جۇما, 28 اقپان 2020
جاڭالىقتار 1519 0 پىكىر 25 شىلدە, 2013 ساعات 10:38

زيالىلاردىڭ باسىن قوسقان اۋىزاشار

كەشە قازاقستان مۇسىلماندارى ءدىني باسقارماسى زيالى قاۋىم وكىلدەرىنە، قوعام قايراتكەرلەرىنە، باق باسشىلارى مەن ونەر ادامدارىنا اۋىزاشار بەردى.

ۇلىق مەرەكەدەگى اۋىزاشار داستارحانى ۇلتتىق ناقىشپەن ءوتتى. تاربيەلىك ءمانى مول عيبراتقا تولى تەرمە-جىر مەن تولعاۋلار ورىندالىپ، سۇبەلى ويلار ايتىلدى ءھام بەينەفيلم كورسەتىلدى. بەلگىلى اكتەر، ءدىن جاناشىرى بەكجان تۇرىس ءسانى مەن سالتاناتى جاراسقان مەرەكەلىك ىزگى شارانىڭ شىرايىن كەلتىرە شەبەرلىكپەن جۇرگىزدى. اۋىزاشاردا كەڭەس اۋحاديەۆ، سۇلتان سارتاەۆ، مۇرات جۇرىنوۆ سىندى ءبىرتۋار باتاگوي تۇلعالار قاسيەتتى رامازان ايىنىڭ ارتىقشىلىقتارى جايلى ويلارىن ورتاعا سالدى.

باس ءمۇفتي ەرجان قاجى مالعاجىۇلى حازىرەت ەل مۇسىلماندارىن رامازان ايىمەن قۇتتىقتاپ، ورازانىڭ تەڭدەسسىز ساۋابى مەن اللانىڭ اۋىز بەكىتكەن ادامعا ءناسىپ ەتەر نىعمەتتەرى جايلى ناسيحات ايتتى. باس ءمۇفتي تاۋەلسىزدىكتىڭ قادىرىن سەزىنۋگە ۇندەدى. 

كەشە قازاقستان مۇسىلماندارى ءدىني باسقارماسى زيالى قاۋىم وكىلدەرىنە، قوعام قايراتكەرلەرىنە، باق باسشىلارى مەن ونەر ادامدارىنا اۋىزاشار بەردى.

ۇلىق مەرەكەدەگى اۋىزاشار داستارحانى ۇلتتىق ناقىشپەن ءوتتى. تاربيەلىك ءمانى مول عيبراتقا تولى تەرمە-جىر مەن تولعاۋلار ورىندالىپ، سۇبەلى ويلار ايتىلدى ءھام بەينەفيلم كورسەتىلدى. بەلگىلى اكتەر، ءدىن جاناشىرى بەكجان تۇرىس ءسانى مەن سالتاناتى جاراسقان مەرەكەلىك ىزگى شارانىڭ شىرايىن كەلتىرە شەبەرلىكپەن جۇرگىزدى. اۋىزاشاردا كەڭەس اۋحاديەۆ، سۇلتان سارتاەۆ، مۇرات جۇرىنوۆ سىندى ءبىرتۋار باتاگوي تۇلعالار قاسيەتتى رامازان ايىنىڭ ارتىقشىلىقتارى جايلى ويلارىن ورتاعا سالدى.

باس ءمۇفتي ەرجان قاجى مالعاجىۇلى حازىرەت ەل مۇسىلماندارىن رامازان ايىمەن قۇتتىقتاپ، ورازانىڭ تەڭدەسسىز ساۋابى مەن اللانىڭ اۋىز بەكىتكەن ادامعا ءناسىپ ەتەر نىعمەتتەرى جايلى ناسيحات ايتتى. باس ءمۇفتي تاۋەلسىزدىكتىڭ قادىرىن سەزىنۋگە ۇندەدى. 

«قۇرمەتتى قوناقتار، ءبىز بۇگىندە قوي ۇستىنە بوزتورعاي جۇمىرتقالاعان بەيبىت زاماندا ءومىر ءسۇرىپ وتىرمىز. ەگەمەندىگىمىزدى باياندى ەتە ءتۇسۋ ءۇشىن ءاربىر ازامات ەلىمىزدىڭ بولاشاعىنا، جاستارىمىزدىڭ كەلەشەگىنە ەلەڭدەۋى ءتيىس. وسىناۋ جاۋاپكەرشىلىك جۇگىن سەزىنۋ ءۇشىن ادامعا ەڭ اۋەلى يماندىلىق اۋاداي قاجەت. يماندىلىق بولماعان جەردە ارسىزدىق بەلەڭ الادى. ەندەشە، رامازان ايىندا ۇستالعان ورازا – ءاربىر ادامنىڭ ءوز بويىنداعى قاتە-كەمشىلىكتەرىن جويىپ، جاقسىلىققا ۇمتىلۋعا تاربيەلەيتىن ۇلى قۇلشىلىق. اللا تاعالا ورازامىزدى قايىرىمەن قابىل ەتكەي! تاۋەلسىزدىگىمىزدىڭ تۇعىرى مەن ەلىمىزدىڭ ەڭسەسى بيىك، جاستارىمىز جىگەرلى بولعاي! جاراتۋشى يەمىز حالقىمىزعا بەرەكەتىن جاۋدىرعاي!» – دەپ دۇعا جاسادى باس ءمۇفتي ەرجان قاجى مالعاجىۇلى.

 

اعابەك قوناربايۇلى،

قمدب ءباسپاسوز حاتشىسى

0 پىكىر