استانادان اتتانعان «يننوۆاتسيالىق فورساج» اۆتوبۋسى وسكەمەنگە كەلدى. وبلىس ورتالىعىنا ات باسىن تىرەگەن اۆتوبۋستىڭ ءبىزدىڭ وڭىرگە ساپار شەگۋىنىڭ نەگىزگى ماقسات – كوپشىلىكتى يننوۆاتسيالىق بيزنەس-جوسپارلار رەسپۋبليكالىق بايقاۋىنىڭ وتەتىندىگى تۋرالى قۇلاقتاندىرۋ، لايىقتى ۇمىتكەرلەردى بايقاۋعا قاتىسۋعا جانە ونىڭ تەلەۆيزيالىق نۇسقاسىن كورىپ، ۇناتقان جوبالار مەن اۆتورلارعا جانكۇيەر بولۋعا شاقىرۋ.

بايقاۋدى ۇيىمداستىرۋشى - يندۋستريا جانە جاڭا تەحنولوگيالار مينيسترلىگىنىڭ قولداۋىمەن «تەحنولوگيالىق دامۋ بويىنشا ۇلتتىق اگەنتتىك» اق. بايقاۋعا يننوۆاتسيالىق جوباسى بار كەز كەلگەن قازاقستاندىق قاتىسا الادى.

قۇرامىندا اتالمىش اگەنتتىكتىڭ وكىلدەرى مەن تەلەجوبانىڭ قىزمەتكەرلەرى بار «يننوۆاتسيالىق فورساج» كومانداسى وبلىس اكىمىنىڭ ءبىرىنشى ورىنباسارى ەرمەك كوشەرباەۆپەن بىرگە وسكەمەندەگى «التاي» تەحنوپاركىندە وتكىزىلگەن شاراعا قاتىستى.

شارا بارىسىندا تەحنولوگيالىق دامۋ بويىنشا ۇلتتىق اگەنتتىك» اق-نىڭ باسقارۋشى ديرەكتورى سەرىك ماراتوۆ بايقاۋعا قاتىسۋدىڭ تالاپ-شارتتارىن، ىرىكتەۋ ءتارتىبىن ءتۇسىندىردى. شىعىسقازاقستاندىق ونەرتاپقىشتاردىڭ تۋىندىلارىن تاماشالادى. ونىڭ ايتۋىنشا، بيىل بايقاۋ تالاپتارى ءبىراز جەڭىلدەتىلگەن. كەز كەلگەن ۇمىتكەر «nif50k.kz» سايتىنا ءوتىنىم جولداپ، سول سايت ارقىلى وزىنە قاجەتتى سۇراقتارعا جاۋاپتار مەن كەڭەستەر الۋعا مۇمكىندىگى بار.

استانادان اتتانعان «يننوۆاتسيالىق فورساج» اۆتوبۋسى وسكەمەنگە كەلدى. وبلىس ورتالىعىنا ات باسىن تىرەگەن اۆتوبۋستىڭ ءبىزدىڭ وڭىرگە ساپار شەگۋىنىڭ نەگىزگى ماقسات – كوپشىلىكتى يننوۆاتسيالىق بيزنەس-جوسپارلار رەسپۋبليكالىق بايقاۋىنىڭ وتەتىندىگى تۋرالى قۇلاقتاندىرۋ، لايىقتى ۇمىتكەرلەردى بايقاۋعا قاتىسۋعا جانە ونىڭ تەلەۆيزيالىق نۇسقاسىن كورىپ، ۇناتقان جوبالار مەن اۆتورلارعا جانكۇيەر بولۋعا شاقىرۋ.

بايقاۋدى ۇيىمداستىرۋشى - يندۋستريا جانە جاڭا تەحنولوگيالار مينيسترلىگىنىڭ قولداۋىمەن «تەحنولوگيالىق دامۋ بويىنشا ۇلتتىق اگەنتتىك» اق. بايقاۋعا يننوۆاتسيالىق جوباسى بار كەز كەلگەن قازاقستاندىق قاتىسا الادى.

