ۇقك بۇرىنعى توراعاسى شابدارباەۆ ءماجىلىستىڭ ەكس-سپيكەرى نىعماتۋليندى «قاڭتاردىڭ دەم بەرۋشىلەرىنىڭ ءبىرى» دەپ سانايدى. بۇل تۋرالى شابدارباەۆ مىرزا «Elmedia-عا» بەرگەن سۇحباتىندا مالىمدەگەن.

ۇلتتىق قاۋىپسىزدىك  كوميتەتىنىڭ (ۇقك) بۇرىنعى توراعاسى امانگەلدى شابدارباەۆ ءماجىلىستىڭ بۇرىنعى سپيكەرى نۇرلان نىعماتۋليندى «قاڭتار وقيعاسىنىڭ» ۇيىمداستىرۋشىلاردى ءبىرى بولعان دەپ سانايتىنىن ايتقان.

«ءماجىلىس سپيكەرى مەن كارىم ءماسىموۆ توقاەۆقا كەلىپ: «مىنە، ۇشاق دايىن، ۇشىپ كەت» (مەملەكەت باسشىسىنا «قاڭتار وقيعالارى» بارىسىندا قازاقستاندى تاستاپ شىق دەگەن ەمەۋىرىندى بىلدىرەدى) دەپ ايتتى. بۇنى ايتقان كارىم ەمەس، نىعماتۋلين»، - دەدى شابدارباەۆ «Elmedia» جوباسىنىڭ باس رەداكتورى گۇلجان ەرعاليەۆاعا بەرگەن سۇحباتىندا.

جۋرناليست ءوز ساۋالىن: «ەگەر توقاەۆ ۇشاققا وتىرىپ ۇشىپ كەتەتىن بولسا، وندا ونىڭ ورنىن كىم باسار ەدى؟»، - دەپ سۇرايدى.

«ەلىمىزدىڭ زاڭى بويىنشا سەناتور (قولدانىستاعى زاڭ بويىنشا سەنات سپيكەرى مەملەكەتتىڭ ەكىنشى تۇلعاسى، ال، ءماجىلىس سپيكەرى ءۇشىنشى تۇلعا سانالادى) – بىردەن ونىڭ ورنىن باسادى. جاس قوي»، - دەدى شابدارباەۆ.

«قاڭتار وقيعاسى» كەزىندە سەناتتى ماۋلەن اشىمباەۆ باسقارعان-تىن، ول كەزدە نىعماتۋلين ءماجىلىس سپيكەرى ەدى.

«نىعماتۋليننىڭ پرەزيدەنت بولۋى وتە اقىلعا سىيىمدى»، - دەپ تۇيىندەيدى ەرعاليەۆا.

نىعماتۋلين ءماجىلىس سپيكەرلىگىنەن 2022 جىلدىڭ 1 اقپانىندا كەتتى. ول پارلامەنتتىڭ تومەنگى پالاتاسىن 2016 جىلدان باستاپ باسقاردى. اتاپ ايتارى، بۇعان دەيىن دە 2012-2014 جىلدار ارالىعىندا ءماجىلىس سپيكەرى بولعان-تىن. ال، بۇل ونىڭ ەكىنشى توراعالىق ەتۋى ەدى.

كەي جىلدارى ول پرەزيدەنت اكىمشىلىگىن باسقاردى. قاراعاندى وبلىسىنىڭ اكىمى دە بولدى. نىعماتۋليننىڭ جەكە باسىمەن رەيدەرلىك باسىپ الۋ، قىلمىستىق ىستەردى قولدان جاساۋ، وزىنە ۇناماعان تۇلعالاردى زاڭسىز سوتتاۋ جانە باسقادا كوپتەگەن قىلمىستار بايلانىستى بولىپ تابىلادى.

Abai.kz