شەمونايحا اۋدانىنداعى «كوشپەندىلەر» دەگەن اتاۋ العان بالالاردى ساۋىقتىرۋ لاگەرىندە نەگىزىنەن از قامتىلعان جانە كوپبالالى وتباسىلارىنىڭ بالالارى، جەتىمدەر مەن قامقورلىققا الىنعان بالالار دەمالادى.

17 ماۋسىمنان 10 تامىزعا دەيىن جۇمىس ىستەيتىن كيىز ءۇي لاگەرىندە اۋدانداعى بارلىق 11 وكرۋگتىڭ بالالارى التى  كۇننەن دەمالىپ وتىرماق. جالپى لاگەردە بارلىق شارالار جازعى اكادەميا شەڭبەرىندە وتكىزىلەتىندىكتەن، وندا اۋداننىڭ سپورتشى بالالارى دا تىنىعاتىن بولادى. جانە وبلىستىق «ساۋلەتاي» ويىندارىنا قاتىسۋشى وقۋشىلاردىڭ دا ودان ورالعان سوڭ دەمالاتىن جەرى – وسى لاگەر.

- بۇل كيىز لاگەرى ەلىمىز بويىنشا العاشقى بولىپ ءبىزدىڭ اۋداندا دۇنيەگە كەلگەنىن وزدەرىڭىز بىلەسىزدەر. بيىل لاگەر سەگىز مارتە وقۋشىلاردى قابىلدايتىن بولادى. ءار ماۋسىمدا 70 بالادان دەمالىپ، جاز بويى اۋداننىڭ ءار مەكتەپتەرىندە ءبىلىم الىپ جاتقان 560 وقۋشى جاز جايناتىپ، كۇن كۇلدىرىپ، تىنىعىپ قايتاتىن بولادى، - دەيدى اۋداندىق ءبىلىم ءبولىمى باسشىسىنىڭ مىندەتىن اتقارۋشى گالينا رايىمبەكوۆا. – مىنا كيىز ۇيلەردىڭ سىرت تۇسىندا سپورت الاڭى جۇمىس ىستەمەك. ونداعى بارلىق جابدىقتاردى «كامىشينكا» شارۋا قوجالىعىنىڭ جەتەكشىسى ۆلاديمير اكۋلوۆ الىپ بەرىپ وتىر.

ءوزىنىڭ اتى ايتىپ تۇرعانداي، بۇل لاگەر جىل سايىن ورنىن اۋىستىرىپ وتىرادى. ماسەلەن، بيىل ول ۆولچانكا اۋىلدىق وكرۋگىنىڭ تابيعاتى تامىلجىعان اۋماعىنان ورىن تەۋىپتى.

شەمونايحا اۋدانىنداعى «كوشپەندىلەر» دەگەن اتاۋ العان بالالاردى ساۋىقتىرۋ لاگەرىندە نەگىزىنەن از قامتىلعان جانە كوپبالالى وتباسىلارىنىڭ بالالارى، جەتىمدەر مەن قامقورلىققا الىنعان بالالار دەمالادى.

17 ماۋسىمنان 10 تامىزعا دەيىن جۇمىس ىستەيتىن كيىز ءۇي لاگەرىندە اۋدانداعى بارلىق 11 وكرۋگتىڭ بالالارى التى  كۇننەن دەمالىپ وتىرماق. جالپى لاگەردە بارلىق شارالار جازعى اكادەميا شەڭبەرىندە وتكىزىلەتىندىكتەن، وندا اۋداننىڭ سپورتشى بالالارى دا تىنىعاتىن بولادى. جانە وبلىستىق «ساۋلەتاي» ويىندارىنا قاتىسۋشى وقۋشىلاردىڭ دا ودان ورالعان سوڭ دەمالاتىن جەرى – وسى لاگەر.

- بۇل كيىز لاگەرى ەلىمىز بويىنشا العاشقى بولىپ ءبىزدىڭ اۋداندا دۇنيەگە كەلگەنىن وزدەرىڭىز بىلەسىزدەر. بيىل لاگەر سەگىز مارتە وقۋشىلاردى قابىلدايتىن بولادى. ءار ماۋسىمدا 70 بالادان دەمالىپ، جاز بويى اۋداننىڭ ءار مەكتەپتەرىندە ءبىلىم الىپ جاتقان 560 وقۋشى جاز جايناتىپ، كۇن كۇلدىرىپ، تىنىعىپ قايتاتىن بولادى، - دەيدى اۋداندىق ءبىلىم ءبولىمى باسشىسىنىڭ مىندەتىن اتقارۋشى گالينا رايىمبەكوۆا. – مىنا كيىز ۇيلەردىڭ سىرت تۇسىندا سپورت الاڭى جۇمىس ىستەمەك. ونداعى بارلىق جابدىقتاردى «كامىشينكا» شارۋا قوجالىعىنىڭ جەتەكشىسى ۆلاديمير اكۋلوۆ الىپ بەرىپ وتىر.

