جۇما, 29 ناۋرىز 2024
جاڭالىقتار 3199 0 پىكىر 30 مامىر, 2013 ساعات 09:12

قاجىمۇقان عابدوللا. شىرەنگەن شەنەۋنىكتەردىڭ كوڭىلىنە الاڭ، ومىرىنە توپالاڭ كىردى...

بيىلعى جىلدىڭ 7 ناۋرىزىندا مەملەكەتتىك قىزمەت جونىندەگى اگەنتتىككە ا كورپۋسىنىڭ اكىمشىلىك قىزمەتكەرلەرىنە قويىلاتىن ارنايى تالاپتاردى بەكىتۋدى تاپسىرعان ەلباسىنىڭ قاۋلىسى شەرتىپ جەپ، ءسىمىرىپ ىشكەن شەنەۋنىك اتاۋلىنىڭ ىشكەنىن – ءىرىڭ، جەگەنىن – جەلىم قىلدى.
ءساۋىر ايى – تۇڭعىش رەت ءتاۋىر اي بولمادى. ەلىمىزدە ا اكىمشىلىك كورپۋسىنا تالاپكەرلەردى ىرىكتەۋ بايقاۋلارى جاريالاندى.
ءبىلىمى جوق، بىلىگى كەمشىن، تاجىريبەسى تاتىمسىز، كاسىبيلىگى اقساعان، زاڭداردان ماقۇرىم، كەزدەيسوق كەلگەن «مىرقىمبايلارعا» تىقىر تاياندى. مامىردىڭ بەل ورتاسىندا باستالعان مەملەكەتتىك قىزمەتكەرلەردىڭ بايقاۋى بارىسىندا تالاي ماسقارانىڭ كۋاسى بولدىق. قايسىبىر كۇندەرى ۇمىتكەرلەردىڭ جارتىسىنا جۋىعى تىراپاي اسىپ جاتتى. 
قالىڭ دا قوڭدى «پورتفەلدەرىمەن» قيماي قوشتاسقانداردىڭ اراسىندا ەلگە تانىمال ەلىمىزدىڭ بۇرىنعى باس ەسەپشىسى، قازىرگى قارجى مينيسترلىگىنىڭ قارجىلىق مونيتورينگ جونىندەگى كوميتەتىنىڭ توراعاسى ءمۇسىرالى وتەباەۆ پەن قازاقتاردىڭ تۋعان توپىراعىنداعى 10 سوتتىق جەرىنە «قول سالىپ»، جەر تەلىمىنىڭ تەگىن بولۋىنە قارسى ۇسىنىس جاساعان ايماقتىق دامۋ مينيسترلىگىنىڭ جەر رەسۋرستارىن باسقارۋ جونىندەگى كوميتەتىنىڭ توراعاسى قادىرحان وتاروۆ تا بار. 

