بۇگىن سەناتتىڭ جالپى وتىرىسىندا دەپۋتات بيبىگۇل جەكسەنباي ەلوردا تۇرعىندارىن اۋىز سۋمەن قامتاماسىز ەتۋ ماسەلەلەرى جانە ولاردى شەشۋ جولدارى تۋرالى ايتتى، دەپ حابارلايدى Ulysmedia.kz.

ونىڭ ايتۋىنشا، زەرتتەۋلەر بويىنشا ەلىمىزدە 2040 جىلعا قاراي 50% سۋ تاپشىلىعى بولۋى ىقتيمال.

«قازىرگى كەزدە ەلوردادا سۋ تاپشىلىعى تاۋلىگىنە 30 مىڭ تەكشە مەتردى قۇرادى»، - دەدى ب. جەكسەنباي.

سەناتوردىڭ سوزىنە قاراعاندا، سول جاعالاۋدا تۇرعىن ءۇي قۇرىلىسىنىڭ قارقىندى سالىنۋى سۋ تاپشىلىعىنا اسەر ەتىپ وتىر.

بۇدان بولەك ول 4 ملن-نان استام قازاقستاندىقتى سۋمەن قامتاماسىز ەتىپ وتىرعان ەرتىستىڭ سۋى كوپتەگەن كاسىپورىنداردىڭ سالىنۋىنان، زاڭدى تۇلعالاردىڭ، شارۋا قوجالىقتارىنىڭ، كووپەراتيۆتەردىڭ سۋدى كوپ كولەمدە پايدالانۋىنان، سونداي-اق ۇنەمدەمەۋىنەن جانە ەكولوگيالىق جاعدايلارعا بايلانىستى ازايىپ كەلەدى.

«ساتپاەۆ كانالى ارقىلى ەرتىستىڭ سۋىن ەلورداعا بۇرۋ بويىنشا جوبادان باسقا دا بالاما باعىتتاردى قاراستىرۋ كەرەك. سۋدى ءبولۋدىڭ حالىقارالىق تاجىريبەسىنە سايكەس، حالىقارالىق قۇقىق اياسىندا ترانسشەكارالىق سۋ رەسۋرستارىن باسقارۋدىڭ جاڭا مودەلدەرىن قولعا الۋ قاجەت. سۋ رەسۋرستارىن كەشەندى باسقارۋ سالاسىنداعى مامانداردىڭ ءبىلىم دەڭگەيىن ارتتىرۋدى جانە ءبىلىم بەرۋ جۇيەسىنىڭ ادىستەمەسىن جاڭارتۋدى سۇرايمىز»، - دەدى بيبيگۇل جەكسەنباي ۇكىمەت باسشىسى ءاليحان سمايىلوۆتىڭ اتىنا جولداعان ساۋالىندا.

ايتا كەتەيىك، بۇدان بۇرىن پرەمەر-مينيستر ەلىمىز 2050 جىلعا قاراي "سۋعا وتە مۇقتاج" ەلدەردىڭ ساناتىنا كىرۋى مۇمكىن ەكەنىن ايتقان.

Abai.kz