قۇرامىندا اتالمىش اگەنتتىكتىڭ وكىلدەرى مەن تەلەجوبانىڭ قىزمەتكەرلەرى بار «يننوۆاتسيالىق فورساج» كومانداسى وبلىس اكىمىنىڭ ءبىرىنشى ورىنباسارى ەرمەك كوشەرباەۆپەن بىرگە وسكەمەندەگى «التاي» تەحنوپاركىندە وتكىزىلگەن شاراعا قاتىستى.

شارا بارىسىندا تەحنولوگيالىق دامۋ بويىنشا ۇلتتىق اگەنتتىك» اق-نىڭ باسقارۋشى ديرەكتورى سەرىك ماراتوۆ بايقاۋعا قاتىسۋدىڭ تالاپ-شارتتارىن، ىرىكتەۋ ءتارتىبىن ءتۇسىندىردى. شىعىسقازاقستاندىق ونەرتاپقىشتاردىڭ تۋىندىلارىن تاماشالادى. ونىڭ ايتۋىنشا، بيىل بايقاۋ تالاپتارى ءبىراز جەڭىلدەتىلگەن. كەز كەلگەن ۇمىتكەر «nif50k.kz» سايتىنا ءوتىنىم جولداپ، سول سايت ارقىلى وزىنە قاجەتتى سۇراقتارعا جاۋاپتار مەن كەڭەستەر الۋعا مۇمكىندىگى بار.

– بۇگىن ءبىز كوپتەگەن جاقسى جوبالاردى كوردىك. ولاردى وزىمىزبەن بىرگە استانا الىپ كەتەمىز. ول جاقتا ارنايى ساراپشى ماماندار بار، سول كىسىلەر جوبا تۋرالى وزدەرىنىڭ قورىتىندىلارىن جاسايتىن بولادى. سونىمەن بىرگە ايتا كەتەيىن، ەگەر قازىر جوباسىن ۇسىنىپ ۇلگەرە الماعاندار 20 ماۋسىمعا دەيىن ەلەكتروندى ادرەسكە جولداۋعا مۇمكىندىكتەرى بار. بايقاۋعا ون سەگىز جاسقا تولعان، يننوۆاتسيالىق جوبانىڭ اۆتورى بولىپ تابىلاتىن ەلىمىزدىڭ كەز-كەلگەن ازامات قاتىسا الادى.، - دەدى اگەنتتىكتىڭ باسقارۋشى ديرەكتورى سەرىك ماراتوۆ.

بيىلعى 27 مامىردا يندۋستريا جانە جاڭا تەحنولوگيالار ۆيتسە-ءمينيسترى قانىش تولەۋشيننىڭ قاتىسۋىمەن سالتاناتتى تۇردە جولعا شىعىپ، قاراعاندى، پاۆلودار، قوستاناي، كوكشەتاۋ سياقتى ءىرى قالالاردا بولىپ، ەندى مىنە وسكەمەنگە تىزگىن تارتقان «يننوۆاتسيالىق فورساج» اۆتوبۋسى 21 ماۋسىمعا دەيىن بارلىق وبلىس ورتالىقتارىن ارالاپ شىقپاق.

«التاي» تەحنوپاركىندە كوپشىلىك نازارىنا ۇسىنىلعان جوبالاردىڭ ىشىندە استانالىق قوناقتاردىڭ كوڭىلىن ەرەكشە اۋدارعان ەكى جوبانى اتاپ وتۋگە بولادى. ولاردىڭ ءبىرى وسى بايقاۋدىڭ ەڭ جاس قاتىسۋشىسى – وسكەمەندەگى №25 ورتا مەكتەپتىڭ 5 سىنىپ وقۋشىسى گلەب دانيلوۆ. ول بايقاۋعا ءوزىنىڭ «بالانىڭ ەلەكتروندى اقشاسى» دەگەن يننوۆاتسيالىق جوباسىن ۇسىندى.

