– وكىنىشكە قاراي، 2019 جىلى كرەديت كەشىرىلگەننەن كەيىن ءبىزدىڭ قارجى سەكتورىندا كرەديت كولەمى قايتادان ءوسىپ كەتتى. ونىڭ ىشىندە پروبلەمالىق كرەديتتەر دە ءوسىپ كەتتى. ەگەر مەملەكەت قاراجاتىن ءبولىپ، قايتا-قايتا كەشىرە بەرسەك، ودان دا كوپ جاڭا كرەديتتەر كوبەيەدى، - دەيدى ابىلقاسىموۆا ءماجىلىس كۋلۋارىندا.

اگەنتتىك توراعاسى وسى سەبەپتى كوللەكتورلىق اگەنتتىكتەرگە جاۋاپكەرشىلىكتى كۇشەيتۋ كوزدەلىپ وتىرعانىن ايتادى.

– ول قالاي بولادى؟ ولار ەندى زاڭ بويىنشا پروبلەمالىق بەرەشەكتى رەتتەۋدىڭ مىندەتتى ءراسىمىن جاساۋ كەرەك. ەگەر قارىز الۋشى بانككە جۇگىنسە، ول وسىنداي ءراسىمدى وتكىزۋى ءتيىس. وسى ءراسىمدى جۇيەلى تۇردە قولدانۋ ءۇشىن بيىلدان باستاپ مەملەكەت باسشىسىنىڭ تاپسىرماسى بويىنشا بارلىق بانكتەر مەن ميكروقارجى ۇيىمدارى، كوللەكتورلىق ۇيىمدار جەكە جوبالارىن ازىرلەدى. پروبلەمالىق كرەديتتەرمەن جۇمىس ىستەۋدىڭ جەكە جوسپارلارىن دايىندادى. ول جەكە جوسپارلار ىشىندە قازىر 1 ملن 449 مىڭ ادامدى قامتۋ جوسپارلانعان. بۇل جوسپارلار جاڭارتىلادى. ونىڭ ىشىندە بانكتەردىڭ كرەديتتەردى قايتا قۇرىلىمداۋى، ەكىنشىدەن قارىزدى ءىشىنارا نەمەسە تولىق ەسەپتەن شىعارۋ شارالارى بار. مىسالى، تولەۋگە قابىلەتى جوق بولسا نەمەسە قارىزدىڭ سوماسى قاتتى ۇلكەن بولماسا، بىرنەشە جىل پروبلەمالىق كرەديتى بولسا، وندا بانكتەر ءوز ەسەبىنەن ءىشىنارا نەمەسە تولىعىمەن ءوز ەسەبىنەن جاۋىپ تاستايدى، – دەيدى مادينا ابىلقاسىموۆا.

فوتو: عالامتوردان

Abai.kz