دارىن نۇرساپاروۆ

وبلىس اكىمى بەردىبەك ساپارباەۆ كورەيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى پەك چۋحەندى قابىلدادى. كەزدەسۋ بارىسىندا ەكى ەل اراسىنداعى الىس-بەرىس، ساۋدا-ەكونوميكالىق جانە مادەني-الەۋمەتتىك ماسەلەلەر جونىندە  پىكىر الماسىلدى.

جالپى، ءبىزدىڭ وبلىس پەن كورەيا رەسپۋبليكاسىنىڭ اراسىندا وتكەن جىلعى تاۋار اينالىمى 258,8 ملن. دوللاردى قۇراعان. بۇل 2011 جىلمەن سالىستىرعاندا 1,9 ەسەگە ارتىق. ال ەكسپورت 89,9 ملن. دوللارعا جەتكەن. ءبىزدىڭ ەلدەن كورەياعا ەكسپورتتالاتىن نەگىزگى تاۋار تيتان جانە تيتان ونىمدەرى بولىپ تابىلادى.  كورەيانىڭ بىزگە يمپورتتاپ وتىرعان نەگىزگى تاۋارلاردىڭ ىشىندە پنەۆماتيكالىق شينالار، بۋلدوزەرلەر جانە اۆتوكولىككە قاجەتتى بولشەكتەر مەن كەرەك-جاراقتار بار. بۇگىندە وبلىسىمىزدىڭ اۋماعىندا 4 ءىرى قازاق-كارىس بىرىككەن ساۋدا-ساتتىق مەكەمەسى جۇمىس ىستەپ تۇر.

دارىن نۇرساپاروۆ

وبلىس اكىمى بەردىبەك ساپارباەۆ كورەيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى پەك چۋحەندى قابىلدادى. كەزدەسۋ بارىسىندا ەكى ەل اراسىنداعى الىس-بەرىس، ساۋدا-ەكونوميكالىق جانە مادەني-الەۋمەتتىك ماسەلەلەر جونىندە  پىكىر الماسىلدى.

جالپى، ءبىزدىڭ وبلىس پەن كورەيا رەسپۋبليكاسىنىڭ اراسىندا وتكەن جىلعى تاۋار اينالىمى 258,8 ملن. دوللاردى قۇراعان. بۇل 2011 جىلمەن سالىستىرعاندا 1,9 ەسەگە ارتىق. ال ەكسپورت 89,9 ملن. دوللارعا جەتكەن. ءبىزدىڭ ەلدەن كورەياعا ەكسپورتتالاتىن نەگىزگى تاۋار تيتان جانە تيتان ونىمدەرى بولىپ تابىلادى.  كورەيانىڭ بىزگە يمپورتتاپ وتىرعان نەگىزگى تاۋارلاردىڭ ىشىندە پنەۆماتيكالىق شينالار، بۋلدوزەرلەر جانە اۆتوكولىككە قاجەتتى بولشەكتەر مەن كەرەك-جاراقتار بار. بۇگىندە وبلىسىمىزدىڭ اۋماعىندا 4 ءىرى قازاق-كارىس بىرىككەن ساۋدا-ساتتىق مەكەمەسى جۇمىس ىستەپ تۇر.

- قازىر وبلىستا تيتان قۇيمالارىن وندىرەتىن ۇلكەن «پوسۋك تيتانيۋم» زاۋىتى سالىنىپ جاتىر، زاۋىت قۇرىلىسى جىل سوڭىنا دەيىن اياقتالۋى كەرەك. مۇندا سالىنعان ينۆەستيتسيا كولەمى 50 ميلليون دوللاردى قۇرايدى. سونىمەن قاتار، كورەيا رەسپۋبليكاسى مەن شىعىس قازاقستان وبلىسى اۆتوموبيل قۇراستىرۋ جۇمىستارىن جولعا قويىپ كەلەدى، وعان مىسال - «ازيا اۆتو» كونۆەيەرلەرىنەن شىعىپ جاتقان كىا اۆتوكولىكتەرى. سەمەيدەگى اۆتوبۋس ءوندىرىسى  دە كورەيامەن تىكەلەي بايلانىستى. سىزدەردىڭ ەلدەرىڭىزدە مەديتسينا سالاسى، ونىڭ ىشىندە دياگنوستيكا قاتتى دامىعان. ەكى ەل اراسىنداعى مەديتسينالىق ءىس-تاجىريبە الماسۋ جۇمىستارىن جولعا قويۋىمىز كەرەك. وزدەرىڭىز بىلەسىزدەر، وبلىس اۋماعىندا سەمەي پوليگونى بولعان، سونىڭ زاردابىن ءالى كۇنگە دەيىن تارتىپ وتىرمىز، ونكولوگيالىق اۋرۋلاردىڭ الدىن الۋ ءۇشىن زاماناۋي مەديتسينالىق تەحنولوگيالارعا جۇگىنۋىمىز قاجەت. ءبىلىم، مادەنيەت سالاسىندا بايلانىس ورناتامىز، - دەدى وبلىس اكىمى بەردىبەك ساپارباەۆ.

