اقىرى ەلىمىزدە قاي جەرگە اەس سالۋ كەرەكتىگى ءمالىم بولىپ، سالىناتىن ورىنعا الماتى وبلىسىنداعى ۇلكەن اۋىلى تاڭدالدى.

تاعدىرى بۇلىڭعىر شاعىن اۋىل بيلىك تاراپىنان تەگىن تاڭدالىنىپ الىنىپ وتىرعان جوق. بيلىكتىڭ قازاق قوعامى الدىنداعى باستى ءۋاجى حالقى تاراپ كەتۋدىڭ از-اق الدىندا تۇرعان اۋىلدى ساقتاپ قالماقپىز-مىس.

اۋىلدىڭ كەتەۋىنىڭ كەتۋىنىڭ ءبىر سەبەبى ونىڭ ماڭىنداعى جەردىڭ الدەكىمدەردىڭ قولىندا بولىپ، سول جەردى يمەندەنۋشىلەر ونى ءىرى كولەمدەگى اقشاعا بۇلداپ وتكىزبەكشى دەگەن سىبىس تا شىقتى.

وسى باعىتتا بيلىك اۋەلى جەرگىلىكتى تۇرعىنداردىڭ تامىرىن باسىپ، اەس سالۋعا رۇحساتىن الىپ ىسكە ىڭ-شىڭىسىز كىرىسپەكشى بولدى. بىراق بۇل جىمىسقى اركەت رىسبەك سارسەنبايۇلى باستاعان قوعامدىق بەلسەندىلەر تاراپىنان ەسكەرۋسىز قالماي، بۇكىلرەسپۋبليكالىق تالقىلاۋعا نەگىز بولدى.

ولاردىڭ ورىندى كوتەرگەن ماسەلەسى ەكولوگ مەلس ەلەۋسىزوۆ تاراپىنان دا قولداۋ تاۋىپ، باستى ورىنعا اەس سالىنا قالسا، ونىڭ بالقاش ءۇشىن زور قاتەرى بارلىعى العا تارتىلىپ وتىر.

جۇت جەتى اعايىندى دەپ تەگىن ايتپايدى. قازىر بابامىزدان مۇراعا قالعان جەرگە ءۇش بىردەي ەكولوگيالىق اپات ءتونىپ تۇر. جايىلىمدىق جەردىڭ تارىلۋى، ترانسشەكارالىق وزەندەردىڭ تاراپىنان سۋ تاپشىلىعى جانە جىعىلعان ۇستىنە جۇدىرىق بولىپ تابىلعان اەس سالۋ پروبلەماسى.

ەل ۇكىمەتى وسى سوڭعىسىن شەشۋ ءۇشىن بولاشاق اەس سالۋعا ءتورت ەلدىڭ بىرىنە تاڭداۋ جاساماقشى. اتالعان ەلدەر رەتىندە رەسەي، قىتاي، فرانتسيا جانە وڭتۇستىك كورەيانىڭ اتتارى اتالدى.

وسىلاردىڭ ىشىندە ەڭ وڭ توقتام فرانتسيا دەگەندى اەس قولداۋشىلار ءبىر اۋىزدان قۇپتاپ وتىرعان جايى بار. ەل پىكىرىن ەكىگە جارعان اەس سالىنۋى مەن سالىنباۋى ۋاقىتتىڭ ەنشىسىندەگى دۇنيە.

Abai.kz