توتەنشە جاعدايلار مينيسترلىگىنىڭ ءباسپاسوز قىزمەتى ۆيتسە-مينيستر مارات كۇلدىكوۆتىڭ قىزمەتتەن بوساتۋ جونىندە ءوتىنىش بەردى.

«مارات كۇلدىكوۆتىڭ ءوز ەركىمەن قىزمەتىنەن بوساتۋ تۋرالى ءوتىنىش جازعانىن راستايمىز. قازىرگى تاڭدا ونىڭ لاۋازىمنان بوساۋىن ماقۇلداۋ پروتسەدۋراسى ءجۇرىپ جاتىر»، - دەلىنگەن ۆەدومستۆونىڭ ءباسپاسوز قىزمەتى ۇسىنعان رەسمي مالىمەتتە.

ەسكە سالا كەتەيىك، اباي وبلىسىنداعى الاپات ءورت كەزىندە مەملەكەت باسشىسى جەدەل شتاب وتىرىسىن وتكىزگەن بولاتىن.

سول جيىندا قاسىم-جومارت توقاەۆ توتەنشە جاعدايلار ۆيتسە-ءمينيسترى مارات كۇلدىكوۆتىڭ ءسوزىن ءبولىپ، مينيسترلىك جۇمىسىنا سىن ايتتى.

«مەن قىزمەتىنەن بوساتقان مينيستر ءوزىنىڭ تىكەلەي قىزمەتتىك مىندەتىن ورىنداۋعا نەگە مۇلدەم نەمقۇرايلى قارادى؟! 14 ادام قازا تاپتى. ءسىز وسىنى تۇسىنەسىز بە؟ مەن ولاردىڭ وتباسىلارىمەن كەزدەستىم. بۇل ازاماتتار ءوز وتباسىنىڭ پەرزەنتتەرى، وتاعاسى بولاتىن. ءبىر وتباسىندا ەكى جاسار بالا جەتىم قالدى. ادامداردىڭ ارتىندا نەسيەلەرى قالدى. ولار وتباسىنىڭ جالعىز اسىراۋشىسى ەدى. ءورت بۇكىل الەمدە بولادى، بىراق ول جاقتا ءتيىستى شارالار قابىلدانادى. مينيستر كەلمەدى، وبلىس اكىمى تىم باياۋ قوزعالدى، ورىنباسارلارىن جىبەردى. جۇمىسقا دەگەن وسىنداي قارىم-قاتىناس بولا ما؟! وسى جونىندە ەسەپ بەرىڭىز! ناقتى سۇراق – نەگە قاتە بولجام جاسالدى؟» - دەپ سۇرادى قاسىم-جومارت توقاەۆ.

فوتو: اشىق دەرەككوزدەن

Abai.kz