دەپۋتاتتىڭ پىكىرىنشە، ءوزىن بلوگەر ساناپ جۇرگەندەردىڭ باسىم بولىگى شىن مانىندە بلوگتىڭ نە ەكەنىن تۇسىنبەيدى. كوپشىلىگى ەل الدىنداعى بەدەلىن، اتاق-دارەجەسىن پايدالانىپ، حالىققا كومەك جاساپ جاتقانداي سىڭاي تانىتىپ، الەۋمەتتىك جەلىلەردە ءتۇرلى «حايپ» ۇيىمداستىرىپ الەك.

ء“دال وسى بلوگەرلەر تالاي جىلدان بەرى ۇمىت بولعان قارجىلىق پيراميدانىڭ جاندانۋىنا دا سەبەپ بولعانىن ءبارىمىز جاقسى بىلەمىز. سول الاياقتارعا سەنىپ قالعان قانشاما ادام سۋيتسيد جاسادى، قانشاۋى دەنساۋلىعىنان ايرىلدى، تاعى قانشاماسى ءۇيسىز-كۇيسىز قالىپ، قاڭعىرىپ كەتتى؟! ولاردىڭ وبالى كىمگە؟ ەلدە بولىپ جاتقان ءتۇرلى الەۋمەتتىك جاعدايلاردى ءوز ىڭعايىنا بۇرمالاپ، وعان ۇلتارالىق رەڭ بەرىپ، ەلگە جالعان اقپارات تاراتقان بلوگەرلەردىڭ دە ءىسى مايشاممەن قارالۋى كەرەك ەدى. راستالماعان قاۋەسەتتىڭ الەۋمەتتىك جەلى ارقىلى تەز تاراۋىنان قورداي وقيعاسىنىڭ نەمەن اياقتالعانى بارىڭىزگە ءمالىم”، – دەدى اناس باققوجاەۆ.

ماجىلىسمەن ومىرگە دەگەن كوزقاراسى ەندى قالىپتاسىپ كەلە جاتقان جاستارىمىز وسى بلوگەرلەرگە ەلىكتەپ، جاتىپىشەرلىككە اۋەستەنىپ بارا جاتقانىن ايتتى.

“ولار ۇلتىمىزعا جات مادەنيەت پەن تەرىس يدەولوگيانى بويىنا ءسىڭىرىپ جاتىر. سونداي-اق، وسى بلوگەرلەردىڭ سوزىنە سەنىپ، شەتەلگە كۇڭدىككە تۇسكەن قىزدارىمىز قانشاما؟! ءبىز قىسقا عانا ۋاقىت ىشىندە ءسوزى مەن ىسىنە جاۋاپ بەرە المايتىن بلوگەرلەردىڭ وتانىنا اينالىپ كەتكەندەيمىز. بۇل – قوعام ءۇشىن دە، مەملەكەت ءۇشىن دە قاۋىپتى قۇبىلىس”، – دەدى دەپۋتات.

باققوجاەۆمۇنىڭ ءبارى بىزدەگى زاڭنامادا بلوگەر مارتەبەسى ايقىندالماعاننان دەپ ەسەپتەيدى.

“جاۋاپكەرشىلىكتىڭ جوق ەكەنىن سەزىنگەن مۇنداي ادامدار ارينە، ويىنا كەلگەنىن ىستەيدى. الەۋمەتتىك جەلىلەردى پايدالانىپ، ازاماتتار مەن ۇيىمداردىڭ قۇقىعى مەن زاڭدى مۇددەلەرىنە زيان كەلتىرەتىن جالعان اقپارات تاراتقانى ءۇشىن ولارعا قولدانىلاتىن شارا قاراستىرىلماعان. سول سەبەپتى ولاردا ەشقانداي جاۋاپكەرشىلىك جوق. ارتىن زەرتتەپ، شىندىق پا، جوق پا باستارىن قاتىرمايدى. باستىسى شۋ. باستىسى ءسوز.

كىمنىڭ بولماسىن الدىندا تىكەڭدەپ، بەتتەن الىپ، جەكە باسىنا تيىسەدى. ءسوز بوستاندىعى دەگەن وسى ما؟ ءبىز وسىلايشا تۇتاستاي ءبىر ماماندىقتى قور قىلىپ وتىرمىز. جۋرناليستەردىڭ كوبى جۇمىسسىز! ولاردىڭ ءبىلىمى دە، تالابى دا بار. ولاردىڭ بلوگەرلەردەن ايىرماشىلىعى – ادەپتى، سوندىقتان دا جۇمىسسىز”، – دەدى ماجىلىسمەن.

دەپۋتات وسىدان ءبىر جىل بۇرىن مەملەكەت باسشىسى قازاقستان حالقىنا جولداۋىندا: «مەملەكەتتىڭ مۇددەسىن، قوعامنىڭ سۇرانىسىن جانە مەدياسالانىڭ دامۋ ءۇردىسىن ەسكەرە وتىرىپ، باق تۋرالى زاڭدى قايتا قاراۋ كەرەك» دەگەن تاپسىرماسىن ەسكە سالدى.

“الايدا بۇل زاڭنىڭ ءالى دايىن ەمەستىگىن كورىپ وتىرمىز.  سوندىقتان، بىرىنشىدەن، اتالعان زاڭ جوباسىنا جاۋاپتىلاردىڭ ارەكەتىنە ءتيىستى باعا بەرىلۋى كەرەك. ەكىنشىدەن، تەز ارادا باق تۋرالى زاڭدى پىسىقتاپ، ءماجىلىستىڭ اشىق تالقىلاۋىنا ەنگىزۋ قاجەت. اقپارات سالاسىنداعى جاۋاپكەرشىلىكتى تەك جۋرناليستەر ەمەس، بلوگەرلەر دە سەزىنەتىن ۋاقىت جەتتى. بۇل ماسەلەنى اتالعان زاڭ جوباسىنىڭ اياسىندا دەرەۋ قاراستىرۋىمىز قاجەت. سەبەبى جاۋاپكەرشىلىكتى تۇسىنە المايتىن بلوگەرلەردىڭ سانى ۋاقىت وتكەن سايىن ارتۋدا”، – دەيدى ول.