ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى 2023 جىلدىڭ 4-5 مامىرىندا اسا كورنەكتى عالىم، مەملەكەتتىك سىيلىقتىڭ جانە ش.ءۋاليحانوۆ اتىنداعى سىيلىقتىڭ يەگەرى، قازاقستان رەسپۋبليكاسى عىلىمىنا ەڭبەگى سىڭگەن قايراتكەر، قر ۇعا اكادەميگى  زاكي احمەتوۆتىڭ تۋعانىنا 95 جىل تولۋىنا وراي  «گۋمانيتارلىق عىلىمدار توعىسىنداعى ادەبيەتتانۋدىڭ جاڭا پاراديگمالارى» اتتى حالىقارالىق عىلىمي-تەوريالىق كونفەرەنتسيا وتكىزەدى.

اتالمىش كونفەرەنتسياعا الىس جانە جاقىن شەتەلدەردەن عالىمدار شاقىرىلعان.

كونفەرەنتسيا جۇمىسى مىناداي باعىتتاردا وتەدى:

• ادەبيەتتى زەرتتەۋدىڭ جاڭا تەوريالىق-ادىسنامالىق نەگىزدەرى جانە ز.احمەتوۆ ەڭبەكتەرى;
• تۇركى حالىقتارى ادەبيەتتانۋ عىلىمى جانە اكادەميك ز.احمەتوۆ مۇراسى;
• اكادەميك ز.احمەتوۆ جانە قازىرگى ابايتانۋ عىلىمى;
• الەمدىك كوركەم مادەنيەت كونتەكستىندەگى تۇركى حالىقتارىنىڭ فولكلوريستيكاسى;
• قازىرگى تسيفرلىق تەحنولوگيا بويىنشا ءبىلىم بەرۋ جۇيەسىندەگى ادەبيەت پەن ءتىلدى وقىتۋدىڭ ادىستەمەلىك اسپەكتىلەرى;
• كوركەم ءماتىن پوەتيكاسى;
• بىرىككەن ءبىلىم بەرۋ كەڭىستىگى: اكادەميالىق ۇتقىرلىقتى دامىتۋ.

كونفەرەنتسيا قازاق جانە تۇركى (قىرعىز، وزبەك، تاتار) تىلدەرىندە جۇرگىزىلەدى.

كونفەرەنتسياعا قىرعىزستان ۇعا ش.ايتماتوۆ اتىنداعى ادەبيەت ينستيتۋتىنىڭ ديرەكتورى، ف.ع.د. ن.يساەۆا (بىشكەك، قىرعىزستان), الىشەر ناۋاي اتىنداعى تاشكەنت مەملەكەتتىك وزبەك ءتىلى مەن ادەبيەتى ۋنيۆەرسيتەتىنىڭ پروفەسسورى، ف.ع.د. ۋ.جوراكۋلوۆ (تاشكەنت، وزبەكستان), قر ۇعا اكادەميگى ج.ءابدىلدين، قر ۇعا اكادەميگى س.قاسقاباسوۆ، م. اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى، ف.ع.د.، پروفەسسور ك.ماتىجانوۆ، ف.ع.د،  پروفەسسور ا.ەسپەنبەتوۆ (قازاقستان، سەمەي), ف.ع.د.، پروفەسسور س.نەگيموۆ، ف.ع.د.، پروفەسسور ش. ىبىراەۆ (قازاقستان، تۇركىستان)

كونفەرەنتسياعا قر سەنات جانە پارلامەنت دەپۋتاتتارى, قر عىلىم جانە جوعارى ءبىلىم مينيسترىلىگى،  قر اقپارات جانە قوعامدىق دامۋ مينيسترىلىگى, قر وقۋ اعارتۋ مينيسترىلىگى، قر مادەنيەت جانە سپورت مينيسترلىگى باسشىلارى مەن قىزمەتكەرلەرى،  مەملەكەت جانە قوعام قايراتكەرلەرى ءشاربانۋ بەيسەنوۆا، ساۋىتبەك ابدىراحمانوۆ، الىبەك اسقار سياقتى زيالى قاۋىم وكىلدەرى، اقىن-جازۋشىلار، جۋرناليستەر قاتىسادى.

سونىمەن قاتار ل.ن.گۋميلەۆ اتىنداعى ەۇۋ، ءال-فارابي اتىنداعى قازاق ۇلتتىق ۋنيۆەرسيتەتى، اباي اتىنداعى قازاق ۇلتتىق پەداگوگيكالىق ۋنيۆەرسيتەتى، م.و.اۋەزوۆ اتىنداعى ادەبيەت جانە ونەر ينستيتۋتى، ا.ياساۋي اتىنداعى قازاق-تۇرىك ۋنيۆەرسيتەتى، س.امانجولوۆ اتىنداعى شىعىس قازاقستان ۋنيۆەرسيتەتى، قازاق مەملەكەتتىك قىزدار پەداگوگيكالىق ۋنيۆەرسيتەتى، م.قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتى، شاكارىم اتىنداعى سەمەي مەملەكەتتىك ۋنيۆەرسيتەتى، قىرعىزستان، وزبەكستان ۋنيۆەرسيتەتتەرىنىڭ عالىمدارى، بەلگىلى اقىن-جازۋشىلار، قوعام قايراتكەرلەرى، دوكتورانتتار مەن ماگيسترانتتار قاتىسىپ، باياندامالار جاسايدى.

كونفەرەنتسيا جۇمىسى 2023 جىلدىڭ 4-5 مامىرىندا ساعات 10.00-دە باستالادى. كونفەرەنتسياعا كەلۋشىلەردى تىركەۋ ساعات 9.00-دە ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ باس عيماراتىندا (استانا قالاسى، ساتپاەۆ كوشەسى 2, تۇڭعىش پرەزيدەنت اۋديتورياسى (208 اۋد.) باستالادى.

كونفەرەنتسيادا اكادەميك ز.احمەتوۆ تۋرالى كىتاپ كورمەسى ۇيىمداستىرىلادى.

Abai.kz