– بۇل ەلەكتروندى اقشانىڭ قىزمەتى بانكتىك كارتوچكالارعا نەگىزدەلگەن. كارتوچكاعا اتا-انالارى سالىپ بەرگەن اقشامەن بالا دۇكەننەن وزىنە كەرەگىن ساتىپ الا الادى. سونىمەن قاتار اتا-انالار ءوزىنىڭ بالاسىنىڭ ول اقشاعا قانداي زاتتار ساتىپ العانىن، ياعني رۇقسات ەتىلگەن دۇنيەلەر الدى ما، جوق الدە باسقاعا جۇمسادى ما سونى دا انىقتاي الادى. ەڭ ماڭىزدىسى بۇل كارتوچكانى وزگەلەر پايدالانا المايدى. ويتكەنى وندا ءاربىر بالانىڭ ساۋساق ىزدەرى تاڭبالانعان، سول ارقىلى جۇمىس ىستەيدى. جوبادا دەپوزيتتىك قىزمەت ءتۇرى دە قاراستىرىلعان. ماسەلەن، بالا ءوزىنىڭ اتا-اناسى كارتوچكاعا سالىپ بەرگەن اقشاسىن ۇستاماي جيناي بەرەتىن بولسا، ول اۆتوماتتى تۇردە دەپوزيتتەگى ەسەپشوتقا اۋىسىپ، ۇستىنەن ءوسىم كورەدى. مەكتەپتى بىتىرگەنشە بالا شامامەن 300-400 مىڭ تەڭگەدەي اقشا جيناي الادى، - دەيدى گلەب دانيلوۆ.  

اگەنتتىك وكىلدەرىنىڭ قىزىعۋشىلىعىن تۋعىزعان تاعى ءبىر جوبانىڭ اۆتورى 86 جاستاعى ونەرتاپقىش ميحايل بۋلداكوۆ ويلاپ تاپقان ەكولوگيالىق جاعىنان تازا، ءارى ەكونوميكالىق جاعىنان ءتيىمدى ەلەكتر ستانساسى. مۇنداي قۇرىلعىسى بار ستانسا رەسپۋبليكانى بىلاي قويعاندا الەمدە جوق.

– بۇل ەشقاشان تاۋسىلمايتىن ەنەرگيا كوزى. فيزيكانىڭ زاڭدىلىقتارىنا سۇيەنىپ جاسالعان. قاراپايىم قۇبىردىڭ ىشىنە جەلدەتكىش، گەنەراتور سەكىلدى قۇرىلعىلاردى ورناتىپ، سول ارقىلى ەنەرگيا وندىرىلەدى. ءتىپتى وعان جەلدىڭ دە كەرەگى جوق. كادىمگى جەردىڭ تارتىلىس كۇشىنىڭ كومەگىمەن جۇمىس ىستەيدى. بۇل ستانسانى اۋىلعا دا، قالاعا دا ورنالاستىرۋعا بولادى. بۇگىندە سىناق ۇلگىسىن جاساپ جاتىرمىز، كۇزگە قاراي قۇرىلعى تولىق اياقتالادى. سول كەزدە ماماندار ونىڭ قىزمەتىن ءوز كوزدەرىمەن كورسە ەكەن دەپ ويلايمىن. ويتكەنى بۇعان دەيىن وسى جوبانىڭ قاعازداعى نۇسقاسىن استاناداعى ءتيىستى ورىندارعا جىبەرگەنمىن. بىراق ەشقانداي ناتيجەسى بولمادى. مەنىڭشە جوبامەن قاعاز كۇيىندە ەمەس ناقتى ءىس جۇزىندە تانىساتىن بولسا ونىڭ ارتىقشىلىقتارىنا، تيىمدىلىگىنە كوز جەتكىزە الار ەدى، - دەيدى جاڭا جوباسىن پاتەنتتەپ ۇلگەرگەن ونەرتاپقىش ميحايل بۋلداكوۆ.

يننوۆاتسيالىق جوبالارمەن تانىسقاننان كەيىن استانالىق قوناقتاردىڭ قاتىسۋىمەن دوڭگەلەك ۇستەل وتىرىسى ءوتتى. وندا وبلىس اكىمىنىڭ ءبىرىنشى ورىنباسارى ەرمەك كوشەرباەۆ، تەحنولوگيالىق دامۋ بويىنشا ۇلتتىق اگەنتتىك اق-نىڭ باسقارۋشى ديرەكتورى سەرىك ماراتوۆ جانە باسقالارى ءسوز سويلەپ، وي-پىكىرلەرىن ورتاعا سالدى.

شقو اقپاراتتىق ورتالىعى