ءوزىنىڭ اتى ايتىپ تۇرعانداي، بۇل لاگەر جىل سايىن ورنىن اۋىستىرىپ وتىرادى. ماسەلەن، بيىل ول ۆولچانكا اۋىلدىق وكرۋگىنىڭ تابيعاتى تامىلجىعان اۋماعىنان ورىن تەۋىپتى.

- بيىل دەمالۋشى بالالاردى مەن ەكى كومەكشىممەن بىرلەسىپ، تاماقتاندىراتىن بولامىن. وسى وكرۋگكە قاراستى كيروۆ ورتا مەكتەبىنىڭ اسحاناسىن جالعا العانمىن. تاعامدى سول جەردە ازىرلەپ، كۇنىنە ءتورت رەت اكەلىپ تۇرامىن. اس ءمازىرىنىڭ ءار الۋان بولۋىن قاداعالايمىن. ويتكەنى، تازا اۋادا دەمالعان بالانى ەرەكشە ءنارلى تاماقتاندىرۋ كەرەك قوي، - دەيدى اسپاز گالينا ساپاقوۆا.

بيىل لاگەرگە كەلۋشىلەردى تاماقتاندىرۋعا باعىتتالعان قاراجات تا وسكەن ەكەن. سونىمەن بىرگە اۋدان باسشىلىعى ۇستىمىزدەگى جىلى وتكەن جىلداعىداي ون ەمەس، 11 كەزەڭ جاساۋعا نيەتتەنىپ وتىرعان كورىنەدى. جالپى لاگەردە دەمالعانى ءۇشىن بالالاردىڭ اتا-انالارى ەشقانداي اقشا تولەمەيدى، ولار تاراپىنان ءبارى دە تەگىن، بارلىعىن اۋداندىق بيۋدجەت پەن شارۋا قوجالىقتارى كوتەرىپ الىپ وتىر.

ءبىز گالينا رايىمبەكوۆادان وسىناۋ ساۋىقتىرۋ-دەمالىس لاگەرىندە ءار بالاعا قانشا مولشەردە بال بەرىلەتىنىن ناقتىلاي سۇراعانبىز.

- بىزدە بالمەن قامتاماسىز ەتۋدە پروبلەما جوق. بۇل جەردى بىلاي قويعاندا، اۋدان كولەمىندەگى بارلىق مەكتەپتەر تولىعىمەن بالمەن قامتىلعان. بيىلعى جىلدان باستاپ، بال بالالارعا ىڭعايلى بولۋ ءۇشىن ارنايى قۇيىلعان قۇتىلاردا، ال ءسۇت (پاكەتتە) كۇنىنە 150 گرامنان ۇسىنىلادى. ول سۇتپەن ناقتى كەلىسىمشارت جاساسقان «ۆوستوك-مولوكو» جانە «ەميل» فيرمالارى قامتاماسىز ەتەدى، - دەدى ول. – تاعى ءبىر ايتپاي كەتۋگە بولمايتىن نارسە، بيىل وسىنداعى كيىز ءۇيدىڭ بىرەۋى مۇمكىندىگى شەكتەۋلى بالالارعا (جالپى اۋدان بويىنشا 110 مۇمكىندىگى شەكتەۋلى بالا بار، ولاردىڭ 54-ءى مەكتەپكە بارىپ وقيدى) ارنالىپ وتىر. ولار بۇل جەردە قونبايدى، تەك كۇندىز عانا بولىپ، باسقا بالالارمەن ويناپ، ءتۇرلى شارالارعا قاتىسىپ، كەشكە قاراي ۇيلەرىنە قايتادى.

ءبىز ءىسساپاردا بولعان كەزدە الىستان مەنمۇندالاعان اق شاڭقان ۇيلەردىڭ ماڭى كوكوراي شالعىنعا ورانىپ تۇرعان-دى. ال قازىر ول جەردى ءۇشىنشى كەزەڭدە دەمالۋعا كەلگەن 80-گە تارتا بالانىڭ جايدارى كۇلكىلەرى جاڭعىرتىپ جاتقانى ءسوزسىز.

Abai.kz