امەريكالىق سەناتور اقش كونگرەسمەنى دجەكسون-ۆەنيكتىڭ ورتالىق ازيانىڭ ءۇش ەلىنە قاتىستى ەنگىزگەن تۇزەتۋلەرىن الىپ تاستاۋعا شاقىردى. بۇل تۇزەتۋ 1974 جىلى "قىرعي-قاباق سوعىس" كەزىندە بىرقاتار ەلدەرگە قاتىستى قابىلدانعان. ول ەلدەردىڭ ىشىندە قازاقستان، وزبەكستان جانە تاجىكستان بار. 

حالىقارالىق قاتىناستار جونىندەگى كوميتەتتىڭ مۇشەسى، سەناتور-دەموكرات كريس ميورفي (Chris Murphy) 26 شىلدەدە "ديپلومات" جۋرنالىنا ماقالا جاريالاپ، "دجەكسون-ۆەنيك تۇزەتۋلەرىن جويۋ ورتالىق ازيامەن تۇراقتى جانە قالىپتى قاتىناستى قامتاماسىز ەتەدى" دەپ اتاپ وتكەن.

ول گەوساياسي جاعدايلاردىڭ وزگەرىپ جاتقانىنا بايلانىستى اقش ۇكىمەتى ورتالىق ازيامەن قارىم-قاتىناستى كەڭەيتۋى ءتيىس دەپ ەسەپتەيدى. سەبەبى، اقش سىرتتاي باقىلاپ وتىرعاندا، رەسەي مەن قىتاي قازاقستان، وزبەكستان جانە تاجىكستانعا ىقپالىن كۇشەيتتى دەيدى.

"وكىنىشكە قاراي، قازىر قارىم-قاتىناسقا دامۋعا كەدەرگى بولىپ جاتقان فەدەرالدى زاڭ" دەگەن.

1974 جىلى كونگرەسسمەن گەنري دجەكسون مەن چارلز ۆەنيك كەڭەس ۇكىمەتىمەن ساۋدا-ساتتىقتى شەكتەيتىن زاڭعا تۇزەتۋلەر ەنگىزۋدى ۇسىنادى. دەمەك، ساۋدا ءۇشىن بارىنشا قولايلى جاعدايلار جاسالمايدى، مەملەكەتتىك نەسيە مەن نەسيە كەپىلدىكتەرىنە تىيىم سالىنادى. اقش-تان يمپورتالاتىن تاۋارلارعا ءتيىمسىز تاريفتەر مەن الىمدار قوسىلادى. قازاقستان تاۋەلسىزدىك العالى بەرى وسى دجەكسون-ۆەنيك تۇزەتۋلەرىن الىپ تاستاۋ جونىندە بىرنەشە مارتە ۇسىنىس جاسالعان.

دەرەككوز: centralasian

Abai.kz