پارلامەنت ءماجىلىسىنىڭ دەپۋتاتى قايرات بالابيەۆ تۇركىستان قالاسىنداعى «جەڭىس» ساياباعىندا جاستارمەن كەزدەسۋ وتكىزدى.

باسقوسۋدا دەپۋتات پارلامەنت قابىرعاسىندا قابىلدانىپ جاتقان زاڭ جوبالارىنىڭ ءمان-ماڭىزىنا توقتالىپ، جاستاردى ەل يگىلىگى جولىندا ادال قىزمەت ەتۋگە شاقىردى.

– قاشان دا ادال ەڭبەكتىڭ نانى ءتاتتى. تازا ەڭبەكپەن تابىسقا جەتكەن ادامنىڭ كۇندىز كۇلكىسى، تۇندە ۇيقىسى تىنىش بولادى. تىنىمسىز ەڭبەك تەلەگەي تابىسقا جەتكىزەدى.  جاستار جاستىق شاقتا ءبىلىم الىپ، ءتىل ۇيرەنىپ، جان-جاقتى جۇمىس ىستەپ ۇيرەنسە، جالقاۋلىققا جول بەرمەيدى. ماماندىق تاڭداۋدا جاڭىلماۋ كەرەك. قيىندىقتاردى سابىرمەن جانە تاباندىلىقپەن جەڭۋگە تىرىسقان ءجون، – دەدى ق.بالابيەۆ.

دەپۋتاتتىڭ ايتۋىنشا، بۇگىندە جاستاردىڭ زور جەتىستىكتەرگە جەتۋى ءۇشىن مۇمكىندىك مول. اسىرەسە، مەملەكەت تاراپىنان جاستاردى قولداۋعا باعىتتالاعان باعدارلامالار مەن جوبالار جەتەرلىك. قايرات بالابيەۆ سولاردىڭ ءبىر سىپىراسىن ءتۇسىندىرىپ بەردى.

وڭىرلەردە ءبىلىمدى، بىلىكتى، وجەت جاستارىمىز كوپ. ولار وبلىستاردا، اۋدانداردا قالىپ قويىپ جاتادى. ءبىز سونداي جاستاردى تارتىپ، مەملەكەت دەڭگەيىندە قىزمەت اتقارۋعا جول اشۋىمىز كەرەك. بۇعان «AMANAT» پارتياسى دا اتسالىسىپ كەلەدى. جاستاردى قولداۋ – ءبىزدىڭ باسىم باعىتىمىز، – دەدى ءماجىلىس دەپۋتاتى.

Abai.kz