ءوڭىر باسشىسى سونىمەن قاتار، وسكەمەننەن سەۋلگە تىكەلەي ۇشاتىن اۆيارەيستەردىڭ قولعا الىنۋى مۇمكىن ەكەندىگىن دە ايتىپ ءوتتى. سەبەبى،  قازىر كورەياعا بارىپ ەمدەلگىسى كەلەتىن جەرلەستەرىمىزدىڭ سانى كۇننەن-كۇنگە ارتىپ كەلە جاتىر.  كۇرشىم وتكەلىنە سالىناتىن ەكى شاقىرىمدىق اسپالى كوپىر قۇرىلىسىنا دا كورەيلىك كومپانيالار ينۆەستيتسيا سالماق بولىپ وتىرعانى بەلگىلى. قۇرىلىستىڭ جوبالىق سمەتالىق قۇجاتى تامىز ايىنا تامان دايىن بولماق.  كورەيا رەسپۋبليكاسىنىڭ كانگۆون ايماعى مەن شىعىس قازاقستان وبلىسى اراسىندا جاسالعان مەموراندۋم اياسىندا وتكەن جىلدىڭ ناۋرىز ايىندا ءبىزدىڭ وبلىستىڭ 30 مەديتسينالىق قىزمەتكەرى كورەياعا بارىپ بىلىكتىلىگىن جەتىلدىرىپ كەلگەن بولاتىن. ال قازان ايىندا ەكى بالالار دارىگەرى   التى ايلىق وقۋعا بارىپ كەلدى، بارلىق شىعىندى كورەيا جاعى كوتەرىپ العان.

توتەنشە جانە وكىلەتتى ەلشى پەك چۋحەن وسكەمەنگە كەلگەنىنە شىن نيەتىمەن قۋانىشتى ەكەندىگىن جەتكىزدى. ونىڭ ايتۋىنشا، شىعىس قازاقستان - رەسپۋبليكاداعى ەڭ قارقىندى دامىپ كەلە جاتقان وبلىستاردىڭ ءبىرى.

- مەن مۇنداعى كارىس ۇلتىنىڭ وكىلدەرىمەن، بيزنەسمەندەرمەن كەزدەستىم. ولار وبلىس اكىمىنىڭ ەرەن ەڭبەگىن تىلگە تيەك ەتتى، مۇندا جۇرگىزىلىپ جاتقان الەۋمەتتىك نىسانداردىڭ قۇرىلىسى كوپ نارسەدەن حابار بەرەتىندەي. ارينە، ەكى ەل اراسىنداعى بارلىق بايلانىستى، اسىرەسە،  مادەني بايلانىستى دامىتا ءتۇسۋىمىز قاجەت. قازىر كورەيادا كوپتەگەن قازاق جاستارى ءبىلىم الىپ جاتىر، ولار كارىس ءتىلىن ەركىن مەڭگەرگەن. ولاردان بولاشاقتا جاقسى ماماندار شىعادى دەگەن ويدامىن، - دەدى پەك چۋحەن مىرزا.

ەلشى بۇدان باسقا بىرقاتار ماسەلەلەرگە توقتالىپ ءوتتى. ەستەرىڭىزگە سالا كەتەيىك، كورەيا دەلەگاتسياسى وسكەمەنگە ءوز كينولارىن دا الا كەلىپتى. بۇگىن جانە ەرتەڭ، ياعني، 7-8 ماۋسىم كۇندەرى  وبلىس ورتالىعىنداعى «ەحو» كينوتەاترىندا كارىس كينولارى كورسەتىلەدى، كىرۋ تەگىن.

Abai.kz