى وبلىسىندا كونكۋرستىق راسىمدەر ەندى عانا وتكىزىلىپ جاتىر»،- دەدى ۇكىمەت باسشىسى.

Abai.kz