بيىلعى جىلدىڭ 7 ناۋرىزىندا مەملەكەتتىك قىزمەت جونىندەگى اگەنتتىككە ا كورپۋسىنىڭ اكىمشىلىك قىزمەتكەرلەرىنە قويىلاتىن ارنايى تالاپتاردى بەكىتۋدى تاپسىرعان ەلباسىنىڭ قاۋلىسى شەرتىپ جەپ، ءسىمىرىپ ىشكەن شەنەۋنىك اتاۋلىنىڭ ىشكەنىن – ءىرىڭ، جەگەنىن – جەلىم قىلدى.
ءساۋىر ايى – تۇڭعىش رەت ءتاۋىر اي بولمادى. ەلىمىزدە ا اكىمشىلىك كورپۋسىنا تالاپكەرلەردى ىرىكتەۋ بايقاۋلارى جاريالاندى.
ءبىلىمى جوق، بىلىگى كەمشىن، تاجىريبەسى تاتىمسىز، كاسىبيلىگى اقساعان، زاڭداردان ماقۇرىم، كەزدەيسوق كەلگەن «مىرقىمبايلارعا» تىقىر تاياندى. مامىردىڭ بەل ورتاسىندا باستالعان مەملەكەتتىك قىزمەتكەرلەردىڭ بايقاۋى بارىسىندا تالاي ماسقارانىڭ كۋاسى بولدىق. قايسىبىر كۇندەرى ۇمىتكەرلەردىڭ جارتىسىنا جۋىعى تىراپاي اسىپ جاتتى. 
قالىڭ دا قوڭدى «پورتفەلدەرىمەن» قيماي قوشتاسقانداردىڭ اراسىندا ەلگە تانىمال ەلىمىزدىڭ بۇرىنعى باس ەسەپشىسى، قازىرگى قارجى مينيسترلىگىنىڭ قارجىلىق مونيتورينگ جونىندەگى كوميتەتىنىڭ توراعاسى ءمۇسىرالى وتەباەۆ پەن قازاقتاردىڭ تۋعان توپىراعىنداعى 10 سوتتىق جەرىنە «قول سالىپ»، جەر تەلىمىنىڭ تەگىن بولۋىنە قارسى ۇسىنىس جاساعان ايماقتىق دامۋ مينيسترلىگىنىڭ جەر رەسۋرستارىن باسقارۋ جونىندەگى كوميتەتىنىڭ توراعاسى قادىرحان وتاروۆ تا بار. 
ءبىزدىڭ باسىلىمىمىزدىڭ سىنىنا ۇشىراعان استانا قالاسىنداعى الماتى اۋدانىنىڭ «بەلى بەسىكتەن شىقپاعان» اكىمى پاۆەل كۋلاگينءنىڭ تابانىنىڭ تايعانىن «ادىلدىكتىڭ ورناۋى» دەپ قۋانساق، ءوز وبلىسىمىزدىڭ اكىمىنىڭ اپپارات جەتەكشىسى جالعاس مىرزاعاليەۆ ءۇشىن ۇيالىپ، جەرگە قارادىق.
ەلىمىزدەگى اكىمدەر مەن كوپ لاۋازىمداردىڭ تامىر-تانىستىق پەن جەڭ ۇشىنان جالعاسقان جەمقورلىق ۇردىستەرىمەن تاعايىندالاتىندىقتارىن انىق تا ايقىن دالەلدەگەن بۇل سىناقتا ءبىزدىڭ باتىس قازاقستان وبلىسى ساۋاتسىزدىقتىڭ ۇلگىسىن كورسەتىپ، وزگەلەردەن وزا شاۋىپ، 7 اكىمىنەن «ايىرىلعان» قوستانايلىقتارعا قوڭسى قوندى.
اتاپ ايتقاندا، بوكەيوردا اۋدانىنىڭ اكىمى نۇرلان سابىروۆ، جانىبەك اۋدانىنىڭ اكىمى بەرىك ەسەنعاليەۆ، زەلەنسكي اۋدانىنىڭ اكىمى مارات وڭعاربەكوۆ، كازتالوۆكا اۋدانىنىڭ اكىمى رىسپاي وتەشەۆ، قاراتوبە اۋدانىنىڭ اكىمى ناۋرىزباي قاراعويشيندەر جۇمساق ورىنتاقتارىنان وپىرىلا قۇلادى.
ەلوردادا قىپ-قىزىل كۇرەس ءجۇرىپ جاتقاندا، ورال قالاسىنىڭ باس جول پوليتسەيى ولەگ نەدوپەكين رەسەي ازاماتىنان 7 مىڭ اقش دوللارىن بوپسالاعىسى كەلگەن قاتارداعى قىزمەتكەرى، جول پوليتسياسىنىڭ ينسپەكتورى اجعاليەۆءتىڭ كەسىرىنەن جىلى ورىنىنان ايىرىلىپ قالدى. 
ايتكەنمەن، «بىرەۋگە جان قايعى، بىرەۋگە مال قايعى» دەمەكشى، جارتى جۇرتى شۋلاپ جۇرگەندە، باتىس قازاقستان وبلىسىنىڭ «قوجايىنى» نۇرلان نوعاەۆ «وزىڭنەن باستاسايشى!» دەپ اتالاتىن باستامانىڭ بەلسەندىسى اتانىپ، ءوزىنىڭ اي سايىنعى تابىسىن “461 مىڭ تەڭگەنى قۇرايدى”، دەپ جاريالادى.
نە قىمبات مەيرامحانالاردا ءىشىپ-جەۋگە، نە الەمدىك تانىمال برەندلەردىڭ كيىمدەرىن الۋعا، نە قوناقتار پەن قۇدالاردى شاقىرۋعا، نە ەۋروپا ەلدەرىندە بالالاردى وقىتۋعا، نە سۋجاڭا كولىكتەر مىنۋگە، نە ءزاۋلىم ۇيلەر سالۋعا جەتپەيتىن بولماشى قارجىنى نەسىنە اۋرەلەنىپ جاريا قىلعان؟!.
سەنەمىز بە، قايتەمىز؟!.
Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610