پارلامەنت «بالالارعا ارنالعان ۇلتتىق قور» جوباسىن قابىلدادى. ەندى 2024 جىلدىڭ 1 قاڭتارىنان باستاپ 18 جاسقا دەيىنگى بارلىق قازاقستاندىقتار ءۇشىن جيناق شوت اشىلادى.

ۇلتتىق قوردىڭ ينۆەستيتسيالىق كىرىسىنىڭ 50 پايىزى جىل سايىن وسى شوتتارعا اۋدارىلادى. بالا 18 جاسقا تولعاننان كەيىن شوتتاعى قاراجات 10 جىل بويى ساقتالادى.

ەگەر ازامات وسى ۋاقىت ىشىندە ولاردى پايدالانباسا، قاراجات ونىڭ زەينەتاقى شوتىنا اۋدارىلادى. ول جينالعان اقشاعا ءبىلىم الۋعا، باسپانا ساتىپ الۋعا قۇقىلى. قارجى مينيسترلىگىنىڭ ەسەبى بويىنشا، 18 جىلدا بالانىڭ شوتىنا 3500 دوللار جينالادى. ءبىر جىلدا شوتقا ورتاشا سومادا 150-160 دوللاردى تۇسەدى.

Abai.kz