تۇركيا ىشكى ىستەر ءمينيسترىنىڭ حابارلاۋىنشا، جانكەشتى جارىلىس كەزىندە ولگەن، ونىڭ جانىنداعى ادامدى پوليتسەيلەر اتىپ ولتىرگەن. مينيستر وقيعانى تەراكت رەتىندە سيپاتتادى.
Haberturk سايتىنىڭ جازۋىنشا، ەكى ادام عيماراتقا كولىكپەن بارىپ، جارىلىس جاساعان. ەكى پوليتسەي جاراقاتتانعان.
"اتىس كەزىندە ەكى پوليتسەي جەڭىل جاراقاتتاندى" دەپ جازدى تۇركيا ىشكى ىستەر ءمينيسترى ءالي ەرليكاي X-تەگى (بۇرىنعى Twitter) پاراقشاسىندا.
تۇركيا ءىىم عيماراتى ماڭىنا تۇرىك پارلامەنتى جاقىن ورنالاسقان. 1 قازاندا وندا جازعى دەمالىستان كەيىن پارلامەنتتىڭ العاشقى وتىرىسى وتۋگە ءتيىس بولعان. كەي بولجامعا قاراعاندا، جانكەشتىلەر پارلامەنت سەسسياسى باستالماي تۇرىپ، دەپۋتاتتار عيماراتقا جينالعان كەزدە جارىلىس جاساماق بولعان.
Abai.kz
