ورتالىق كوممۋنيكاتسيالار قىزمەتىندە وتكەن بريفينگتە ادىلەت ءمينيسترى ازامات ەسقاراەۆ قازاقستاننىڭ تۇڭعىش پرەزيدەنتىن بارلىق مارتەبەسى مەن قىزمەتىنەن ايىرۋ تۋرالى ايتتى.

جۋرناليست مينيستردەن بۇرىنعى پرەزيدەنت نۇرسۇلتان نازارباەۆ پەن ونىڭ وتباسىن ارتىقشىلىقتار مەن مارتەبەلەردەن ايىرۋعا قاتىستى پارلامەنتتىڭ بەلسەندى جۇمىسى تۋرالى سۇرادى.

مينيستر وسى جىلدىڭ اقپان ايىندا قاسىم-جومارت توقاەۆ قول قويعان «قازاقستان رەسپۋبليكاسىنىڭ تۇڭعىش پرەزيدەنتى – ەلباسى تۋرالى» قازاقستان رەسپۋبليكاسىنىڭ كونستيتۋتسيالىق زاڭىنىڭ كۇشى جويىلدى دەپ تانىلۋى تۋرالى» زاڭعا توقتالدى.

«بۇدان ايتارلىقتاي سەبەپ كورىپ تۇرعانىم جوق. بۇل – قالىپتى زاڭ شىعارۋ پروتسەسى، قاڭتاردا قابىلدانعان زاڭنىڭ جالعاسىن تابۋى. ارتىقشىلىقتارعا كەلەتىن بولساق، قازاقستان رەسپۋبليكاسىنىڭ پرەزيدەنتى تۋرالى كونستيتۋتسيالىق زاڭىمىزدا ەكس-پرەزيدەنتكە ءتيىستى كەپىلدىكتەر بەرىلگەنىن انىق ايتا الامىن. ول دەگەنىمىز ەكس-پرەزيدەنتتى تۇرعىن ۇيمەن، كولىكپەن قامتاماسىز ەتۋگە كەپىلدىك بەرۋ دەگەن ءسوز» – دەپ جاۋاپ بەردى ەسقاراەۆ.

20 قىركۇيەكتە ءماجىلىس دەپۋتاتتارى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ۇلتتىق قوردان بالالارعا تولەنەتىن تولەمدەر ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ماقۇلدادى. سونداي-اق «ۇلتتىق ءال-اۋقات قورى تۋرالى» زاڭدا نازارباەۆتى قوردى باسقارۋ جونىندەگى كەڭەس قۇرامىنان شىعارۋ تۋرالى تۇزەتۋلەر دە بار.

Abai.kz